2025ರ ಹೊತ್ತಿಗೆ ಕ್ಷಿಪಣಿ ನಿರೋಧಕ ರಷ್ಯಾದ ಟ್ರಯಂಫ್‌ ಭಾರತಕ್ಕೆ

ಮಾಸ್ಕೊ: ದೇಶದ ಸೇನಾಬಲ ಹೆಚ್ಚಿಸುವಲ್ಲಿ ಮಹತ್ವದ ಪಾತ್ರ ವಹಿಸಲಿರುವ ಅತ್ಯಾಧುನಿಕ ಐದು ಎಸ್‌-400 ಟ್ರಯಂಫ್‌ ಕ್ಷಿಪಣಿ ನಿರೋಧಕ ವ್ಯವಸ್ಥೆಗಳನ್ನು 2025ರ ಹೊತ್ತಿಗೆ ಭಾರತಕ್ಕೆ ಪೂರೈಸಲಾಗುವುದು ಎಂದು ರಷ್ಯಾ ಹೇಳಿದೆ.

2018ರ ಅಕ್ಟೋಬರ್‌ನಲ್ಲಿ ಭಾರತವು 5 ಬಿಲಿಯನ್‌ ಡಾಲರ್‌ ಮೊತ್ತದಲ್ಲಿ ರಷ್ಯಾದಿಂದ ಐದು ಎಸ್‌-400 ಟ್ರಯಂಫ್‌ ಕ್ಷಿಪಣಿ ನಿರೋಧಕ ವ್ಯವಸ್ಥೆ ಖರೀದಿಸುವ ಸಂಬಂಧ ಒಪ್ಪಂದ ಮಾಡಿಕೊಂಡಿತ್ತು. ಇವುಗಳ ಪೂರೈಕೆ ಕುರಿತ ತಾಂತ್ರಿಕ ಸಿದ್ಧತೆಗಳು ಪೂರ್ಣಗೊಂಡಿವೆ. 2025ರ ಹೊತ್ತಿಗೆ ಭಾರತದ ಬತ್ತಳಿಕೆ ಸೇರಲಿವೆ ಎಂದು ಭಾರತದಲ್ಲಿರುವ ರಷ್ಯಾ ರಾಯಭಾರಿ ನಿಕೋಲೆ ಕುಡಶೇವ್‌ ಹೇಳಿದ್ದಾರೆ.

ಇದೇ ವೇಳೆ ಕಾಶ್ಮೀರ ಸಂಗತಿವು ಭಾರತ-ಪಾಕ್‌ ನಡುವಿನ ದ್ವಿಪಕ್ಷೀಯ ವಿಚಾರ. ಇದರಲ್ಲಿ ರಷ್ಯಾ ಹಸ್ತಕ್ಷೇಪ ಮಾಡದು ಎಂದು ಸ್ಪಷ್ಟಪಡಿಸಿದ್ದಾರೆ. ಈ ಮಧ್ಯೆ ಭಾರತೀಯ ವಾಯುಪಡೆ ರಷ್ಯಾದ ಸುಖೋಯ್‌-30 ಎಂಕೆಐ ಯುದ್ಧ ವಿಮಾನದೊಳಗೆ ಪೈಲಟ್‌ಗಳ ಕಾರ್ಯಶೈಲಿ ತೋರಿಸುವ ಚಿತ್ರವನ್ನು 'ನಾವೇ ಆಗಸ ಆಳುತ್ತೇವೆ' ಅಡಿಬರಹದಡಿ ಟ್ವೀಟ್‌ ಮಾಡಿದೆ.