ದೇಶ ನಮ್ಮನ್ನು ನೆನಪಿನಲ್ಲಿಡಲಿದೆ: ಡೊನಾಲ್ಡ್ ಟ್ರಂಪ್ ಹೊಸ ವರ್ಷದ ಭಾಷಣ!

ವಾಷಿಂಗ್ಟನ್: ಕಳೆದ ನಾಲ್ಕು ವರ್ಷಗಳಲ್ಲಿ ತಮ್ಮ ಆಡಳಿತ ಏನು ಮಾಡಿದೆಯೋ ಅದಕ್ಕಾಗಿ ದೇಶ ನಮ್ಮನ್ನು ನೆನಪಿನಲ್ಲಿಡಬೇಕು ಎಂದು, ಅಮೆರಿಕದ ನಿಯೋಜಿತ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಭಿಪ್ರಾಯಪಟ್ಟಿದ್ದಾರೆ.

ಹೊಸ ವರ್ಷಾಚರಣೆ ಹಿನ್ನೆಯಲ್ಲಿ ದೇಶವನ್ನುದ್ದೇಶಿಸಿ ಶ್ವೇತಭವನದಿಂದ ಮಾತನಾಡಿದ ಡೊನಾಲ್ಡ್ ಟ್ರಂಪ್, ನಾಲ್ಕು ವರ್ಷಗಳಲ್ಲಿ ನಾವು ಅಮೆರಿಕವನ್ನು ಜಗತ್ತಿನ ಅತ್ಯಂತ ಸದೃಢ ದೇಶವನ್ನಾಗಿ ಮಾಡಲು ತುಂಬ ಶ್ರಮಿಸಿದ್ದೇವೆ ಎಂದು ಹೇಳಿದ್ದಾರೆ.

ನಾವು ಅಮೆರಿಕವನ್ನು ಮತ್ತೆ ತನ್ನ ಗತವೈಭವವನ್ನು ಮರಳಿ ಪಡೆಯುವಂತೆ ಮಾಡಲು ಶ್ರಮಿಸಿದ್ದೇವೆ. ಈ ನಾಲ್ಕು ವರ್ಷಗಳಲ್ಲಿ ಇಡೀ ವಿಶ್ವವೇ ಅಮೆರಿಕದ ಪ್ರಗತಿಯನ್ನು ಗಮನಿಸಿದೆ. ಒಂದು ವೇಳೆ ಕೊರೊನಾ ವೈರಸ್ ಹಾವಳಿ ಅಮೆರಿಕವನ್ನು ಪ್ರವೇಶಿಸಿರದಿದ್ದರೆ ನಮ್ಮ ಪ್ರಗತಿಯ ಉತ್ತುಂಗವನ್ನು ಇಡೀ ಜಗತ್ತು ನೋಡುತ್ತಿತ್ತು ಎಂದು ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.

4 ವರ್ಷದ ಬಳಿಕ ಮತ್ತೆ ಸಿಗುತ್ತೇನೆ: 2024ರ ಚುನಾವಣೆಯಲ್ಲಿ ಸ್ಪರ್ಧೆಯ ಸುಳಿವು ನೀಡಿದ ಟ್ರಂಪ್!

ನಾವು ಈ ನಾಲ್ಕು ವರ್ಷಗಳ ಅವಧಿಯಲ್ಲಿ ಏನು ಮಾಡಿದ್ದೇವೋ ಅದಕ್ಕಾಗಿ ಈ ದೇಶ ನಮ್ಮನ್ನು ನೆನಪಿನಲ್ಲಿಡಬೇಕು. ನಮ್ಮನ್ನು ಈ ದೇಶ ಸ್ಮರಿಸಲಿದೆ ಎಂಬ ಭರವಸೆ ಇದೆ ಎಂದು ಡೊನಾಲ್ಡ್ ಟ್ರಂಪ್ ನುಡಿದಿದ್ದಾರೆ.

ಇದೇ ವೇಳೆ 2024ರ ಅಧ್ಯಕ್ಷೀಯ ಚುನಾವನಣೆಯಲ್ಲಿ ತಾವು ಮರುಆಯ್ಕೆಯಾಗುವುದು ಖಚಿತ ಎಂದು ಭರವಸೆ ವ್ಯಕ್ತಪಡಿಸಿರುವ ಡೊನಾಲ್ಡ್ ಟ್ರಂಪ್, ನಾವು ಮರಳಿ ಶ್ವೇತಭವನಕ್ಕೆ ಬರುವುದು ಖಚಿತ ಎಂದು ಭವಿಷ್ಯ ನುಡಿದಿದ್ದಾರೆ.

ನಾವು 2024ರಲ್ಲಿ ಹಿಂದಿಗಿಂತಲೂ ಹೆಚ್ಚು ಬಲಾಶಾಲಿಯಾಗಿ ಮರಳುತ್ತೇವೆ. ಅಮೆರಿಕದ ಜನ ನಮ್ಮನ್ನು ಸ್ವೀಕರಿಸುತ್ತಾರೆ ಎಂಬ ಭರವಸೆ ಇದೆ ಎಂದು ಟ್ರಂಪ್ ವಿಶ್ವಾಸದ ಮಾತುಗಳನ್ನಾಡಿದ್ದಾರೆ.

ಸೋಲೊಪ್ಪಲ್ಲ, ಆದರೂ ಶ್ವೇತಭವನ ತೊರೆಯುವೆ ಎಂದ ಡೊನಾಲ್ಡ್‌ ಟ್ರಂಪ್‌

ಒಟ್ಟಿನಲ್ಲಿ ಟ್ರಂಪ್ ಅವರ ವರ್ಷಾಚರಣೆ ಭಾಷಣ ತಮ್ಮ ಕಳೆದ ನಾಲ್ಕು ವರ್ಷಗಳ ಆಡಳಿತ ಹಾಗೂ 2024ರಲ್ಲಿ ಅಧ್ಯಕ್ಷ ಗಾದಿ ಮೇಲೆ ಮತ್ತೆ ಕುಳಿತುಕೊಳ್ಳುವ ಮಾತುಗಳಿಗೆ ಸೀಮಿತವಾಗಿತ್ತು ಎಂದು ಹೇಳಬಹುದು.