ಬೊಗೋಟ್: ಕೊಲಂಬಿಯಾದ ಅಮೆಜಾನ್‌ನ ಅಪಾಯಕಾರಿ ಹಾಗೂ ದಟ್ಟಾರಣ್ಯದಲ್ಲಿ ಅಚ್ಚರಿಯ ಘಟನೆಯೊಂದು ನಡೆದಿದೆ. ಎರಡು ವಾರಕ್ಕೂ ಹಿಂದೆ ಸಂಭವಿಸಿದ್ದ ವಿಮಾನ ಅಪಘಾತದ ಬಳಿಕ ತೀವ್ರ ಶೋಧ ಕಾರ್ಯ ನಡೆಸಿದ ತಂಡಗಳಿಗೆ 11 ತಿಂಗಳ ಪುಟಾಣಿ ಸೇರಿದಂತೆ ನಾಲ್ಕು ಮಕ್ಕಳು ಜೀವಂತ ಪತ್ತೆಯಾಗಿದ್ದಾರೆ. 'ಇದು ದೇಶಕ್ಕೆ ಉಂಟಾದ ಆನಂದ' ಎಂದು ಕೊಲಂಬಿಯಾ ಅಧ್ಯಕ್ಷ ಗುಸ್ತಾವೊ ಪೆಟ್ರೋ ಹೇಳಿದ್ದಾರೆ.
ಸ್ಥಳೀಯ ಮಕ್ಕಳು ಪ್ರಯಾಣಿಸುತ್ತಿದ್ದ ವಿಮಾನವು ಮೇ 1ರಂದು ಅಮೆಜಾನ್ ಅಡವಿಯಲ್ಲಿ ಅಪಘಾತಕ್ಕೆ ಒಳಗಾಗಿತ್ತು. ಈ ದುರಂತದಲ್ಲಿ ಪೈಲಟ್ ಹಾಗೂ ಮಕ್ಕಳ ತಾಯಿ ಸೇರಿದಂತೆ ಮೂವರು ವಯಸ್ಕರು ಮೃತಪಟ್ಟಿದ್ದರು. ಅವರ ಮೃತದೇಹಗಳು ಕಳೆದ ವಾರ ಪತ್ತೆಯಾಗಿದ್ದವು. ನಾಪತ್ತೆಯಾಗಿದ್ದ ಅಪ್ರಾಪ್ತ ವಯಸ್ಸಿನ ಮಕ್ಕಳನ್ನು ಪತ್ತೆ ಮಾಡಲು ಸ್ನಿಫರ್ ಶ್ವಾನ ಪಡೆಯ ಜತೆಗೆ ನೂರಕ್ಕೂ ಹೆಚ್ಚು ಸೈನಿಕರನ್ನು ನಿಯೋಜಿಸಲಾಗಿತ್ತು.
ಈ ಭೀಕರ ಅಪಘಾತದ ಬಳಿಕ 13, 9 ಮತ್ತು 4 ವರ್ಷದ ಮಕ್ಕಳು 11 ತಿಂಗಳ ಶಿಶುವನ್ನು ಎತ್ತಿಕೊಂಡು ದಕ್ಷಿಣ ಕಾಕ್ವೆಟಾ ವಿಭಾಗದ ಕಾಡಿನಲ್ಲಿ ಅಲೆದಾಡಿದ್ದಾರೆ ಎಂದು ರಕ್ಷಣಾ ಸಿಬ್ಬಂದಿ ಹೇಳಿದ್ದಾರೆ. ಈ ಮಕ್ಕಳನ್ನು ಎಲ್ಲಿ ರಕ್ಷಿಸಲಾಗಿದೆ ಅಥವಾ ಅವರು ಅರಣ್ಯದಲ್ಲಿ ಹೇಗೆ ಜೀವ ಉಳಿಸಿಕೊಂಡಿದ್ದರು ಎಂಬ ಬಗ್ಗೆ ಪೆಟ್ರೋ ಅವರು ಯಾವುದೇ ಮಾಹಿತಿ ನೀಡಿಲ್ಲ.
ಸೆಸ್ನಾ 206 ಲಘು ವಿಮಾನವು ಅಮೇಜಾನಸ್ ಪ್ರಾಂತ್ಯದ ಅರಾರಕುವರಾದಿಂದ ಗುವಿಯಾರ್ ಪ್ರಾಂತ್ಯದ ಸಾನ್ ಜೋಸ್ ಡೆಲ್ ಗುವಿಯಾರ್ ನಗರದ ಕಡೆಗೆ ತೆರಳುತ್ತಿತ್ತು. ಮೇ 1ರ ಮುಂಜಾನೆ ವಿಮಾನ ಕಣ್ಮರೆಯಾಗಿತ್ತು. ಈ ವಾರದ ಆರಂಭದಲ್ಲಿ ವಿಮಾನದ ಅವಶೇಷಗಳು ಸಿಕ್ಕಿದ್ದವು. ವಿಮಾನದ ಮುಂದಿನ ಭಾಗ ಮರಗಳ ನಡುವೆ ತೂರಿಕೊಂಡಿತ್ತು. ಮೂವರ ಶವಗಳು ಸಿಕ್ಕಿದ್ದವು. ಮೃತರಲ್ಲಿ ಈ ನಾಲ್ಕೂ ಮಕ್ಕಳ ತಾಯಿ ರೊನಾಕ್ಯು ಮುಕುಟುಯಿ ಸೇರಿದ್ದರು. ಸ್ಥಳದಲ್ಲಿ ಕತ್ತರಿ, ಶೂಗಳು, ಮಗುವಿನ ಹಾಲು ಕುಡಿಯುವ ಬಾಟಲಿ, ಅರ್ಧ ತಿಂದು ಬಿಟ್ಟ ಕೊಳೆತ ಹಣ್ಣುಗಳು ದೊರಕಿದ್ದವು.
ಅಪಾಯದ ಬಗ್ಗೆ ಇನ್ನೂ ಸ್ಪಷ್ಟತೆ ಇಲ್ಲ
ನಾಲ್ಕು ಮಕ್ಕಳು ಸಜೀವ ಪತ್ತೆಯಾಗಿದ್ದು, ಅವರನ್ನು ನದಿ ತೀರದಿಂದ ದೋಣಿಯಲ್ಲಿ ಸ್ಥಳಾಂತರ ಮಾಡಲಾಗುತ್ತಿದೆ ಮತ್ತು ಅವರೆಲ್ಲರೂ ಜೀವಂತವಾಗಿ ಇದ್ದಾರೆ ಎಂದು ಶೋಧ ಪ್ರದೇಶದಲ್ಲಿದ್ದ ತನ್ನ ಪೈಲಟ್ ಒಬ್ಬರು ತಿಳಿಸಿರುವುದಾಗಿ ಪತನಗೊಂಡ ಏವಿಯಾನ್‌ಲೈನ್ ಚಾರ್ಟರ್ಸ್ ವಿಮಾನದ ಮಾಲೀಕರು ತಿಳಿಸಿದ್ದಾರೆ.
ಆದರೆ ಈ ಮಕ್ಕಳು ಸಂಪೂರ್ಣವಾಗಿ ಅಪಾಯದಿಂದ ಪಾರಾಗಿದ್ದಾರೆಯೇ ಎಂಬ ಬಗ್ಗೆ ಯಾವುದೇ ಅಧಿಕೃತ ಖಚಿತತೆ ಇಲ್ಲ. ಈ ಪ್ರದೇಶದಲ್ಲಿ ಭಾರಿ ಸಿಡಿಲು ಸಹಿತ ಮಳೆಯಾಗುತ್ತಿರುವುದರಿಂದ ಅವರು ಸುರಕ್ಷಿತವಾಗಿ ಮರಳಿ ಬರುವುದಕ್ಕೆ ತೊಡಕುಗಳಿವೆ ಎಂದಿದ್ದಾರೆ. ಆದರೆ ತಮಗೆ ಬಂದ ಮಾಹಿತಿ ಸುಳ್ಳು, ಮಕ್ಕಳು ಇನ್ನೂ ಪತ್ತೆಯಾಗಿಲ್ಲ ಎಂದು ಮರುದಿನ ಪೆಟ್ರೋ ಸ್ಪಷ್ಟನೆ ನೀಡಿದ್ದಾರೆ.
ಸ್ಥಳೀಯ ಮಕ್ಕಳು ಪ್ರಯಾಣಿಸುತ್ತಿದ್ದ ವಿಮಾನವು ಮೇ 1ರಂದು ಅಮೆಜಾನ್ ಅಡವಿಯಲ್ಲಿ ಅಪಘಾತಕ್ಕೆ ಒಳಗಾಗಿತ್ತು. ಈ ದುರಂತದಲ್ಲಿ ಪೈಲಟ್ ಹಾಗೂ ಮಕ್ಕಳ ತಾಯಿ ಸೇರಿದಂತೆ ಮೂವರು ವಯಸ್ಕರು ಮೃತಪಟ್ಟಿದ್ದರು. ಅವರ ಮೃತದೇಹಗಳು ಕಳೆದ ವಾರ ಪತ್ತೆಯಾಗಿದ್ದವು. ನಾಪತ್ತೆಯಾಗಿದ್ದ ಅಪ್ರಾಪ್ತ ವಯಸ್ಸಿನ ಮಕ್ಕಳನ್ನು ಪತ್ತೆ ಮಾಡಲು ಸ್ನಿಫರ್ ಶ್ವಾನ ಪಡೆಯ ಜತೆಗೆ ನೂರಕ್ಕೂ ಹೆಚ್ಚು ಸೈನಿಕರನ್ನು ನಿಯೋಜಿಸಲಾಗಿತ್ತು.
ಈ ಭೀಕರ ಅಪಘಾತದ ಬಳಿಕ 13, 9 ಮತ್ತು 4 ವರ್ಷದ ಮಕ್ಕಳು 11 ತಿಂಗಳ ಶಿಶುವನ್ನು ಎತ್ತಿಕೊಂಡು ದಕ್ಷಿಣ ಕಾಕ್ವೆಟಾ ವಿಭಾಗದ ಕಾಡಿನಲ್ಲಿ ಅಲೆದಾಡಿದ್ದಾರೆ ಎಂದು ರಕ್ಷಣಾ ಸಿಬ್ಬಂದಿ ಹೇಳಿದ್ದಾರೆ. ಈ ಮಕ್ಕಳನ್ನು ಎಲ್ಲಿ ರಕ್ಷಿಸಲಾಗಿದೆ ಅಥವಾ ಅವರು ಅರಣ್ಯದಲ್ಲಿ ಹೇಗೆ ಜೀವ ಉಳಿಸಿಕೊಂಡಿದ್ದರು ಎಂಬ ಬಗ್ಗೆ ಪೆಟ್ರೋ ಅವರು ಯಾವುದೇ ಮಾಹಿತಿ ನೀಡಿಲ್ಲ.
ಸೆಸ್ನಾ 206 ಲಘು ವಿಮಾನವು ಅಮೇಜಾನಸ್ ಪ್ರಾಂತ್ಯದ ಅರಾರಕುವರಾದಿಂದ ಗುವಿಯಾರ್ ಪ್ರಾಂತ್ಯದ ಸಾನ್ ಜೋಸ್ ಡೆಲ್ ಗುವಿಯಾರ್ ನಗರದ ಕಡೆಗೆ ತೆರಳುತ್ತಿತ್ತು. ಮೇ 1ರ ಮುಂಜಾನೆ ವಿಮಾನ ಕಣ್ಮರೆಯಾಗಿತ್ತು. ಈ ವಾರದ ಆರಂಭದಲ್ಲಿ ವಿಮಾನದ ಅವಶೇಷಗಳು ಸಿಕ್ಕಿದ್ದವು. ವಿಮಾನದ ಮುಂದಿನ ಭಾಗ ಮರಗಳ ನಡುವೆ ತೂರಿಕೊಂಡಿತ್ತು. ಮೂವರ ಶವಗಳು ಸಿಕ್ಕಿದ್ದವು. ಮೃತರಲ್ಲಿ ಈ ನಾಲ್ಕೂ ಮಕ್ಕಳ ತಾಯಿ ರೊನಾಕ್ಯು ಮುಕುಟುಯಿ ಸೇರಿದ್ದರು. ಸ್ಥಳದಲ್ಲಿ ಕತ್ತರಿ, ಶೂಗಳು, ಮಗುವಿನ ಹಾಲು ಕುಡಿಯುವ ಬಾಟಲಿ, ಅರ್ಧ ತಿಂದು ಬಿಟ್ಟ ಕೊಳೆತ ಹಣ್ಣುಗಳು ದೊರಕಿದ್ದವು.
ಅಪಾಯದ ಬಗ್ಗೆ ಇನ್ನೂ ಸ್ಪಷ್ಟತೆ ಇಲ್ಲ
ನಾಲ್ಕು ಮಕ್ಕಳು ಸಜೀವ ಪತ್ತೆಯಾಗಿದ್ದು, ಅವರನ್ನು ನದಿ ತೀರದಿಂದ ದೋಣಿಯಲ್ಲಿ ಸ್ಥಳಾಂತರ ಮಾಡಲಾಗುತ್ತಿದೆ ಮತ್ತು ಅವರೆಲ್ಲರೂ ಜೀವಂತವಾಗಿ ಇದ್ದಾರೆ ಎಂದು ಶೋಧ ಪ್ರದೇಶದಲ್ಲಿದ್ದ ತನ್ನ ಪೈಲಟ್ ಒಬ್ಬರು ತಿಳಿಸಿರುವುದಾಗಿ ಪತನಗೊಂಡ ಏವಿಯಾನ್‌ಲೈನ್ ಚಾರ್ಟರ್ಸ್ ವಿಮಾನದ ಮಾಲೀಕರು ತಿಳಿಸಿದ್ದಾರೆ.ಆದರೆ ಈ ಮಕ್ಕಳು ಸಂಪೂರ್ಣವಾಗಿ ಅಪಾಯದಿಂದ ಪಾರಾಗಿದ್ದಾರೆಯೇ ಎಂಬ ಬಗ್ಗೆ ಯಾವುದೇ ಅಧಿಕೃತ ಖಚಿತತೆ ಇಲ್ಲ. ಈ ಪ್ರದೇಶದಲ್ಲಿ ಭಾರಿ ಸಿಡಿಲು ಸಹಿತ ಮಳೆಯಾಗುತ್ತಿರುವುದರಿಂದ ಅವರು ಸುರಕ್ಷಿತವಾಗಿ ಮರಳಿ ಬರುವುದಕ್ಕೆ ತೊಡಕುಗಳಿವೆ ಎಂದಿದ್ದಾರೆ. ಆದರೆ ತಮಗೆ ಬಂದ ಮಾಹಿತಿ ಸುಳ್ಳು, ಮಕ್ಕಳು ಇನ್ನೂ ಪತ್ತೆಯಾಗಿಲ್ಲ ಎಂದು ಮರುದಿನ ಪೆಟ್ರೋ ಸ್ಪಷ್ಟನೆ ನೀಡಿದ್ದಾರೆ.