ಚೀನಾದಲ್ಲಿ ಬಸ್‌ಗೆ ಬೆಂಕಿ: 35 ಮಂದಿ ಸಜೀವ ದಹನ

ರಸ್ತೆ ವಿಭಜಕಕ್ಕೆ ಡಿಕ್ಕಿ ಹೊಡೆದ ಬಸ್‌/ 20 ಜನರಿಗೆ ಗಂಭೀರ ಗಾಯ

ಬೀಜಿಂಗ್‌: ಚೀನಾದಲ್ಲಿ ಭೀಕರ ರಸ್ತೆ ಅವಘಡ ಸಂಭವಿಸಿದೆ. ಹುನಾನ್‌ ಪ್ರಾಂತ್ಯದಲ್ಲಿ ಪ್ರಯಾಣಿಕ ಬಸ್‌ ರಸ್ತೆ ಬದಿಯ ವಿಭಜಕಕ್ಕೆ ಡಿಕ್ಕಿ ಹೊಡೆದು ಬೆಂಕಿ ಹತ್ತಿಕೊಂಡ ಪರಿಣಾಮ ಅದರಲ್ಲಿದ್ದ 35 ಮಂದಿ ಸಜೀವ ದಹಿಸಿ ಹೋಗಿದ್ದಾರೆ. ಬಸ್‌ನಲ್ಲಿದ್ದ 21 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.

ತೈಲ ಟ್ಯಾಂಕ್‌ ಸೊಧೀಟ ಕಾರಣ?

ಬಸ್‌ ವಿಭಜಕಕ್ಕೆ ಅಪ್ಪಳಿದ ಪರಿಣಾಮ ಇಂಧನ ಟ್ಯಾಂಕ್‌ ಸೊಧೀಟಗೊಂಡಿದ್ದು, ದುರಂತಕ್ಕೆ ಕಾರಣವಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.

ಚಾಲಕನ ಬಂಧನ

ದುರಂತ ಸಂಬಂಧ ಬಸ್‌ ಚಾಲಕನನ್ನು ಬಂಧಿಸಲಾಗಿದೆ. ಆತನ ವಿರುದ್ಧ ನಿರ್ಲಕ್ಷ್ಯ ಚಾಲನೆಯ ಆರೋಪ ದಾಖಲಿಸಲಾಗಿದೆ.

ಸಿಸಿಟಿವಿಯಲ್ಲಿ ಮನಕಲಕುವ ದೃಶ್ಯ

ದಹದಹಿಸಿ ಉರಿಯುತ್ತಿರುವ ಬಸ್‌ನೊಳಗಿನಿಂದ ಹೊರಬರಲು ಪ್ರಯಾಣಿಕರು ಪರದಾಡುತ್ತಿರುವ ಮನಕಲಕುವ ದೃಶ್ಯ ರಸ್ತೆ ಬದಿ ಜೋಡಿಸಿರುವ ಸಿಸಿ ಟಿವಿಯಲ್ಲಿ ದಾಖಲಾಗಿವೆ.

ರಾಜ್ಯದಲ್ಲೂ ನಡೆದಿತ್ತು

ಬೆಂಗಳೂರಿನಿಂದ ಹೈದರಾಬಾದ್‌ಗೆ ತೆರಳುತ್ತಿದ್ದ ಖಾಸಗಿ ಸಂಸ್ಥೆಯ ಬಸ್‌ ಒಂದು ಇದೇ ರೀತಿಯ ದುರಂತಕ್ಕೆ ಈಡಾಗಿದ್ದನ್ನು ನೆನಪಿಸಿಕೊಳ್ಳಬಹುದು.

ರಸ್ತೆ ದುರಂತಕ್ಕೆ ಬಲಿಯಾಗುವವರು 2.5 ಲಕ್ಷ

ಚೀನಾದಲ್ಲಿ ಪ್ರತಿ ವರ್ಷ ರಸ್ತೆ ಅವಘಡಗಳಿಗೆ ಬಲಿಯಾಗುವವರ ಸಂಖ್ಯೆ 2.5 ಲಕ್ಷಕ್ಕೂ ಹೆಚ್ಚು ಎಂದು ವಿಶ್ವ ಆರೋಗ್ಯ ಸಂಘಟನೆ ಹೇಳಿದೆ.