ಟೊಕಿಯೊ: ಕೊರೊನಾ ವೈರಸ್ ಭೀತಿ ಕ್ರೀಡಾಕೂಟದ ಮೇಲೆಯೂ ಬಿದ್ದಿದ್ದು, ಟೋಕಿಯೊ ಒಲಿಂಪಿಕ್ಸ್ ಮುಂದೂಡಿಕೆಯಾಗುವ ಸಾಧ್ಯತೆ ಇದೆ. ಅಂತಾರಾಷ್ಟ್ರೀಯ ಒಲಿಂಪಿಕ್ಸ್ ಸಮಿತಿ ಜೊತೆಗಿನ ಟೋಕಿಯೊ ಒಪ್ಪಂದದ ಪ್ರಕಾರ ಕ್ರೀಡಾಕೂಟವನ್ನು ವರ್ಷದ ಅಂತ್ಯದವರೆಗೆ ಮುಂದೂಡಿಕೆ ಮಾಡಲು ಅವಕಾಶ ಇದೆ ಎಂಬುದಾಗಿ ಜಪಾನ್ನ ಒಲಿಂಪಿಕ್ಸ್ ಸಚಿವರು ಮಂಗಳವಾರ ಹೇಳಿದ್ದಾರೆ. ಈ ಮೂಲಕ ಕ್ರೀಡಾಕೂಟ ಮುಂದೂಡಿಕೆಯಾಗುವ ಸಾಧ್ಯತೆಯೂ ಇದೆ ಎಂಬ ಸುಳಿವನ್ನು ಅವರು ನೀಡಿದ್ದಾರೆ.
“ಕಾಂಟ್ರಾಕ್ಟ್ ಪ್ರಕಾರ 2020ರ ಒಳಗೆ ಕ್ರೀಡಾಕೂಟ ನಡೆಯಬೇಕಾಗಿದೆ. ಇದರರ್ಥ ಮುಂದೂಡಿಕೆ ಮಾಡಲು ಅವಕಾಶ ಇದೆ,” ಎಂಬುದಾಗಿ ಸೈಕೊ ಹಶಿಮೊಟೊ ಸಂಸತ್ನಲ್ಲಿ ತಿಳಿಸಿದ್ದಾರೆ.
ಆಯೋಜನೆಯ ಒಪ್ಪಂದದ ಪ್ರಕಾರ ಕ್ರೀಡಾಕೂಟವನ್ನು ರದ್ದುಗೊಳಿಸುವ ಅವಕಾಶ ಒಲಿಂಪಿಕ್ಸ್ ಸಮಿತಿಗೆ ಮಾತ್ರ ಇದೆ. ಕಳೆದ ವಾರ ಪ್ರತಿಕ್ರಿಯೆ ನೀಡಿದ್ದ ಸಮಿತಿ ಅಧ್ಯಕ್ಷರು ಕೊರೊನಾ ವೈರಸ್ ಭೀತಿಯ ನಡುವೆಯೂ ನಿಗದಿಯ ಸಮಯದಲ್ಲೇ ಕ್ರೀಡಾಕೂಟ ನಡೆಸುವುದಾಗಿ ಹೇಳಿದ್ದರು.
ಬೆಂಗಳೂರಿನಲ್ಲಿ ಕೊರೊನಾ ಭೀತಿ, ನಗರದಲ್ಲಿ ಓಡಾಡಿದ್ದ ಹೈದರಾಬಾದ್ ಸೋಂಕು ಪೀಡಿತ ಟೆಕ್ಕಿ!
ಜಪಾನ್ ಸರಕಾರ ಮತ್ತು ಟೋಕಿಯೊ ನಿಗದಿತ ಸಮಯಕ್ಕೆ ಕ್ರೀಡಾಕೂಟ ನಡೆಸಲು ಸಿದ್ಧತೆ ಮಾಡಿಕೊಂಡಿದೆ ಎಂಬುದಾಗಿ ಸಚಿವರು ತಿಳಿಸಿದ್ದಾರೆ. ಅಂದುಕೊಂಡಂತೆ ನಡೆದರೆ ಇದೇ ಜುಲೈ 24 ರಿಂದ ಕ್ರೀಡಾಕೂಟ ಆರಂಭವಾಗಬೇಕಿದೆ. “ನಿಗದಿತ ಸಮಯಕ್ಕೆ ಕ್ರೀಡಾಕೂಟ ನಡೆಸಲು ಬೇಕಾದ ಎಲ್ಲಾ ತಯಾರಿಗಳನ್ನು ನಾವು ನಡೆಸುತ್ತಿದ್ದೇವೆ,” ಎಂದು ಅವರು ತಿಳಿಸಿದ್ದಾರೆ.
ಕ್ರೀಡಾಕೂಟವನ್ನು ಸ್ಥಗಿತಗೊಳಿಸುವುದು ಭಾರಿ ದೊಡ್ಡ ಹೊರೆ ಎಂಬುದಾಗಿಯೂ ಅವರು ವಿವರಿಸಿದ್ದಾರೆ. ಇತ್ತೀಚಿನ ಜಪಾನ್ ಬಜೆಟ್ನಲ್ಲಿ ಕ್ರೀಡಾಕೂಟಕ್ಕೆಂದು 8 ಸಾವಿರ ಕೋಟಿ ರೂಪಾಯಿ (120 ಬಿಲಿಯನ್ ಯೆನ್)ಗಳನ್ನು ತೆಗೆದಿರಿಸಲಾಗಿತ್ತು. 2013ರಲ್ಲಿ ಬಿಡ್ ಮಾಡಿದ್ದಲ್ಲಿಂದ 2018ರ ವರೆಗೆ ಜಪಾನ್ ಸರಕಾರ ಕ್ರೀಡಾಕೂಟಕ್ಕೆ ಸುಮಾರು 70 ಸಾವಿರ ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಿದೆ. ಒಂದೊಮ್ಮೆ ಕ್ರೀಡಾಕೂಟ ಸ್ಥಗಿತವಾದರೆ ಜಪಾನ್ ಇನ್ನಿಲ್ಲದೆ ಹೊರೆ ಅನುಭವಿಸಲಿದೆ.
“ಕಾಂಟ್ರಾಕ್ಟ್ ಪ್ರಕಾರ 2020ರ ಒಳಗೆ ಕ್ರೀಡಾಕೂಟ ನಡೆಯಬೇಕಾಗಿದೆ. ಇದರರ್ಥ ಮುಂದೂಡಿಕೆ ಮಾಡಲು ಅವಕಾಶ ಇದೆ,” ಎಂಬುದಾಗಿ ಸೈಕೊ ಹಶಿಮೊಟೊ ಸಂಸತ್ನಲ್ಲಿ ತಿಳಿಸಿದ್ದಾರೆ.
ಆಯೋಜನೆಯ ಒಪ್ಪಂದದ ಪ್ರಕಾರ ಕ್ರೀಡಾಕೂಟವನ್ನು ರದ್ದುಗೊಳಿಸುವ ಅವಕಾಶ ಒಲಿಂಪಿಕ್ಸ್ ಸಮಿತಿಗೆ ಮಾತ್ರ ಇದೆ. ಕಳೆದ ವಾರ ಪ್ರತಿಕ್ರಿಯೆ ನೀಡಿದ್ದ ಸಮಿತಿ ಅಧ್ಯಕ್ಷರು ಕೊರೊನಾ ವೈರಸ್ ಭೀತಿಯ ನಡುವೆಯೂ ನಿಗದಿಯ ಸಮಯದಲ್ಲೇ ಕ್ರೀಡಾಕೂಟ ನಡೆಸುವುದಾಗಿ ಹೇಳಿದ್ದರು.
ಬೆಂಗಳೂರಿನಲ್ಲಿ ಕೊರೊನಾ ಭೀತಿ, ನಗರದಲ್ಲಿ ಓಡಾಡಿದ್ದ ಹೈದರಾಬಾದ್ ಸೋಂಕು ಪೀಡಿತ ಟೆಕ್ಕಿ!
ಜಪಾನ್ ಸರಕಾರ ಮತ್ತು ಟೋಕಿಯೊ ನಿಗದಿತ ಸಮಯಕ್ಕೆ ಕ್ರೀಡಾಕೂಟ ನಡೆಸಲು ಸಿದ್ಧತೆ ಮಾಡಿಕೊಂಡಿದೆ ಎಂಬುದಾಗಿ ಸಚಿವರು ತಿಳಿಸಿದ್ದಾರೆ. ಅಂದುಕೊಂಡಂತೆ ನಡೆದರೆ ಇದೇ ಜುಲೈ 24 ರಿಂದ ಕ್ರೀಡಾಕೂಟ ಆರಂಭವಾಗಬೇಕಿದೆ. “ನಿಗದಿತ ಸಮಯಕ್ಕೆ ಕ್ರೀಡಾಕೂಟ ನಡೆಸಲು ಬೇಕಾದ ಎಲ್ಲಾ ತಯಾರಿಗಳನ್ನು ನಾವು ನಡೆಸುತ್ತಿದ್ದೇವೆ,” ಎಂದು ಅವರು ತಿಳಿಸಿದ್ದಾರೆ.
ಕ್ರೀಡಾಕೂಟವನ್ನು ಸ್ಥಗಿತಗೊಳಿಸುವುದು ಭಾರಿ ದೊಡ್ಡ ಹೊರೆ ಎಂಬುದಾಗಿಯೂ ಅವರು ವಿವರಿಸಿದ್ದಾರೆ. ಇತ್ತೀಚಿನ ಜಪಾನ್ ಬಜೆಟ್ನಲ್ಲಿ ಕ್ರೀಡಾಕೂಟಕ್ಕೆಂದು 8 ಸಾವಿರ ಕೋಟಿ ರೂಪಾಯಿ (120 ಬಿಲಿಯನ್ ಯೆನ್)ಗಳನ್ನು ತೆಗೆದಿರಿಸಲಾಗಿತ್ತು. 2013ರಲ್ಲಿ ಬಿಡ್ ಮಾಡಿದ್ದಲ್ಲಿಂದ 2018ರ ವರೆಗೆ ಜಪಾನ್ ಸರಕಾರ ಕ್ರೀಡಾಕೂಟಕ್ಕೆ ಸುಮಾರು 70 ಸಾವಿರ ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಿದೆ. ಒಂದೊಮ್ಮೆ ಕ್ರೀಡಾಕೂಟ ಸ್ಥಗಿತವಾದರೆ ಜಪಾನ್ ಇನ್ನಿಲ್ಲದೆ ಹೊರೆ ಅನುಭವಿಸಲಿದೆ.