Video:ಐಫೋನ್‌ ಕೊಡಿಸದ ಅಪ್ಪನಿಗೆ ಮಗಳ ಛೀಮಾರಿ ನೋಡಿ!

ಲಂಡನ್‌: ನೀವು ಕೆಲ ದಿನಗಳಿಂದ ಮಗುವೊಂದು ಲ್ಯಾಂಡ್‌ಲೈನ್‌ ಫೋನ್‌ ಹಿಡಿದು ತನ್ನ ಅಪ್ಪನಿಗೆ, ಐಪೋನ್‌ ಕೊಡಿಸು, ಇದರಲ್ಲಿ ಇನ್ಟಾಗ್ರಾಮ್‌ ಇಲ್ಲ, ಸ್ನಾಪ್‌ಚಾಟ್‌ ಇಲ್ಲ ಎಂದು ಮಾತನಾಡಿರುವ ವೀಡಿಯೋ ವೈರಲ್‌ ಆಗಿರುವುದನ್ನು ಕಂಡಿರಬಹುದು. ಆದರೆ ಆ ಮಗುವಿಗಿರುವ ಫಾಲೊವರ್ಸ್‌ ಕಂಡರೆ ನಿಮಗೂ ಶಾಕ್‌ ಆಗುತ್ತದೆ.

ಹೌದು! ಮಿಲಾ ಮತ್ತು ಎಮ್ಮಾ ಎಂಬ ಟ್ವಿನ್‌ ಪೋರಿಗಳು ಸದ್ಯ ಇಂಟರ್‌ನೆಟ್‌ನಲ್ಲಿ ವೈರಲ್‌ ಮಕ್ಕಳು. ಬರೋಬ್ಬರಿ 8.5 ಲಕ್ಷ ಮಂದಿ ಪಾಲೊವರ್ಸ್‌ ಹೊಂದಿರುವ ಇವರಿಗೆ ಇಬ್ಬರು ಅಣ್ಣಂದಿರು ಹಾಗೂ ಒಬ್ಬ ಅಕ್ಕ ಕೂಡಾ ಇದ್ದಾಳೆ. ಆದರೆ ಇವರಾರಿಗೂ ಫೇಸ್‌ಬುಕ್‌, ಸ್ನಾಪ್‌ಚಾಟ್‌ ಅಥವಾ ಇನ್ನಾವುದೇ ಸಾಮಾಜಿಕ ಜಾಲತಾಣದಲ್ಲಿ ಈ ಮಟ್ಟಿಗೆ ಫಾಲೊವರ್ಸ್‌ ಇಲ್ಲ!.

ಈ ಇಬ್ಬರು ಪೋರಿಗಳಿಗೆ ಅವರ ಅಮ್ಮ ಕೇಟಿಯೇ ಪ್ರೇರಣೆ. ವೃತ್ತಿಯಲ್ಲಿ ಫೋಟೋಗ್ರಾಫರ್ ಆಗಿರುವ ಕೇಟಿ ತನ್ನ ಮಕ್ಕಳ ಅತ್ಯುನ್ನತ ಚಿತ್ರಗಳನ್ನು ತೆಗೆದು ಸಾಮಾಜಿಕ ಜಾಲತಾಣಕ್ಕೆ ಬಿಡುತ್ತಿದ್ದರು. ಆದರೆ ವರ್ಷಗಳ ಹಿಂದೆ ಮಿಲಾ ತರಲೆಯನ್ನು ವೀಡಿಯೊ ಮಾಡಿ ಫೇಸ್‌ಬುಕ್‌ಗೆ ಹರಿಬಿಟ್ಟಿದ್ದಾರೆ. ಇದು ವೈರಲ್‌ ಆಗಿತ್ತು. ಇದಾದ ಬಳಿಕ ಇವರ ಮಾಡುವ ಪ್ರತಿ ತರಲೆ ವೀಡಿಯೊ ಬಹಳಷ್ಟು ಮಂದಿಯನ್ನು ರೀಚ್‌ ಆಗುತ್ತಿದೆ.



ಮಿಲಾ ಮತ್ತು ಎಮ್ಮಾ ಇಬ್ಬರೂ ಫೋನ್‌ ಪ್ರಿಯರು, ಸಣ್ಣ ವಯಸ್ಸಿನಿಂದಲೇ ಪೋನ್‌ನಲ್ಲೇ ತಮಗಿಷ್ಟವಾದವರ ಹೆಸರು ಹೇಳಿಕೊಂಡು ಮಾತನಾಡುತ್ತಾ ಕಾಲ ಕಳೆಯುತ್ತಾರೆ. ಆದರೆ ಕೆಲ ದಿನಗಳ ಹಿಂದೆ ಮಿಲಾಗೆ ಅವಳ ಅಪ್ಪ ಚಾರ್ಲಿ ಐಫೋನ್‌ ನೀಡುವುದಾಗಿ ನಂಬಿಸಿ ಬಳಿಕ ಕೇಬಲ್‌ ಫೋನ್‌ ನೀಡಿದ್ದಾರೆ.

ಅಪ್ಪನ ಮೇಲಿನ ಸಿಟ್ಟನ್ನು ಕ್ಯಾಮರಾ ಮುಂದೆ ತೋಡಿಕೊಂಡಿರುವ ಈಕೆ, ಈ ಪೋನ್‌ನಲ್ಲಿ ಫೇಸ್‌ಬುಕ್‌, ಇನ್ಸ್ಟಾಗ್ರಾಮ್, ಸ್ನ್ಯಾಪ್‌ಚಾಟ್ ಬಳಕೆ ಮಾಡಲು ಅವಕಾಶ ಇಲ್ಲ. ಸೆಲ್ಫಿ ಕೂಡಾ ತೆಗೆಯಲು ಸಾಧ್ಯವಿಲ್ಲ ಎಂದು ಕಿಡಿಕಾರಿದ್ದಾಳೆ. ಈ ವೀಡಿಯೊ ಎಲ್ಲರನ್ನೂ ಒಂದು ಬಾರಿ ಬೆರಗುಗೊಳಿಸಿತ್ತು.



ಇತ್ತೀಚೆಗೆ ಚಿತ್ರ ವೀಕ್ಷಿಸಲು ತೆರಳಿದ್ದ ವೇಳೆ ಬಾಲಕನೊಬ್ಬ ಖುರ್ಚಿ ಎಳೆದ ಎಂದು ಸಿಟ್ಟುಗೊಂಡ ಎಮ್ಮಾ ಒಂದು ಕೈ ನೋಡಿಕೊಳ್ಳುತ್ತೇನೆ ಎಂದು ವೀಡಿಯೊದಲ್ಲೇ ಆವಾಜ್‌ ಬಿಟ್ಟಿದ್ದಾಳೆ. ತನ್ನ ಅಕ್ಕನಿಗಿಂತ ತಾನೇನೂ ಕಡಿಮೆ ಇಲ್ಲ ಎಂದು ಪ್ರೂವ್‌ ಮಾಡಲು ಮುಂದಾದ ಮಿಲಾ, ತನ್ನ ಕಲ್ಪನೆಯ ಬಾಯ್‌ಪ್ರೆಂಡ್‌ಗೆ ಆಟಿಕೆ ಫೋನ್‌ನಲ್ಲಿ ಕರೆ ಮಾಡಿದ್ದಾಳೆ. ಅಲ್ಲದೇ ನೀನು ಬೇರೆ ಹುಡುಗಿ ಜತೆ ಪಾರ್ಕ್‌ಗೆ ಹೋಗುತ್ತಿದ್ದೀಯ ಇನ್ನು ಮುಂದೆ ಮಾತನಾಡಿಸಬೇಡ ಎಂದು ಹೇಳಿ ಮುನಿಸಿಕೊಂಡಿದ್ದಾಳೆ. ಈ ವೀಡಿಯೊ ಸಾಕಷ್ಟು ವೈರಲ್‌ ಆಗಿದೆ.