ಚೀನಾದಲ್ಲಿ ಮತ್ತೆ 57 ಕೊರೊನಾ ವೈರಸ್ ಪ್ರಕರಣ ಪತ್ತೆ: ತಜ್ಞರ ಎಚ್ಚರಿಕೆ ನಿಜವಾಯ್ತಾ?

ಬೀಜಿಂಗ್: ಕೊರೊನಾ ವೈರಸ್ ಸಂಪೂರ್ಣ ಮಾಯವಾಗಿದೆ ಎಂದು ಸಾರಿರುವ ಚೀನಾದಲ್ಲಿ ಮತ್ತೆ ಹೊಸ ಪ್ರಕರಣಗಳು ದಾಖಲಾಗಿದ್ದು, ಎರಡನೇಆ ಸುತ್ತಿನ ವೈರಸ್ ಹರಡುವಿಕೆಗೆ ಸಿದ್ಧರಾಗಿ ಎಂಬ ತಜ್ಞರ ಎಚ್ಚರಿಕೆ ನಿಜವಾದಂತಾಗಿದೆ.

ಹೌದು, ಚೀನಾದಲ್ಲಿ ಮತ್ತೆ 57 ಕೊರೊನಾ ವೈರಸ್ ಪ್ರಕರಣಗಳು ದಾಖಲಾಗಿದ್ದು, ಕೊರೊನಾ ವೈರಸ್‌ ಹಾವಳಿಯಿಂದ ಮುಕ್ತವಾಗಿದ್ದ ರಾಷ್ಟ್ರದಲ್ಲಿ ಎರಡನೇ ಸುತ್ತಿನ ಸೋಂಕು ಹರಿಡುವಿಕೆಯ ಆತಂಕ ಎದುರಾಗಿದೆ.

ವುಹಾನ್‌ನಲ್ಲಿ ಮತ್ತೆ ಕೊರೊನಾ: 11 ಮಿಲಿಯನ್ ಜನರ ಪರೀಕ್ಷೆಗೆ ಮುಂದಾದ ಚೀನಾ!

ಕಳೆದ ಏಪ್ರಿಲ್‌ನಿಂದ ಇದೇ ಮೊದಲ ಬಾರಿಗೆ ಚೀನಾದಲ್ಲಿ ಇಷ್ಟೊಂದು ಸಂಖ್ಯೆಯಲ್ಲಿ ಸೋಂಕು ಪತ್ತೆಯಾಗಿದ್ದು, ಎರಡನೇ ಸುತ್ತಿನ ವೈರಣೂ ಹರಡುವಿಕೆಯ ಸಾಧ್ಯತೆಯ ಕುರಿತು ಈ ಹಿಂದೆ ತಜ್ಞರು ಎಚ್ಚರಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.

ದಕ್ಷಿಣ ಬೀಜಿಂಗ್‌ನ ಮಾಂಸ ಮತ್ತು ತರಕಾರಿ ಮಾರುಕಟ್ಟೆ ಸಮೀಪದ ಪ್ರದೇಶಗಳಲ್ಲಿ ಹೊಸ ಕೊರೊನಾ ವೈರಸ್ ಪ್ರಕರಣಗಳು ಪತ್ತೆಯಾಗಿದೆ ಎಂದು ರಾಷ್ಟ್ರೀಯ ಆರೋಗ್ಯ ಆಯೋಗ ಮಾಹಿತಿ ನೀಡಿದೆ.

ಇನ್ನು ರಾಷ್ಟ್ರ ರಾಜಧಾನಿಯಲ್ಲೇ ಹೊಸದಾಗಿ ಸೋಂಕು ಕಾಣಿಸಿಕೊಂಡಿರುವ ಪರಿಣಾಮವಾಗಿ, ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಲಾಕ್‌ಡೌನ್ ಜಾರಿ ಮಾಡಲಾಗಿದೆ.

70 ದಿನಗಳ ಬಳಿಕ ಪಾಸಿಟಿವ್‌, ಚೀನಾದಲ್ಲಿ ಗುಣಮುಖರಾದವರಲ್ಲಿ ಮತ್ತೆ ವಕ್ಕರಿಸಿದ ಸೋಂಕು!

ಅಲ್ಲದೇ ಈ ಪ್ರದೇಶದಲ್ಲಿದ್ದ 9 ಶಿಶು ವಿಹಾರಗಳು ಹಾಗೂ ಶಾಲೆಗಳನ್ನು ಮುಚ್ಚಲಾಗಿದ್ದು, ಲಾಕ್‌ಡೌನ್ ನಿಯಮಾವಳಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸೂಚನೆ ನೀಡಲಾಗಿದೆ.