ಟೆಹ್ರಾನ್: ಇರಾನ್ನ ಏಕೈಕ ಅಣುಸ್ಥಾವರ ಇರುವ ಬುಶೆಹರ್ ನಗರದಿಂದ 45 ಕಿ.ಮೀ ದೂರದಲ್ಲಿ ಭೂಕಂಪ ಸಂಭವಿಸಿದೆ. ಕಂಪನದ ತೀವ್ರತೆ 5.1 ಇತ್ತಾದರೂ ಅದೃಷ್ಟವಶಾತ್ ಯಾವುದೇ ಅನಾಹುತ ಸಂಭವಿಸಿಲ್ಲ. ಬೊರಾಝನ್ ನಗರದ ನೈರುತ್ಯ ಭಾಗದಲ್ಲಿ 38 ಕಿ.ಮೀ. ಆಳದಲ್ಲಿ ಭೂಕಂಪನದ ಕೇಂದ್ರಬಿಂದು ಪತ್ತೆಯಾಗಿದೆ.
ಕಲಾಮೇಹ್ ನಗರ ಹಾಗೂ ಸುತ್ತಲಿನ ಗ್ರಾಮಗಳಲ್ಲಿ ಕಂಪನದ ಅನುಭವ ಉಂಟಾಗಿದೆ. ಅಹ್ರಾಮ್ ಪಟ್ಟಣಕ್ಕೆ ಸಂಪರ್ಕಿಸುವ ರಸ್ತೆಯಲ್ಲಿ ಕಂಪನದಿಂದಾಗಿ ಭೂಕುಸಿತ ಉಂಟಾಗಿದೆ. ಕಲವು ಕಟ್ಟಡಗಳಲ್ಲಿ ಬಿರುಕು ಕಾಣಿಸಿಕೊಂಡಿದೆ. ಆದರೆ ಅಣುಸ್ಥಾವರಕ್ಕೆ ಯಾವುದೇ ಹಾನಿ ಉಂಟಾಗಿಲ್ಲ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. 2017ರಲ್ಲಿ ಕೆರ್ಮನ್ಶಾಹ್ ಪ್ರಾಂತ್ಯದಲ್ಲಿ ಸಂಭವಿಸಿದ್ದ 7.3 ತೀವ್ರತೆಯ ಭೂಕಂಪ 620 ಜನರನ್ನು ಬಲಿಪಡೆದಿತ್ತು.
ಬುಶೆಹರ್ ಅಣುಸ್ಥಾವರ ನಿರ್ಮಾಣವನ್ನು ರಷ್ಯಾ 2013ರಲ್ಲಿ ಪೂರ್ಣಗೊಳಿಸಿ ಇರಾನ್ ಸರಕಾರಕ್ಕೆ ಹಸ್ತಾಂತರಿಸಿತು. ಸುಮಾರು 1 ಸಾವಿರ ಮೆಗಾ ವ್ಯಾಟ್ ವಿದ್ಯುತ್ ಉತ್ಪಾದನೆ ಸಾಮರ್ಥ್ಯವನ್ನು ಸ್ಥಾವರ ಹೊಂದಿದೆ. ಸದ್ಯ ಇರಾನ್ನಲ್ಲಿ ವಿದ್ಯುತ್ ಬೇಡಿಕೆಯನ್ನು ತೈಲ ಮತ್ತು ಇಂಧನಗಳಿಂದ ಪೂರೈಸಲಾಗುತ್ತಿದೆ. ಈ ಅವಲಂಬನೆಯಿಂದ ಹೊರಬರಲು ಮುಂದಿನ ಕೆಲವು ವರ್ಷಗಳಲ್ಲಿ 20ಕ್ಕೂ ಅಧಿಕ ಅಣುಸ್ಥಾವರ ನಿರ್ಮಾಣದ ಗುರಿಯನ್ನು ಇರಾನ್ ಸರಕಾರ ಹೊಂದಿದೆ.
ಕಲಾಮೇಹ್ ನಗರ ಹಾಗೂ ಸುತ್ತಲಿನ ಗ್ರಾಮಗಳಲ್ಲಿ ಕಂಪನದ ಅನುಭವ ಉಂಟಾಗಿದೆ. ಅಹ್ರಾಮ್ ಪಟ್ಟಣಕ್ಕೆ ಸಂಪರ್ಕಿಸುವ ರಸ್ತೆಯಲ್ಲಿ ಕಂಪನದಿಂದಾಗಿ ಭೂಕುಸಿತ ಉಂಟಾಗಿದೆ. ಕಲವು ಕಟ್ಟಡಗಳಲ್ಲಿ ಬಿರುಕು ಕಾಣಿಸಿಕೊಂಡಿದೆ. ಆದರೆ ಅಣುಸ್ಥಾವರಕ್ಕೆ ಯಾವುದೇ ಹಾನಿ ಉಂಟಾಗಿಲ್ಲ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. 2017ರಲ್ಲಿ ಕೆರ್ಮನ್ಶಾಹ್ ಪ್ರಾಂತ್ಯದಲ್ಲಿ ಸಂಭವಿಸಿದ್ದ 7.3 ತೀವ್ರತೆಯ ಭೂಕಂಪ 620 ಜನರನ್ನು ಬಲಿಪಡೆದಿತ್ತು.
ಬುಶೆಹರ್ ಅಣುಸ್ಥಾವರ ನಿರ್ಮಾಣವನ್ನು ರಷ್ಯಾ 2013ರಲ್ಲಿ ಪೂರ್ಣಗೊಳಿಸಿ ಇರಾನ್ ಸರಕಾರಕ್ಕೆ ಹಸ್ತಾಂತರಿಸಿತು. ಸುಮಾರು 1 ಸಾವಿರ ಮೆಗಾ ವ್ಯಾಟ್ ವಿದ್ಯುತ್ ಉತ್ಪಾದನೆ ಸಾಮರ್ಥ್ಯವನ್ನು ಸ್ಥಾವರ ಹೊಂದಿದೆ. ಸದ್ಯ ಇರಾನ್ನಲ್ಲಿ ವಿದ್ಯುತ್ ಬೇಡಿಕೆಯನ್ನು ತೈಲ ಮತ್ತು ಇಂಧನಗಳಿಂದ ಪೂರೈಸಲಾಗುತ್ತಿದೆ. ಈ ಅವಲಂಬನೆಯಿಂದ ಹೊರಬರಲು ಮುಂದಿನ ಕೆಲವು ವರ್ಷಗಳಲ್ಲಿ 20ಕ್ಕೂ ಅಧಿಕ ಅಣುಸ್ಥಾವರ ನಿರ್ಮಾಣದ ಗುರಿಯನ್ನು ಇರಾನ್ ಸರಕಾರ ಹೊಂದಿದೆ.