ವಿಶ್ವಸಂಸ್ಥೆ: ಭಯೋತ್ಪಾದಕರನ್ನು ಮಟ್ಟ ಹಾಕಲು ಭಾರತ ಜಾಗತಿಕ ಮಟ್ಟದಲ್ಲಿ ನಡೆಸುತ್ತಿರುವ ಪ್ರಯತ್ನಗಳಿಗೆ ಪದೇ ಪದೇ ಅಡ್ಡಗಾಲು ಹಾಕುತ್ತಿರುವ ಚೀನಾ, ಮತ್ತೊಮ್ಮೆ ತನ್ನ ದುರ್ಬುದ್ದಿ ಪ್ರದರ್ಶಿಸಿದೆ. 26/11ರ ಮುಂಬಯಿ ದಾಳಿಯ ಮುಖ್ಯ ನಿರ್ವಾಹಕನನ್ನು ಜಾಗತಿಕ ಭಯೋತ್ಪಾದಕ ಎಂದು ಘೋಷಿಸುವ ವಿಶ್ವಸಂಸ್ಥೆಯಲ್ಲಿನ ಪ್ರಸ್ತಾವಕ್ಕೆ ಚೀನಾ ತಡೆಗೊಡ್ಡಿದೆ. ಲಷ್ಕರ್ ಎ ತಯಬಾ (ಎಲ್‌ಇಟಿ) ಉಗ್ರ ಸಾಜಿದ್ ಮಿರ್‌ನನ್ನು ಕಪ್ಪುಪಟ್ಟಿಗೆ ಸೇರಿಸುವ ಅಮೆರಿಕದ ನಡೆಗೆ ಭಾರತ ಸಹಪ್ರಾಯೋಜಕತ್ವ ವಹಿಸಿದೆ.
ಹಣಕಾಸು ಕ್ರಿಯಾ ಪಡೆಯ (ಎಫ್‌ಎಫ್‌ಟಿ) 'ಬೂದು ಪಟ್ಟಿ'ಯಿಂದ ಹೊರಬರಲು ಪ್ರಯತ್ನಿಸುತ್ತಿರುವ ಪಾಕಿಸ್ತಾನ, ಭಯೋತ್ಪಾದನೆಗೆ ಹಣಕಾಸು ಸಹಾಯ ನೀಡಿದ ಪ್ರಕರಣದಲ್ಲಿ ಸಾಜಿದ್ ಮಿರ್‌ಗೆ 15 ವರ್ಷ ಜೈಲು ಶಿಕ್ಷೆ ವಿಧಿಸಿತ್ತು. ಆದರೆ ಮುಂಬಯಿ ಭಯೋತ್ಪಾದನಾ ದಾಳಿ ಪ್ರಕರಣದಲ್ಲಿ ಆತನ ಪಾತ್ರದ ಬಗ್ಗೆ ಪಾಕಿಸ್ತಾನ ಇದುವರೆಗೂ ಪ್ರಕರಣ ದಾಖಲಿಸಿಲ್ಲ.
ಪಾಕಿಸ್ತಾನ ಮೂಲದ ಉಗ್ರರನ್ನು ಜಾಗತಿಕ ಉಗ್ರರೆಂದು ಘೋಷಣೆ ಮಾಡುವ ಎಲ್ಲ ಪ್ರಸ್ತಾವನೆಗಳಿಗೂ ಚೀನಾ ತನ್ನ ಅಧಿಕಾರ ಬಳಸಿಕೊಂಡು ತಡೆಯೊಡ್ಡುತ್ತಿವೆ. ಪಾಕಿಸ್ತಾನ ಮೂಲದ ಉಗ್ರ ಸಂಘಟನೆ ಜೈಶ್ ಎ ಮೊಹಮ್ಮದ್ ಮುಖ್ಯಸ್ಥ ಮಸೂದ್ ಅಜರ್‌ನ ಸಹೋದರ ಅಬ್ದುಲ್ ರೌಫ್ ಅಜರ್‌ನನ್ನು ಕಪ್ಪುಪಟ್ಟಿಗೆ ಸೇರಿಸುವ ಅಮೆರಿಕದ ನಿರ್ಧಾರಕ್ಕೆ ಕೂಡ ತಾಂತ್ರಿಕ ತಡೆಯೊಡ್ಡಿತ್ತು.
ಈ ವರ್ಷದ ಜೂನ್‌ನಲ್ಲಿ, ಅಬ್ದುಲ್ ರೆಹಮಾನ್ ಮಕ್ಕಿ ವಿರುದ್ಧ 1267 ಅಲ್ ಕೈದಾ ನಿರ್ಬಂಧಗಳ ಸಮಿತಿಯಲ್ಲಿ ಭಾರತ ಬೆಂಬಲದೊಂದಿಗೆ ಅಮೆರಿಕ ಸಲ್ಲಿಸಿದ್ದ ಜಂಟಿ ಪ್ರಸ್ತಾವನೆಯನ್ನು ಕೂಡ ಚೀನಾ ತಡೆದಿತ್ತು.
ಹಣಕಾಸು ಕ್ರಿಯಾ ಪಡೆಯ (ಎಫ್‌ಎಫ್‌ಟಿ) 'ಬೂದು ಪಟ್ಟಿ'ಯಿಂದ ಹೊರಬರಲು ಪ್ರಯತ್ನಿಸುತ್ತಿರುವ ಪಾಕಿಸ್ತಾನ, ಭಯೋತ್ಪಾದನೆಗೆ ಹಣಕಾಸು ಸಹಾಯ ನೀಡಿದ ಪ್ರಕರಣದಲ್ಲಿ ಸಾಜಿದ್ ಮಿರ್‌ಗೆ 15 ವರ್ಷ ಜೈಲು ಶಿಕ್ಷೆ ವಿಧಿಸಿತ್ತು. ಆದರೆ ಮುಂಬಯಿ ಭಯೋತ್ಪಾದನಾ ದಾಳಿ ಪ್ರಕರಣದಲ್ಲಿ ಆತನ ಪಾತ್ರದ ಬಗ್ಗೆ ಪಾಕಿಸ್ತಾನ ಇದುವರೆಗೂ ಪ್ರಕರಣ ದಾಖಲಿಸಿಲ್ಲ.
ಪಾಕಿಸ್ತಾನ ಮೂಲದ ಉಗ್ರರನ್ನು ಜಾಗತಿಕ ಉಗ್ರರೆಂದು ಘೋಷಣೆ ಮಾಡುವ ಎಲ್ಲ ಪ್ರಸ್ತಾವನೆಗಳಿಗೂ ಚೀನಾ ತನ್ನ ಅಧಿಕಾರ ಬಳಸಿಕೊಂಡು ತಡೆಯೊಡ್ಡುತ್ತಿವೆ. ಪಾಕಿಸ್ತಾನ ಮೂಲದ ಉಗ್ರ ಸಂಘಟನೆ ಜೈಶ್ ಎ ಮೊಹಮ್ಮದ್ ಮುಖ್ಯಸ್ಥ ಮಸೂದ್ ಅಜರ್‌ನ ಸಹೋದರ ಅಬ್ದುಲ್ ರೌಫ್ ಅಜರ್‌ನನ್ನು ಕಪ್ಪುಪಟ್ಟಿಗೆ ಸೇರಿಸುವ ಅಮೆರಿಕದ ನಿರ್ಧಾರಕ್ಕೆ ಕೂಡ ತಾಂತ್ರಿಕ ತಡೆಯೊಡ್ಡಿತ್ತು.
ಈ ವರ್ಷದ ಜೂನ್‌ನಲ್ಲಿ, ಅಬ್ದುಲ್ ರೆಹಮಾನ್ ಮಕ್ಕಿ ವಿರುದ್ಧ 1267 ಅಲ್ ಕೈದಾ ನಿರ್ಬಂಧಗಳ ಸಮಿತಿಯಲ್ಲಿ ಭಾರತ ಬೆಂಬಲದೊಂದಿಗೆ ಅಮೆರಿಕ ಸಲ್ಲಿಸಿದ್ದ ಜಂಟಿ ಪ್ರಸ್ತಾವನೆಯನ್ನು ಕೂಡ ಚೀನಾ ತಡೆದಿತ್ತು.