China Diplomat Li Jiming: ನಾನು ಭಾರತದ ದೊಡ್ಡ ಅಭಿಮಾನಿ ಎಂದ ಚೀನಾ ಹಿರಿಯ ರಾಜತಾಂತ್ರಿಕ ಅಧಿಕಾರಿ

ಢಾಕಾ: ತಾನು ವೈಯಕ್ತಿಕವಾಗಿ ಭಾರತದ ಬಹಳ ದೊಡ್ಡ ಅಭಿಮಾನಿ ಎಂದು ಚೀನಾದ ಹಿರಿಯ ರಾಜತಾಂತ್ರಿಕ ಲಿ ಜಿಮಿಂಗ್ ಹೇಳಿದ್ದಾರೆ. ಆರ್ಥಿಕ ಮತ್ತು ಭೂ ರಾಜಕೀಯ ವಿವಾದಗಳನ್ನು ಬಗೆಹರಿಸಿಕೊಳ್ಳಲು ಭಾರತ ಮತ್ತು ಚೀನಾ ನಿಕಟವಾಗಿ ಕೆಲಸ ಮಾಡಬಹುದು ಎಂದು ಅವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಬಾಂಗ್ಲಾದೇಶದಲ್ಲಿನ ಚೀನಾ ರಾಯಭಾರಿಯಾಗಿರುವ ಜಿಮಿಂಗ್, ಭಾರತದ ಜತೆ ಚೀನಾ ಯಾವುದೇ ವ್ಯೂಹಾತ್ಮಕ ವೈರತ್ವ ಹೊಂದಿಲ್ಲ. ಬಂಗಾಳ ಕೊಲ್ಲಿಯು ಭಾರಿ ಶಸ್ತ್ರಗಳಿಂದ ತುಂಬಿಕೊಳ್ಳುವುದನ್ನು ನೋಡಲು ಚೀನಾ ಬಯಸಿಲ್ಲ ಎಂದಿದ್ದಾರೆ.
Xi Jinping: ಭಾರತಕ್ಕೆ ಮತ್ತಷ್ಟು ತಲೆನೋವಾದ ಕ್ಸಿ ಜಿನ್‌ಪಿಂಗ್ ಹ್ಯಾಟ್ರಿಕ್

ಭಾರತದಲ್ಲಿನ ಚೀನಾದ ನಿರ್ಗಮಿತ ರಾಯಭಾರಿ ಸುನ್ ವೀಡಾಂಗ್ ಅವರ ಬೀಳ್ಕೊಡುಗೆ ಸಮಾರಂಭದಲ್ಲಿ, ಭಾರತ- ಚೀನಾ ಸಂಬಂಧದ ಬಗ್ಗೆ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಜೈಶಂಕರ್ ಕಟುವಾದ ಹೇಳಿಕೆ ಕೊಟ್ಟ ಬೆನ್ನಲ್ಲೇ ಚೀನಾ ಈ ಹೇಳಿಕೆ ನೀಡಿದೆ.

ತಮ್ಮ ಬೀಳ್ಕೊಡುಗೆ ಭಾಷಣದಲ್ಲಿ ಸುನ್ ವೀಡಾಂಗ್, ಭಾರತ ಮತ್ತು ಚೀನಾ ನಡುವೆ ಭಿನ್ನಾಭಿಪ್ರಾಯ ಇರುವುದು ತೀರಾ ಸಹಜ. ಅವು ಸಾಮಾನ್ಯ ನೆಲೆಯನ್ನು ಕಂಡುಕೊಳ್ಳಬೇಕಿದೆ ಮತ್ತು ತಮ್ಮ ಸಂಬಂಧವನ್ನು ಅಸಮ್ಮತಿಯ ವ್ಯಾಖ್ಯಾನಕ್ಕೆ ಒಳಪಡುವುದಕ್ಕೆ ಅವಕಾಶ ನೀಡಬಾರದು. ಚೀನಾ ಮತ್ತು ಭಾರತಕ್ಕೆ ಜತೆಯಾಗಿ ಅಭಿವೃದ್ಧಿಯಾಗಲು ಜಗತ್ತಿನಲ್ಲಿ ಸಾಕಷ್ಟು ಅವಕಾಶವಿದೆ ಎಂದು ಹೇಳಿದ್ದರು.
Xi Jinping: ಹಾಂಕಾಂಗ್, ತೈವಾನ್ ಮೇಲೆ ಬಿಗಿಹಿಡಿತ: ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಪ್ರತಿಪಾದನೆ

ಎರಡೂ ದೇಶಗಳು ಭಿನ್ನಾಭಿಪ್ರಾಯಗಳನ್ನು ಬಗೆಹರಿಸಿಕೊಳ್ಳಲು ಮತ್ತು ನಿಭಾಯಿಸಲು ಪ್ರಯತ್ನಿಸಬೇಕು. ಚೀನಾ- ಭಾರತ ಸಂಬಂಧವನ್ನು ಭಿನ್ನಮತಗಳಿಂದ ವ್ಯಾಖ್ಯಾನಿಸುವ ಬದಲು ಮಾತುಕತೆ ಹಾಗೂ ಸಮಾಲೋಚನೆ ಮೂಲಕ ಸೂಕ್ತ ಪರಿಹಾರಕ್ಕೆ ಮುಂದಾಗಬೇಕು. ಉಭಯ ದೇಶಗಳು ಪರಸ್ಪರರ ರಾಜಕೀಯ ವ್ಯವಸ್ಥೆ ಹಾಗೂ ಅಭಿವೃದ್ಧಿ ಮಾರ್ಗಗಳನ್ನು ಗೌರವಿಸುವ ಅಗತ್ಯವಿದೆ. ಪರಸ್ಪರ ಆಂತರಿಕ ವ್ಯವಹಾರಗಳಲ್ಲಿ ಮೂಗು ತೂರಿಸದೆ ಇರುವ ತತ್ವವನ್ನು ಎತ್ತಿಹಿಡಿಯಬೇಕಿದೆ ಎಂದಿದ್ದರು.

ಇದಕ್ಕೆ ಪ್ರತಿಕ್ರಿಯೆ ನೀಡಿದ್ದ ಎಸ್ ಜೈಶಂಕರ್, ಭಾರತ- ಚೀನಾ ಸಂಬಂಧವನ್ನು ಸಹಜ ಸ್ಥಿತಿಗೆ ತರುವುದು ದೇಶಗಳು ಹಾಗೂ ಪ್ರಾದೇಶಿಕ ಹಿತಾಸಕ್ತಿಗೆ ಪೂರಕವಾಗಿದೆ ಎಂದು ಹೇಳಿದ್ದರು.
China Army In Pakistan: ಬಂಡವಾಳ ರಕ್ಷಣೆ ನೆಪ: ಪಾಕಿಸ್ತಾನದಲ್ಲಿ ಚೀನಾ ಸೇನಾ ನೆಲೆ ಸ್ಥಾಪನೆ

ಭಾರತ- ಚೀನಾ ಸಂಬಂಧದ ಅಭಿವೃದ್ಧಿಯು ಮೂರು ಪರಸ್ಪರ ಅಂಶಗಳಿಂದ ನಡೆಯುತ್ತದೆ. ಗಡಿ ಭಾಗಗಳಲ್ಲಿ ಶಾಂತಿ ಮತ್ತು ನೆಮ್ಮದಿ ಬಹಳ ಅಗತ್ಯವಾಗಿದೆ ಎಂದಿದ್ದರು.

ಪರಸ್ಪರ ಗೌರವ, ಪರಸ್ಪರ ಸಂವೇದನಾಶೀಲತೆ ಮತ್ತು ಪರಸ್ಪರ ಹಿತಾಸಕ್ತಿ ಮೂರು ಪರಸ್ಪರ ಅಂಶಗಳಾಗಿವೆ ಎಂದು ಜೈಶಂಕರ್ ಹಲವು ಬಾರಿ ಹೇಳಿದ್ದರು.