ಪ್ರಾಬಲ್ಯ ಕುಗ್ಗುವ ಭಯ: ಶೀತಲ ಸಮರದಲ್ಲಿ ಅಮೆರಿಕ ಪರ ನಿಲ್ಲದಂತೆ ಭಾರತಕ್ಕೆ ಚೀನಾ ಮನವಿ

ಬೀಜಿಂಗ್‌: ಪೂರ್ವ ಲಡಾಖ್‌ ಗಡಿಯಲ್ಲಿ ಉಲ್ಬಣಗೊಂಡಿರುವ ಗಡಿ ಸಂಘರ್ಷವನ್ನು ಶಾಂತಿಯುತವಾಗಿ ಪರಿಹರಿಸಿಕೊಳ್ಳುವುದಾಗಿ ಪುನರುಚ್ಚರಿಸಿರುವ ಚೀನಾ, ಒಂದೊಮ್ಮೆ ಅಮೆರಿಕ ತನ್ನೊಂದಿಗೆ ಶೀತಲ ಸಮರ ಸಾರಿದ್ದೇ ಆದಲ್ಲಿ ಆ ರಾಷ್ಟ್ರದ ಪರ ನಿಲ್ಲದಂತೆ ಚೀನಾವು ಭಾರತಕ್ಕೆ ಮನವಿ ಮಾಡಿದೆ.

ಕೊರೊನಾದಿಂದಾಗಿ ಅಮೆರಿಕ, ಚೀನಾ ಬಾಂಧವ್ಯ ಹಳಸಿದೆ. ಚೀನಾ ಆರಂಭದಲ್ಲಿ ಸೋಂಕಿನ ಕುರಿತು ಮಾಹಿತಿ ಮುಚ್ಚಿಟ್ಟು ಜಾಗತಿಕ ಸಮುದಾಯ­ವನ್ನು ವಂಚಿ­ಸಿದೆ ಎನ್ನು­ವುದು ಅಮೆರಿಕದ ಆರೋಪ. ಕೊರೊನಾ ಸೋಂಕು ಮಾನವ ನಿರ್ಮಿತ ಎಂದು ಆರೋಪಿಸಿದ್ದು ಮಾತ್ರವಲ್ಲದೇ, ಸೋಂಕಿನ ಮೂಲದ ತನಿಖೆ ನಡೆಸು­ವಂತೆಯೂ ಒತ್ತಾಯಿಸಿದೆ.

ವಿಶ್ವ ಆರೋಗ್ಯ ಸಂಸ್ಥೆಯು ಚೀನಾದ ಬೆನ್ನಿಗೆ ನಿಂತಿದೆ ಎಂದು ಆಪಾದಿಸಿ ಸಂಸ್ಥೆ ಜತೆಗಿನ ಬಾಂಧವ್ಯವನ್ನೂ ಕಡಿದುಕೊಂಡಿದೆ. ಕೊರೊ­ನಾದಿಂದ ಅಂತಾ­ರಾಷ್ಟ್ರೀಯ ಸಮುದಾಯದಲ್ಲಿ ವಿಶ್ವಾಸ ಕಳೆದುಕೊಂಡಿರುವ ಚೀನಾ ಎಲ್ಲಿ ಮುಂದಿನ ದಿನಗಳಲ್ಲಿತನ್ನ ಪ್ರಾಬಲ್ಯ ಕುಗ್ಗುವುದೋ ಎಂಬ ಭಯ ಹೊಂದಿದೆ. ಈ ಎಲ್ಲ ಬೆಳವ­ಣಿಗೆಗಳಿಂದ ತನ್ನ ವಿರುದ್ಧ ಅಮೆರಿಕ ಶೀತಲ ಸಮರ ಸಾರಬಹುದು ಎಂದು ಅಂದಾಜಿಸಿದೆ. ಹೀಗಾಗಿ ಅಮೆರಿಕದ ಬೆನ್ನಿಗೆ ನಿಲ್ಲದಂತೆ ಭಾರತಕ್ಕೆ ಮನವಿ ಮಾಡಿದೆ.

ಚೀನಾ ಮೇಲಿನ ಅವಲಂಬನೆ, ಭ್ರಷ್ಟಚಾರವನ್ನು ಬಿಟ್ಟರೆ ಡಬ್ಲ್ಯುಎಚ್‌ಒಗೆ ಮತ್ತೆ ಸೇರ್ಪಡೆ: ಅಮೆರಿಕ

''ಚೀನಾ-ಅಮೆರಿಕದ ನಡುವಿನ ಬಿಕ್ಕಟ್ಟಿ­ನಲ್ಲಿ ಭಾರತವು ಅಮೆರಿಕ ಪರ ನಿಂತರೆ ಅದಕ್ಕೆ ಲಾಭಕ್ಕಿಂತ ನಷ್ಟವೇ ಹೆಚ್ಚು. ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌, ಚೀನಾವನ್ನು ಮಣಿಸಲು ಭಾರತವನ್ನು ದಾಳವಾಗಿ ಬಳಸಿ­ಕೊಳ್ಳುವ ಪ್ರಯತ್ನ ಮಾಡುತ್ತಿದ್ದಾರೆ. ಇದರ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಆಡಳಿತ ಆಸಕ್ತಿ ತೋರಬಾರದು,'' ಎಂದು ಚೀನಾದ ಕಮ್ಯೂನಿಸ್ಟ್‌ ಪಕ್ಷದ ಮುಖವಾಣಿ ಗ್ಲೋಬಲ್‌ ಟೈಮ್ಸ್‌ ಪತ್ರಿಕೆಯಲ್ಲಿ ಸಲಹೆ ನೀಡಲಾಗಿದೆ.

ನೇಪಾಳದಿಂದ ವಿವಾದಿತ ನಕಾಶೆ ಮಸೂದೆ ಮಂಡನೆ; ಚೀನಾ ಕುಮ್ಮಕ್ಕಿನಿಂದ ಭಾರತ ವಿರೋಧಿ ನಡೆ

ಶಾಂತಿ ಮಂತ್ರ ಪಠಣ: ಪೂರ್ವ ಲಡಾಖ್‌ ಗಡಿಯಲ್ಲಿ ಉಲ್ಬಣಗೊಂಡಿರುವ ಗಡಿ ಸಂಘರ್ಷವನ್ನು ಶಾಂತಿಯುತವಾಗಿ ಪರಿ­­ಹರಿಸಿಕೊಳ್ಳುವುದಾಗಿ ಚೀನಾ ಪುನ­ರುಚ್ಚ­ರಿ­ಸಿದೆ. ಉಭಯ ದೇಶಗಳಿಂದ ಸೇನೆ ಮತ್ತು ಶಸ್ತಾಸ್ತ್ರ ಜಮಾವಣೆ ಹೆಚ್ಚಳ­ಗೊಂಡಿರುವ ಮಧ್ಯೆಯೇ ಚೀನಾ ಶಾಂತಿ ಮಂತ್ರ ಪಠಿಸಿದೆ. ''ಗಡಿಯಲ್ಲಿ ಪರಿಸ್ಥಿತಿ ಸ್ಥಿರವಾಗಿದ್ದು ನಿಯಂತ್ರಣದಲ್ಲಿದೆ. ರಾಜತಾಂತ್ರಿಕ ಮಟ್ಟದಲ್ಲಿ ಮಾತುಕತೆ ಮೂಲಕ ವಿವಾದ ಬಗೆಹರಿಸಿಕೊಳ್ಳುವ ಪ್ರಯತ್ನ ನಡೆಸಲಾಗುವುದು,'' ಎಂದು ವಿದೇ­ಶಾಂಗ ಸಚಿವಾಲಯ ತಿಳಿಸಿದೆ.