ಉಗ್ರರ ದಾಳಿಗೆ ಶಾಂತಿಪಾಲನ ಪಡೆ ಎಂಟು ಯೋಧರು ಬಲಿ

ಬಾಮಾಕೊ: ಪಶ್ಚಿಮ ಆಫ್ರಿಕಾದ ಮಾಲಿ ದೇಶದ ಉತ್ತರ ಭಾಗದಲ್ಲಿರುವ ವಿಶ್ವಸಂಸ್ಥೆಯ ಸೇನಾ ನೆಲೆಯೊಂದಕ್ಕೆ ಭಾನುವಾರ ನುಗ್ಗಿದ ಬಂಧೂಕದಾರಿಯೊಬ್ಬ ಕನಿಷ್ಠ ಎಂಟು ಮಂದಿ ಚಾಡಿಯನ್‌ ವಿಶ್ವಸಂಸ್ಥೆ ಶಾಂತಿಪಾಲಕರನ್ನು ಹತ್ಯೆ ಮಾಡಿದ್ದಾನೆ. ಘಟನೆಯಲ್ಲಿ 19ಕ್ಕೂ ಹೆಚ್ಚು ಮಂದಿ ವಿಶ್ವಸಂಸ್ಥೆ ಶಾಂತಿಪಾಲಕರು ಗಾಯಗೊಂಡಿದ್ದಾರೆ.

ಕಿಡಾಲ್‌ ನಗರದಿಂದ 200 ಕಿ.ಮೀ. ದೂರದಲ್ಲಿರುವ, ಅರ್ಜೆಂಟೀನಾ ಗಡಿ ಸಮೀಪವಿರುವ ಅಗುಲ್‌ಹೋಕ್‌ ಸೇನಾ ನೆಲೆ ಮೇಲೆ ಭಾನುವಾರ ಮುಂಜಾನೆ ಈ ದಾಳಿ ನಡೆದಿದೆ. ಗಾಯಗೊಂಡ ಯೋಧರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಸಾವಿನ ಸಂಖ್ಯೆ ಮತ್ತಷ್ಟು ಏರಿಕೆಯಾಗುವ ಸಂಭವವಿದೆ ಎಂದು ಮಾಲಿ ಭದ್ರತಾ ಪಡೆ ಅಧಿಕಾರಿಗಳು ತಿಳಿಸಿದ್ದಾರೆ.

2012ರಲ್ಲಿ ಇಸ್ಲಾಮಿಕ್‌ ಉಗ್ರರು ಉತ್ತರ ಮಾಲಿಯನ್ನು ತಮ್ಮ ವಶಕ್ಕೆ ಪಡೆದ ನಂತರ, ವಿಶ್ವಸಂಸ್ಥೆಯ ಶಾಂತಿ ಸ್ಥಾಪನೆಯ ಯೋಜನೆ ಅಡಿಯಲ್ಲಿ ಮಾಲಿಯಲ್ಲಿ 13,000 ಶಾಂತಿಪಾಲಕರನ್ನು ನಿಯೋಜಿಸಲಾಯಿತ್ತು. 2013ರಲ್ಲಿ ಇಸ್ಲಾಮಿಕ್‌ ಉಗ್ರರನ್ನು ಹೊರಕ್ಕೆ ದಬ್ಬಲಾಗಿತ್ತು. ಇದಕ್ಕೆ ಪ್ರತೀಕಾರವಾಗಿ ಉಗ್ರರು ಸರಣಿ ದಾಳಿಗಳನ್ನು ನಡೆಸಿದ್ದಾರೆ.