ಟ್ರಂಪ್‌ಗೆ ದೂರು: ಬಾಂಗ್ಲಾದ ಹಿಂದೂ ಮಹಿಳೆ ವಿರುದ್ಧ ದೇಶದ್ರೋಹ ಕೇಸ್‌

ಢಾಕಾ: ಬಾಂಗ್ಲಾದಲ್ಲಿ ಅಲ್ಪಸಂಖ್ಯಾತರನ್ನು ಶೋಷಿಸಲಾಗುತ್ತಿದೆ ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರ ಮುಂದೆ ಅಳಲು ತೋಡಿಕೊಂಡಿದ್ದ ಬಾಂಗ್ಲಾದ ಹಿಂದೂ ಮಹಿಳೆ ವಿರುದ್ಧ ಅಲ್ಲಿನ ಸರಕಾರ ದೇಶದ್ರೋಹ ಪ್ರಕರಣ ದಾಖಲಿಸಿದೆ.

ಬಾಂಗ್ಲಾದೇಶ ಹಿಂದೂ ಬೌದ್ಧರು ಮತ್ತು ಕ್ರೈಸ್ತರ ಮಂಡಳಿಯ ಸಂಘಟಕ ಕಾರ್ಯದರ್ಶಿ ಪ್ರಿಯಾ ಶಾ ಅವರು ಜು.19ರಂದು ವಾಷಿಂಗ್ಟನ್‌ನ ಶ್ವೇತಭವನದಲ್ಲಿ ನಡೆದ ಕಾರ್ಯಕ್ರಮದಕ್ಕೆ ಹಾಜರಾಗಿದ್ದರು. ಈ ಸಂದರ್ಭ ಅವರು ತನ್ನ ದೇಶದಲ್ಲಿ 37 ದಶಲಕ್ಷ ಅಲ್ಪಸಂಖ್ಯಾತರು ಅದೃಶ್ಯವಾಗಿದ್ದಾರೆ ಎಂದು ಟ್ರಂಪ್‌ ಅವರಿಗೆ ಹೇಳಿದ್ದರು. ಈ ವಿಡಿಯೊ ವೈರಲ್‌ ಆಗಿತ್ತಲ್ಲದೆ, ಬಾಂಗ್ಲಾದಲ್ಲಿ ಭಾರಿ ಆಕ್ರೋಶಕ್ಕೂ ಕಾರಣವಾಗಿತ್ತು.