ಭಾರತದ ಕನಸಿಗೆ ಭಂಗ ತರಲು ಚೀನಾ ನೆರವು!

ಇಸ್ಲಮಾಬಾದ್: ಭಾರತಕ್ಕೆ ನ್ಯೂಕ್ಲಿಯರ್ ಸಪ್ಲೈಯರ್ ಗುಂಪು ಸೇರುವ ಭಾರತದ ಕನಸಿಗೆ, ತಡೆಯೊಡ್ಡಲು ಪಾಕಿಸ್ತಾನದ ಯತ್ನಕ್ಕೆ ಚೀನಾ ಬೆಂಬಲ ವ್ಯಕ್ತಪಡಿಸಿದೆ.

ಪಾಕಿಸ್ತಾನದ ಪ್ರಧಾನಿ ನವಾಜ್ ಷರೀಫ್ ಅವರ ಸಲಹೆಗಾರ ಸರ್ತಾಜ್ ಅಜೀಜ್ ಬುಧವಾರ ಈ ವಿಷಯ ತಿಳಿಸಿದ್ದಾರೆ. 48 ಸದಸ್ಯರನ್ನು ಹೊಂದಿರುವ ಎನ್‌ಎಸ್‌ಜಿ ಸದಸ್ಯತ್ವ ಪಡೆಯಲು ಭಾರತ ಕಾತರವಾಗಿದೆ. ಈ ಮೂಲಕ ಅಣ್ವಸ್ತ್ರ ತಂತ್ರಜ್ಞಾನದ ಮಾರಾಟ ಮತ್ತು ಖರೀದಿಸುವ ಸಾಮರ್ಥ್ಯ ಪಡೆಯುವ ಯತ್ನ ಮಾಡುತ್ತಿದೆ. ಭಾರತದ ಈ ಯತ್ನಕ್ಕೆ ಪಾಕ್ ತಡೆಯೊಡ್ಡುತ್ತಿದ್ದು, ಸದಸ್ಯತ್ವದ ನಿರ್ಬಂಧಿಸಲು ಚೀನಾ ಸಹಾಯ ಮಾಡುತ್ತಿದೆ ಎಂದು ಮಂಗಳವಾರ್ ಅಜೀಜ್ ಹೇಳಿದ್ದಾರೆ.

ಅಮೆರಿಕಾ ಸದಸ್ಯತ್ವ ಎನ್‌ಎಸ್‌ಜಿ ಸದಸ್ಯತ್ವ ನೀಡಲು ಭಾರತಕ್ಕೆ ಸಹಾಯ ಮಾಡುತ್ತಿದ್ದು, ಮಂಡಳಿಯನ್ನು ಪುನರ್ ರಚಿಸಿದರೆ ಮಾತ್ರ ಭಾರತಕ್ಕೆ ಸಹಾಯ ಮಾಡುವುದಾಗಿ ಚೀನಾ ವಿದೇಶಾಂಗ ಸಚಿವರು ಹೇಳಿದ್ದಾರೆ. ಇದೇ ವೇಳೆ, ಪಾಕಿಸ್ತಾನಕ್ಕೂ ಎನ್‌ಎಸ್‌ಜಿ ಸದಸ್ಯತ್ವ ನೀಡಬೇಕು ಎಂದು ಚೀನಾ ಒತ್ತಾಯಿಸಿದೆ. ಒಂದು ವೇಳೆ ಭಾರತಕ್ಕಷ್ಟೇ ಸದಸ್ಯತ್ವ ನೀಡಿದರೆ, ದಕ್ಷಿಣ ಏಷ್ಯಾದಲ್ಲಿ ಅಸಮತೋಲನವಾಗಲಿದೆ ಎಂಬ ವಾದವನ್ನು ಚೀನಾ ಮುಂದಿಟ್ಟಿದೆ.