ಆ್ಯಪ್ನಗರ

ಇಸ್ರೇಲ್‌ ಪ್ರವಾಸ: ಅಮೆರಿಕ ಅಧ್ಯಕ್ಷರು, ಪೋಪ್‌ಗೆ ನೀಡುವ ಸೌಲಭ್ಯ ಮೋದಿಗೆ

ಪ್ರಧಾನಿ ನರೇಂದ್ರ ಮೋದಿಯನ್ನು ಬರಮಾಡಿಕೊಳ್ಳಲು ಇಸ್ರೇಲ್‌ ಸನ್ನದ್ಧಗೊಂಡಿದ್ದು, ಕೇವಲ ಅಮೆರಿಕ ಅಧ್ಯಕ್ಷರು ಹಾಗೂ ಪೋಪ್‌ಗಳಿಗೆ ನೀಡುತ್ತಿದ್ದ ಸೌಲಭ್ಯ ಇದೀಗ ಮೋದಿಗೂ ನೀಡಲು ಸಿದ್ದತೆ ನಡೆಸಿದೆ.

Vijaya Karnataka Web 3 Jul 2017, 1:17 pm
ಜೆರುಸಲೇಂ: ಪ್ರಧಾನಿ ನರೇಂದ್ರ ಮೋದಿಯನ್ನು ಬರಮಾಡಿಕೊಳ್ಳಲು ಇಸ್ರೇಲ್‌ ಸನ್ನದ್ಧವಾಗಿದ್ದು, ಅಮೆರಿಕ ಅಧ್ಯಕ್ಷರು ಹಾಗೂ ಪೋಪ್‌ಗಳಿಗೆ ನೀಡುವ ಸೌಲಭ್ಯವನ್ನು ಇದೀಗ ಮೋದಿಗೂ ನೀಡಲು ಮುಂದಾಗಿದೆ.
Vijaya Karnataka Web donald trump pope like welcome awaits pm narendra modi in israel
ಇಸ್ರೇಲ್‌ ಪ್ರವಾಸ: ಅಮೆರಿಕ ಅಧ್ಯಕ್ಷರು, ಪೋಪ್‌ಗೆ ನೀಡುವ ಸೌಲಭ್ಯ ಮೋದಿಗೆ


ಜು. 4ರಂದು ಮೋದಿ ಇಸ್ರೇಲ್‌ ಭೇಟಿ ನೀಡುತ್ತಿದ್ದು ಈ ಮೂಲಕ ಇಸ್ರೇಲ್‌ ಭೇಟಿ ನೀಡಿದ ಮೊಟ್ಟ ಮೊದಲ ಭಾರತೀಯ ಪ್ರಧಾನಿ ಗೌರವಕ್ಕೆ ಮೋದಿ ಪಾತ್ರರಾಗಲಿದ್ದಾರೆ. ಅಲ್ಲದೇ, ಇಸ್ರೇಲ್‌ ಸಹವರ್ತಿ ಬೆಂಜಮಿನ್‌ ನೆತಾನ್ಯಹು ಖುದ್ದು ಸಕಲ ರಾಜತಾಂತ್ರಿಕ ಗೌರವದೊಂದಿಗೆ ಮೋದಿ ಅವರನ್ನು ಸ್ವಾಗತಿಸಲಿದ್ದಾರೆ. ಎಲ್ಲಾ ಸಮಾರಂಭಗಳಿಗೂ ಮೋದಿಯವರೊಂದಿಗೆ ಹಾಜರಿರಲಿದ್ದಾರೆ.

ಈಗಾಗಲೇ ಮೋದಿ ಇಸ್ರೇಲ್‌ ಭೇಟಿ ಕುರಿತು ಎಲ್ಲಾ ನಾಯಕರು ಸಂತಸ ವ್ಯಕ್ತಪಡಿಸಿದ್ದು ಮೋದಿ ಭೇಟಿಯ ವೇಳೆ 2008 ಮುಂಬಯಿ ದಾಳಿಯಲ್ಲಿ ಬದುಕುಳಿದ ಇಸ್ರೇಲ್‌ ಬಾಲಕನನ್ನು ಭೇಟಿಯಾಗಲಿದ್ದಾರೆ ಎನ್ನಲಾಗಿದೆ.

2008ರ ದಾಳಿಯಲ್ಲಿ ಮೋಶೆ ಎಂಬ ಬಾಲಕ ಕೂಡಾ ಗಾಯಗೊಂಡಿದ್ದ ಈತನನ್ನು ಶಿಶುಪಾಲಕಿಯೊಬ್ಬರು ಬದುಕಿಸಿದ್ದರು, ಇದಾದ ಬಳಿಕ ಇಸ್ರೇಲ್‌ನಲ್ಲಿ ವಾಸವಿರುವ ಮೊಶೆಯನ್ನು ಮೋದಿ ಭೇಟಿಯಾಗಲಿದ್ದಾರೆ ಎನ್ನಲಾಗಿದೆ.

ಇನ್ನೊಂದು ವಿಶೇಷವೆಂದರೆ ಮೋದಿ ತಂಗುವ ಐಶಾರಾಮಿ ಹೋಟೆಲ್‌ ಕೇವಲ ಪೋಪ್‌ಗುರುಗಳಿಗೆ ಬಿಟ್ಟರೆ ಅಮೆರಿಕ ಅಧ್ಯಕ್ಷರಿಗೆ ಮಾತ್ರಾ ಸೀಮಿತವಾಗಿತ್ತು. ಆದರೆ ಈ ಬಾರಿ ಇಲ್ಲಿ ಮೋದಿ ತಂಗಲಿದ್ದು ಪತ್ರಕರ್ತರ ಸಭೆಗೆ ಇಲ್ಲಿನ ಬಾರ್‌ಅನ್ನೇ ಪತ್ರಿಕಾ ಕೋಣೆಯನ್ನಾಗಿ ಬದಲಾಯಿಸಲಾಗಿದೆಯಂತೆ.

ಜು.5 ರಂದು ಮಧ್ಯಾಹ್ನ ಭೋಜನಕೂಟದ ಬಳಿಕ ನೆತಾನ್ಯಹು ಸ್ವತಃ ತಾವೇ ಮೋದಿ ಅವರನ್ನು ಜೆರುಸಲೇಂನ ಮ್ಯೂಸಿಯಂಗೆ ಕರೆದೊಯ್ಯಲಿದ್ದು, ಭಾರತ ಯಹೂದಿ ಪರಂಪರೆಗೆ ಸಂಬಂಧಿಸಿದ ಅಪರೂಪದ ವಸ್ತುಗಳನ್ನು ತೋರಿಸಲಿದ್ದಾರೆ. ಕೊಚ್ಚಿಯಲ್ಲಿರುವ ಯಹೂದಿ ಸಿನಗಾಗ್‌ನ ಮಾದರಿ ಮ್ಯೂಸಿಯಂನಲ್ಲಿದೆ. ಅದೇ ಸಂಜೆ ಟೆಲ್‌ ಅವಿವ್‌ನ ವಸ್ತುಪ್ರದರ್ಶನ ಮೈದಾನದಲ್ಲಿ ಭಾರತೀಯ ಸಮುದಾಯವನ್ನು ಉದ್ದೇಶಿಸಿ ಉಭಯ ನಾಯಕರು ಮಾತನಾಡಲಿದ್ದಾರೆ.

ಕಳೆದ ದಶಕದಲ್ಲಿ ಇಸ್ರೇಲಿ ಪ್ರಧಾನಿ ಯಾವುದೇ ದೇಶದ ನಾಯಕರಿಗೂ ಇಂತಹ ಭವ್ಯ ಮತ್ತು ಆತ್ಮೀಯ ಸ್ವಾಗತ ಕೋರಿರಲಿಲ್ಲ. ಇಸ್ರೇಲಿ ಮಾಧ್ಯಮಗಳು ಸಹ ಉಭಯ ನಾಯಕರ ನಡುವಿನ ಬಾಂಧವ್ಯವನ್ನು ಪ್ರಶಂಶಿಸಿವೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ