ಸೆಲೆಬ್ರಿಟಿ ಬಾಣಸಿಗ ಅಂಥೋನಿ ಬರ್ಡೇನ್‌ ಇನ್ನಿಲ್ಲ

ನ್ಯೂಯಾರ್ಕ್‌: ಟಿವಿ ಕಾರ್ಯಕ್ರಮಗಳಲ್ಲಿ ಅತ್ಯಂತ ಜನಪ್ರಿಯನಾಗಿದ್ದ ಬಾಣಸಿಗ, ಅಮೆರಿಕ ಮೂಲದ ಅಂಥೋನಿ ಬರ್ಡೇನ್‌ (61) ಶುಕ್ರವಾರ ವಿಧಿವಶವಾಗಿದ್ದಾರೆ.

'ಪಾರ್ಟ್ಸ್ ಅನ್‌ನೋನ್‌' ಟಿವಿ ಶೋ ನಿಮಿತ್ತ ಕೆಲವು ದಿನಗಳಿಂದ ಫ್ರಾನ್ಸ್‌ನ ಸ್ಟ್ರಾಸ್‌ಬರ್ಗ್‌ನ ಹೋಟೆಲ್‌ವೊಂದರಲ್ಲಿ ವಾಸ್ತವ್ಯ ಹೂಡಿದ್ದ ಅಂಥೋನಿ ಹೋಟೆಲ್‌ ಕೊಠಡಿಯಲ್ಲೇ ಮೃತಪಟ್ಟಿದ್ದಾರೆ. ಅವರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಶಂಕಿಲಾಗಿದೆ. ಅವರ ಸ್ನೇಹಿತ, ಫ್ರಾನ್ಸ್‌ನ ಬಾಣಸಿಗ, ಶುಕ್ರವಾರ ಬೆಳಗ್ಗೆ ಅಂಥೋನಿ ಕೋಣೆಗೆ ಹೋದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಅಂಥೋನಿ ಅವರು ಅಡುಗೆ ಕುರಿತು ಬರೆದಿರುವ ಪುಸ್ತಕಗಳು ಭಾರಿ ಸಂಖ್ಯೆಯಲ್ಲಿ ಮಾರಾಟವಾಗಿವೆ.