ಕೊರೊನಾ ಗಂಭೀರತೆಯನ್ನು ಚೀನಾ ಮುಚ್ಚಿಟ್ಟಿದ್ದು ನಿಜ: ಹಾಂಕಾಂಗ್ ವೈರಾಣು ತಜ್ಞೆ ಬಿಚ್ಚಿಟ್ಟ ಡ್ರ್ಯಾಗನ್ ರಹಸ್ಯ!

ವಾಷಿಂಗ್ಟನ್‌: ಕೊರೊನಾದ ಗಂಭೀರತೆ ಗೊತ್ತಿದ್ದರೂ ಚೀನಾ ಜಾಗತಿಕ ಸಮುದಾಯದಿಂದ ಅದನ್ನು ಮುಚ್ಚಿಟ್ಟಿದ್ದು ನಿಜ ಎಂದು ಹಾಂಕಾಂಗ್‌ ಮೂಲದ ವೈರಾಣು ತಜ್ಞೆ ಲೀ ಮೆಂಗ್‌ ಯಾನ್‌ ಹೇಳಿದ್ದಾರೆ.

ಸದ್ಯ ಅಮೆರಿಕದಲ್ಲಿರುವ ಲೀ, ಈ ವೈರಾಣು ಜಗತ್ತನ್ನೇ ವ್ಯಾಪಿಸುತ್ತದೆ ಎನ್ನುವ ಸತ್ಯ ಚೀನಾಗೆ ಚೆನ್ನಾಗಿ ಗೊತ್ತಿತ್ತು. ಆದರೆ ಸ್ವಪ್ರತಿಷ್ಠೆಯಿಂದ ವಿಷಯ ಮುಚ್ಚಿಟ್ಟಿತು ಎಂದು ಕಿಡಿಕಾರಿದ್ದಾರೆ.

ಅಮೆರಿಕದ ಸುದ್ದಿಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿರುವ ಲೀ, |ಚೀನಾದ ಕಮ್ಯುನಿಸ್ಟ್‌ ಸರಕಾರದ ಉನ್ನತ ಮಟ್ಟದಿಂದಲೇ ಕೊರೊನಾ ವಿಚಾರ ಮುಚ್ಚಿಡಲು ಒತ್ತಡವಿತ್ತು. 2019ರ ಡಿಸೆಂಬರ್‌ನಲ್ಲಿಯೇ ಚೀನಾದಲ್ಲಿ ಕೊರೊನಾ ಸಾಂಕ್ರಾಮಿಕ ಸ್ವರೂಪ ತಳೆದಿತ್ತು. ಆ ಬಗ್ಗೆ ನಾನು ನಡೆಸುತ್ತಿದ್ದ ಸಂಶೋಧನೆಯನ್ನು ಉದ್ದೇಶಪೂರ್ವಕವಾಗಿ ಹಿರಿಯ ಸಂಶೋಧಕರು ನಿರ್ಲಕ್ಷಿಸುತ್ತಿದ್ದರು ಎಂದು ಗಂಭೀರ ಆರೋಪ ಮಾಡಿದ್ದಾರೆ.

ಕೊರೊನಾ ಸೋಂಕಿನ ಮೂಲ ಯಾವುದು? ಚೀನಾದಲ್ಲಿ ತನಿಖೆ ನಡೆಸ್ತಿದೆ ಡಬ್ಲ್ಯುಎಚ್‌ಒ ತಂಡ!

ನಾನು ಕೆಲಸ ಮಾಡುತ್ತಿದ್ದ ವಿಶ್ವವಿದ್ಯಾಲಯವೊಂದರ ಪ್ರಯೋಗಾಲಯಕ್ಕೆ ವಿಶ್ವ ಆರೋಗ್ಯ ಸಂಸ್ಥೆ(WHO)ಯ ಮಾನ್ಯತೆ ಇತ್ತು. ಈ ಪ್ರತಿಷ್ಠೆ ಹಾಳಾಗುವುದು ಹಿರಿಯರಿಗೆ ಬೇಡವಾಗಿತ್ತು. ಜೊತೆಗೆ ಕೊರೊನಾ ಬಗ್ಗೆ ಗೌಪ್ಯವಾಗಿರುವಂತೆ ಅವರ ಮೇಲೆ ಚೀನಾ ಸರಕಾರದಿಂದ ಭಾರಿ ಒತ್ತಡವಿತ್ತು ಲೀ ಮೆಂಗ್ ನುಡಿದಿದ್ದಾರೆ.

ಕೊರೊನಾ ಸಂಶೋಧನೆ ಹಿಂದೆ ಬಿದ್ದ ಕಾರಣ ಚೀನಾದಿಂದ ಬಂಧನಕ್ಕೆ ಒಳಗಾಗುವ ಸುಳಿವು ಸಿಕ್ಕ ಹಿನ್ನೆಲೆಯಲ್ಲಿ,ಏ.28 ರಂದು ಯಾನ್‌ ಹಾಂಕಾಂಗ್‌ ತೊರೆದು ಅಮೆರಿಕಕ್ಕೆ ಬಂದು ಗುಪ್ತವಾದ ಸ್ಥಳವೊಂದರಲ್ಲಿ ನೆಲೆಸಿದ್ದರು. ಚೀನಾದ ಶಾಂಡಾಂಗ್‌ ಪ್ರಾಂತ್ಯದ ಕ್ವಿಂಗ್ಡಾವೊ ನಗರ ಯಾನ್‌ ಅವರ ಮೂಲ ಸ್ಥಳ.

ತನ್ನೊಂದಿಗಿದ್ದ ಹಿರಿಯ ತಜ್ಞ ಡಾ. ಲಿಯೊ ಪೂನ್‌ ಚೀನಾದಿಂದ 2019ರ ಡಿಸೆಂಬರ್‌ನಲ್ಲಿ ಬರುತ್ತಿದ್ದ ರಕ್ತದ ಮಾದರಿಗಳನ್ನು ಸೂಕ್ಷತ್ರ್ಮವಾಗಿ ಗಮನಿಸಲು ತಿಳಿಸಿದ್ದರು. ಸಾರ್ಸ್‌ ಮಾದರಿಯಲ್ಲೇ ವಿಭಿನ್ನ ರಚನೆಯ ವೈರಾಣು ಇದು ಎಂದು ಅವರು ಸುಳಿವು ನೀಡಿದ್ದರು. ಎಂದು ಯಾನ್ ನೆನಪಿಸಿಕೊಂಡಿದ್ದಾರೆ.

ಜಗತ್ತು ಚೀನಾ ಕಮ್ಯೂನಿಸ್ಟ್ ಪಕ್ಷದ ಅಸಲಿ ಚಹರೆ ನೋಡಿದೆ: ಪಾಂಪಿಯೋ ಅಬ್ಬರಕ್ಕೆ ಹೈರಾಣಾದ ಡ್ರ್ಯಾಗನ್!

ತಮ್ಮ ಪ್ರಯೋಗಾಲಯದಿಂದ ಕೆಲವು ವಿಜ್ಞಾನಿಗಳು ಚೀನಾಗೆ ಭೇಟಿ ನೀಡಿ ಪರೀಕ್ಷೆಗೆ ಮನವಿ ಸಲ್ಲಿಸಿದಾಗಲೂ ಚೀನಾ ಸರ್ಕಾರ ಖಡಾಖಂಡಿತವಾಗಿ ಅದನ್ನು ತಿರಸ್ಕರಿಸಿತ್ತು. ಆದರೆ ಚೀನಾದಲ್ಲಿರುವ ತಜ್ಞ ಸ್ನೇಹಿತರು ತಮೆಗೆ ಕೊರೊನಾ ಬಗ್ಗೆ ಈ ಮೊದಲೇ ಎಚ್ಚರಿಕೆ ನೀಡಿದ್ದರು ಎಂದು ಯಾನ್‌ ಸ್ಪಷ್ಟಪಡಿಸಿದ್ದಾರೆ.

ಜನವರಿಯಲ್ಲಿಕೊರೊನಾ ಬಗ್ಗೆ ಚೀನಾದಲ್ಲಿಅನೇಕ ಪರಿಚಿತ ತಜ್ಞರಿಗೆ ಕರೆ ಮಾಡಿ ವಿಚಾರಿಸಿದಾಗ, ಆ ಬಗ್ಗೆ ಮಾತನಾಡುವಂತೆಯೇ ಇಲ್ಲ. ಸದಾಕಾಲ ಮಾಸ್ಕ್‌ಗಳನ್ನು ತೊಟ್ಟಿರಬೇಕು. ಬಾಯ್ಬಿಟ್ಟರೆ ಹತ್ಯೆಗೈದು ಕಣ್ಮರೆಯಾಗಿಸುತ್ತಾರೆ. ಹಲವರ ಸ್ಥಿತಿ ಹಾಗೆಯೇ ಆಗಿದೆ ಎಂದು ಆತಂಕದಿಂದ ಹೇಳಿಕೊಂಡಿದ್ದನ್ನು ಯನ್ ಇಡೀ ಜಗತ್ತಿನ ಮುಂದೆ ಬಿಚ್ಚಿಟ್ಟಿದ್ದಾರೆ.

ಒಪ್ಪಂದದ ಶಾಯಿ ಆರುವ ಮುನ್ನವೇ ವೈರಸ್ ಕಳುಹಿಸಿದ ಚೀನಾ: ಮತ್ತೆ ಗುಡುಗಿದ ಟ್ರಂಪ್!

ಒಟ್ಟಿನಲ್ಲಿ ಕೊರೊನಾ ವೈರಸ್ ಹಾವಳಿಯ ಕುರಿತು ಚೀನಾದ ಕರಾಳ ಮುಖವನ್ನು ಬಿಚ್ಚಿಟ್ಟಿರುವ ಲೀ ಮೆಂಗ್ ಯಾನ್, ಈ ಕುರಿತಾದ ಚೀನಾದ ಕಪಟ ನಾಟಕವನ್ನು ಜಗತ್ತಿನ ಮುಂದೆ ಅನಾವರಣಗೊಳಿಸಿದ್ದಾರೆ.