ಪಾಕಿಸ್ತಾನದ ಉಗ್ರರ ವಿಚಾರದಲ್ಲಿ ಚೀನಾದ ಬದಲಾಗುತ್ತಿರುವ ನಿಲುವಿಗೆ ಇದು ಸಾಕ್ಷಿಯಾಗಿದೆ. ಪಾಕ್ನ ಎಲ್ಇಟಿ ಸಂಘಟನೆಯ ಕುಖ್ಯಾತರಾದ ಹಫೀಜ್ ರಹ್ಮಾನ್ ಮಕ್ಕಿ, ತಲ್ಹಾ ಸಯೀದ್, ಹಫೀಜ್ ಅಬ್ದುಲ್ ರಾವುಫ್ ಅವರನ್ನು ತಾಂತ್ರಿಕ ಕಾರಣ ಮುಂದೊಡ್ಡಿ ಅಂತಾರಾಷ್ಟೀಯ ಉಗ್ರರ ಪಟ್ಟಿಯಿಂದ ಹೊರಗಿಡಲು ಚೀನಾ ನಿರ್ಧರಿಸಿತ್ತು.
ಕ್ಸಿನ್ಜಿಯಾಂಗ್ ಪ್ರಾಂತ್ಯದಲ್ಲಿ ಸ್ವತಃ ಉಗ್ರರ ಉಪಟಳ ಎದುರಿಸುತ್ತಿರುವ ಚೀನಾಕ್ಕೆ ತಡವಾಗಿಯಾದರೂ ಭಯೋತ್ಪಾದನೆಯನ್ನು ಮಟ್ಟ ಹಾಕಬೇಕಾದ ಅಗತ್ಯದ ಅರಿವಾಗಿದೆ. ಮತ್ತೊಂದೆಡೆ ಹಫೀಜ್ ಸಯೀದ್ ತನ್ನ ವಿರುದ್ಧ ಕಿಡಿ ಕಾರಿರುವುದೂ ಚೀನಾ ಕೋಪಕ್ಕೆ ಕಾರಣವಾಗಿದೆ. ಅಲ್ಲದೆ ಉಗ್ರರ ವಿಚಾರದಲ್ಲಿ ಪಾಕಿಸ್ತಾನವನ್ನು ಕುರುಡಾಗಿ ಬೆಂಬಲಿಸುತ್ತಾ ಹೋದರೆ, ಜಾಗತಿಕ ಭೂಮಿಕೆಯಲ್ಲಿ ತನ್ನ ಪ್ರತಿಷ್ಠೆಗೆ ಕುಂದು ಬರುತ್ತದೆ ಎನ್ನುವುದೂ ಚೀನಾದ ಈ ನಿಲುವಿಗೆ ಕಾರಣ.