ಕೊರೊನಾ ಉಗಮ ಸ್ಥಳ ವುಹಾನ್‌ಗೆ ಬರಬೇಡಿ: ವಿಶ್ವಸಂಸ್ಥೆ ಪ್ರತಿನಿಧಿಗಳಿಗೆ ಚೀನಾ ನಿರ್ಬಂಧ

ಜಿನೇವಾ: ಇಡೀ ವಿಶ್ವಕ್ಕೆ ಕೊರೊನಾ ವೈರಸ್‌ ಮಹಾಮಾರಿಯನ್ನು ರಫ್ತು ಮಾಡಿದ್ದ ಚೀನಾ, ಇದೀಗ ಮತ್ತೆ ಮೊಂಡುತನ ತೋರಿಸಿದೆ. ವೈರಸ್‌ ಮೊದಲು ಕಾಣಿಸಿಕೊಂಡಿದ್ದ ವುಹಾನ್‌ ನಗರಕ್ಕೆ ವಿಶ್ವ ಆರೋಗ್ಯ ಸಂಸ್ಥೆಯ ಪ್ರತಿನಿಧಿಗಳ ಭೇಟಿಗೆ ಅವಕಾಶ ನೀಡಿ ಅಂತಿಮ ಕ್ಷಣದಲ್ಲಿ ಹಿಂದಕ್ಕೆ ಪಡೆದಿದೆ.

ವೈರಸ್‌ ಉಗಮದ ಕುರಿತು ಅಧ್ಯಯನಕ್ಕೆ ವುಹಾನ್‌ಗೆ ತೆರಳಲು ಉದ್ದೇಶಿಸಿದ ವಿಶ್ವ ಆರೋಗ್ಯ ಸಂಸ್ಥೆಯ ತಂಡಕ್ಕೆ ಕೊನೆ ಕ್ಷಣದಲ್ಲಿ ಅವಕಾಶ ನಿರಾಕರಿಸಿದೆ. ಕೊನೆ ಕ್ಷಣದಲ್ಲಿ ಅನುಮತಿ ತಡೆದ ಚೀನಾದ ಕ್ರಮದಿಂದಾಗಿ ಭಾರೀ ನಿರಾಸೆಯಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಮುಖ್ಯಸ್ಥ ಟೆಡ್ರೋಸ್‌ ಅಧಾನೋಮ್‌ ಗೆಬ್ರಿಯೇಸಿಸ್‌ ಬೇಸರ ವ್ಯಕ್ತ ಪಡಿಸಿದ್ದಾರೆ.

ವುಹಾನ್‌ ಲ್ಯಾಬ್‌ನಿಂದ ಕೊರೊನಾ: ಅಮೆರಿಕ ಆರೋಪ ಮತ್ತೆ ನಿರಾಕರಿಸಿದ ಚೀನಾ!

ಚೀನಾದೊಂದಿಗೆ ಸತತ ಮಾತುಕತೆ ಬಳಿಕ, ವಿಶ್ವ ಆರೋಗ್ಯ ಸಂಸ್ಥೆಯ ಪ್ರತಿನಿಧಿಗಳಿಗೆ ವುಹಾನ್‌ಗೆ ಆಗಮಿಸಲು ಚೀನಾ ಅನುಮತಿ ನೀಡಿತ್ತು. ಹೀಗಾಗಿ 10 ತಂಡ ಚೀನಾಗೆ ಆಗಮಿಸಲು ಎಲ್ಲಾ ತಯಾರಿ ಮಾಡಿಕೊಂಡಿತ್ತು. ಆದರೆ ಅಂತಿಮ ಕ್ಷಣದಲ್ಲಿ ಅನುಮತಿ ಹಿಂಪಡೆದಿದೆ.

2019ರ ನವೆಂಬರ್‌ನಲ್ಲಿ ವುಹಾನ್‌ನಲ್ಲಿ ಮೊದಲು ಕಾಣಿಸಿಕೊಂಡಿದ್ದ ಈ ವೈರಸ್‌, ಪ್ರಪಂಚದ ಮೂಲೆ ಮೂಲೆಗೂ ಹಬ್ಬಿತ್ತು. ವುಹಾನ್‌ನಲ್ಲಿರುವ ಪ್ರಾಣಿ ಮಾರುಕಟ್ಟೆಯಿಂದ ಈ ವೈರಸ್‌ ಮನುಷ್ಯರಿಗೆ ಹರಡಿದೆ ಎನ್ನಲಾಗಿದೆ.

ಕೊರೊನಾಗೆ ಜನ್ಮ ನೀಡಿದ್ದು ವುಹಾನ್ ಲ್ಯಾಬ್: ಚೀನಿ ವೈರಾಣು ತಜ್ಞೆ ಆರೋಪ!