ಪಾಪಿ ಪಾಕಿಸ್ತಾನಕ್ಕೆ ನಾಲ್ಕು ಘಾತಕ ಡ್ರೋನ್‌ ನೀಡಲಿದೆ ಕಪಟಿ ಚೀನಾ: ಎಲ್ಲಿ ನಿಯೋಜನೆ?

ಬೀಜಿಂಗ್: ಲಡಾಖ್ ಗಡಿಯಲ್ಲಿ ವಿನಾಕಾರಣ ತಕಾರರು ತೆಗೆದು ಭಾರತೀಯ ಸೇನೆಯಿಂದ ಪಾಠ ಕಲಿತಿರುವ ಚೀನಾ, ಇದೀಗ ತನ್ನ ಬೇಳೆ ಬೇಯಿಸಿಕೊಳ್ಳಲು ಪಾಕಿಸ್ತಾನವನ್ನು ಬಳಸಿಕೊಳ್ಳಲು ಸಜ್ಜಾಗಿದೆ.

ಲಡಾಖ್ ಗಡಿಯಲ್ಲಿ ಭಾರತಿಯ ಸೇನೆಯೊಂದಿಗೆ ಹಿಂಸಾತ್ಮಕ ಘರ್ಷಣೆ ನಡೆಸಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅಪಖ್ಯಾತಿಗೆ ಪಾತ್ರವಾಗಿರುವ ಚೀನಾ, ಇದೀಗ ಪಾಕಿಸ್ತಾನದ ಹೆಗಲ ಮೇಲೆ ಬಂದೂಕಿಟ್ಟು ಭಾರತದ ಮೇಲೆ ಗುರಿ ಇಡಲು ಹವಣಿಸುತ್ತಿದೆ.

ಇದಕ್ಕೆ ಪುಷ್ಠಿ ಎಂಬಂತೆ ಪಾಪಿ ಪಾಕಿಸ್ತಾನಕ್ಕೆ ಕಪಟಿ ಚೀನಾ ನಾಲ್ಕು ಘಾತಕ ಮಿಲಿಟರಿ ಡ್ರೋನ್ ನೀಡಲು ಮುಂದಾಗಿದ್ದು, ಸರ್ಫೇಸ್ ಮಿಸೈಲ್ ಸೇರಿದಂತೆ ಆಧುನಿಕ ಶಸ್ತ್ರಾಸ್ತ್ರಗಳನ್ನು ಈ ಡ್ರೋನ್ ಹೊಂದಿದೆ ಎನ್ನಲಾಗಿದೆ.

ಭಾರತ-ಚೀನಾ ಸಂಘರ್ಷ: ದಕ್ಷಿಣ ಏಷ್ಯಾದ ಪಾರುಪತ್ಯಕ್ಕೆ ಚೀನಾ ಸಂಚು!

ಬಲೂಚಿಸ್ತಾನದಲ್ಲಿರುವ ಪಾಕಿಸ್ತಾನದ ಗ್ವಾದರ್ ಸೇನಾ ನೆಲೆಯಲ್ಲಿ ಈ ನಾಲ್ಕೂ ಡ್ರೋನ್‌ಗಳನ್ನು ನಿಯೋಜಿಸಲಾಗುವುದು ಎಂದು ಹೇಳಲಾಗಿದ್ದು, ಈ ಮೂಲಕ ಬಲೂಚಿಸ್ತಾನ್ ಸ್ವಾತಂತ್ರ್ಯ ಹೋರಾಟಗಾರರ ಜೊತೆಗೆ ಭಾರತೀಯ ಸೇನೆಯ ಚಲನವಲಗಳ ಮೇಲೂ ನಿಗಾ ಇಡಲು ಸಹಾಯಕಾರಿ ಎನ್ನಲಾಗಿದೆ.

ಬಲೂಚಿಸ್ತಾನದ ನೈರುತ್ಯ ಪ್ರಾಂತ್ಯದಲ್ಲಿ ಚೀನಾ ತನ್ನ ಒನ್ ಬೆಲ್ಟ್ ಒನ್ ರೋಡ್ ಯೋಜನೆ ಕೈಗೊಂಡಿದ್ದು, ಇದೀಗ ಈ ಭಾಗದ ಪಾಕ್ ಸೇನಾ ನೆಲೆಗೆ ಅಟ್ಯಾಕ್ ಡ್ರೋನ್ ನೀಡುತ್ತಿದೆ.

ವಿಂಗ್ ಲೂಂಗ್ 2 ಎಂದು ಕರೆಯಲ್ಪಡುವ ಈ ಡ್ರೋನ್‌ಗಳನ್ನು ಚೀನಾ ಈಗಾಗಲೇ ಕಜಕಿಸ್ತಾನ್, ಯುಎಇ, ಅಲ್ಜೇರಿಯಾ, ತುರ್ಕಮೇನಿಸ್ತಾನ್ ಹಾಗು ಸೌದಿ ಅರೇಬಿಯಾ ಸೇರಿದಂತೆ ಹಲವು ರಾಷ್ಟ್ರಗಳಿಗೆ ರಫ್ತು ಮಾಡಿದೆ.

'ನಿಮ್ಮ ಆಯುಧಗಳಿಗೆ ನಾವು ಹೆದರುವುದಿಲ್ಲ': ಚೀನಾಗೆ ಅಮೆರಿಕಾ ನೌಕಾಪಡೆ ತೀಕ್ಷ್ಣ ತಿರುಗೇಟು

ಇದೀಗ ಚಿಂಗ್ ಲೂಂಗ್ 2 ಡ್ರೋನ್ ಪಾಕ್ ಸೇನಾ ಬತ್ತಳಿಕೆ ಸೇರಲಿದ್ದು, ಬಲುಚಿಸ್ತಾನ್‌ದ ಸೇನಾ ನೆಲೆಯಲ್ಲಿ ಇವುಗಳನ್ನು ನಿಯೋಜಿಸಲು ಪಾಕ್ ಬಹಳ ಉತ್ಸುಕವಾಗಿದೆ.