ಭಾರತದ ಪ್ರಗತಿಗೆ ಮೌನವಾಗಿರುವಂತೆ ಚೀನಾ ಸರಕಾರಕ್ಕೆ ಮಾಧ್ಯಮದ ಸಲಹೆ

ಬೀಜಿಂಗ್: ಭಾರತಕ್ಕೆ ಈಗಾಗಲೇ ವಿದೇಶಿ ಹೂಡಿಕೆ ಪ್ರಮಣ ಹೆಚ್ಚಾಗುತ್ತಲೇ ಇದ್ದು, ಮುಂದೊಂದು ದಿನ ಉತ್ಪಾಧನೆಯಲ್ಲಿ ಭಾರತ ಚೀನಾಗಿಂತಲೂ ಮುಂದುವರಿಯುವ ಸಾಧ್ಯತೆಯಿದೆ, ಹೀಗಾಗಿ ಚೀನಾ ಉತ್ಪಾದನಾ ಪ್ರಗತಿ ಬಗ್ಗೆ ಪರಿಣಾಮಕಾರಿ ಕಾರ್ಯತಂತ್ರ ಅನುಸರಿಸಬೇಕು ಅಲ್ಲಿನ ಮಾಧ್ಯಮ ವರದಿ ಮಾಡಿದೆ.

ಸರಕಾರಿ ಸ್ವಾಮ್ಯದ ಪತ್ರಿಕೆ ಗ್ಲೋಬಲ್‌ ಟೈಮ್ಸ್‌ ಈ ರೀತಿ ಚೀನಾ ಸರಕಾರಕ್ಕೆ ಸಲಹೆ ನೀಡಿದ್ದು, ವಿದೇಶಿ ಬಂಡವಾಳದ ಮೂಲಕ ಭಾರತ ಪ್ರಗತಿಯ ಹಾದಿಯನ್ನು ಹಿಡಿಯುತ್ತಿದೆ. ಇದು ಭಾರತದ ಆರ್ಥಿಕತೆ, ಉದ್ಯೋಗ ಮತ್ತು ಕೈಗಾರಿಕಾ ಅಭಿವೃದ್ಧಿಗೆ ಸಹಾಯವಾಗಲಿದೆ ಎಂದು ಮಾಧ್ಯಮ ವರದಿ ಮಾಡಿದೆ.

ಭಾರತದ ಆರ್ಥಿಕ ಮತ್ತು ಉತ್ಪಾದನಾ ಪ್ರಗತಿ ಬಗ್ಗೆ ಚೀನಾ ಕಾದು ನೋಡುತ್ತಲೇ ಅದಕ್ಕೆ ಪ್ರತಿಯಾಗಿ ಪರಿಣಾಮಕಾರಿ ಕಾರ್ಯತಂತ್ರ ಅನುಸರಿಸಬೇಕು ಎಂದಿರುವ ಗ್ಲೋಬಲ್ ಟೈಮ್ಸ್ ಪತ್ರಿಕೆ ಆಧುನಿಕ ಯುಗಕ್ಕೆ ಹೆಚ್ಚು ಪರಿಣಾಮಕಾರಿಯಾಗುವಂತಹ ನೂತನ ಕಾರ್ಯತಂತ್ರ ರಚಿಸಿ ಹೊಸ ಇತಿಹಾಸ ಸೃಷ್ಟಿಸಬೇಕು ಎಂದು ಸಲಹೆ ಮಾಡಿವೆ.

ಭಾರತಕ್ಕೆ ಬಂದಿರುವ ವಿದೇಶಿ ಹೂಡಿಕೆಯಲ್ಲಿ ಚೀನಾ ಮೂಲದ ಕಂಪೆನಿಗಳು ಪಾತ್ರ ಕೂಡ ಕಾಣುತ್ತಿದ್ದು ಹೀಗಾಗಿ ಚೀನಾ ಸಮಾಧಾನದಿಂದ ಭಾರತದ ಪ್ರಗತಿಯನ್ನು ಕಾದು ನೋಡುತ್ತಲೇ ಅದಕ್ಕೆ ಪ್ರತಿಯಾಗಿ ಪರಿಣಾಮಕಾರಿ ಉತ್ಪಾದನಾ ಕಾರ್ಯತಂತ್ರ ಅನುಸರಿಸಬೇಕಿದೆ ಎಂದು ಹೇಳಿದೆ.

ಚೀನಾ ಕಂಪನಿಗಳೂ ಸೇರಿದಂತೆ ಭಾರತದಲ್ಲಿ ದೊಡ್ಡ ಪ್ರಮಾಣದ ಹೂಡಿಕೆ ಮಾಡುತ್ತಿರುವ ಕಂಪೆನಿಗಳನ್ನೂ ಲೇಖನದಲ್ಲಿ ಪಟ್ಟಿ ಮಾಡಲಾಗಿದೆ.