Tajikistan Earthquake: ಚೀನಾ-ತಜಿಕಿಸ್ತಾನ ಗಡಿಯಲ್ಲಿ ನಡುಗಿದ ಭೂಮಿ: 6.8 ತೀವ್ರತೆಯ ಭೂಕಂಪನ

ಕ್ಸಿಂಜಿಯಾಂಗ್: ತಜಿಕಿಸ್ತಾನ- ಚೀನಾ ಗಡಿಯಲ್ಲಿ ಗುರುವಾರ ಮುಂಜಾನೆ ರಿಕ್ಟರ್ ಮಾಪನದಲ್ಲಿ 6.8 ತೀವ್ರತೆಯ ಪ್ರಬಲ ಭೂಕಂಪನ ಸಂಭವಿಸಿದೆ. ತಜಿಕಿಸ್ತಾನದಲ್ಲಿ ಇದರ ಪರಿಣಾಮ ಹೆಚ್ಚಾಗಿದೆ. ಚೀನಾದ ಪಶ್ಚಿಮ ಕ್ಸಿಂಜಿಯಾಂಗ್ ಪ್ರದೇಶದಲ್ಲಿ ಭೂಕಂಪನ ಸಂಭವಿಸಿದೆ. ತಜಿಕಿಸ್ತಾನದ ಪಶ್ಚಿಮದ ಮುರ್ಘೋಬ್‌ನಿಂದ 67 ಕಿಮೀ ದೂರ ಹಾಗೂ 20 ಕಿಮೀ ಆಳದಲ್ಲಿ ಕಂಪನ ಉಂಟಾಗಿದೆ ಎಂದು ಅಮೆರಿಕದ ಜಿಯಾಲಾಜಿಕಲ್ ಸರ್ವೆ ಕೇಂದ್ರ ತಿಳಿಸಿದೆ.

ಇದು ಬಹಳ ಕುಗ್ರಾಮದ ಪ್ರದೇಶವಾಗಿದ್ದು, ಇಲ್ಲಿ ಜನಸಂಖ್ಯೆಯೂ ವಿರಳವಾಗಿದೆ. ಚೀನಾದ ಭೂಕಂಪನ ನೆಟ್‌ವರ್ಕ್ ಕೇಂದ್ರವು ರಿಕ್ಟರ್ ಮಾಪನದಲ್ಲಿ ಭೂಕಂಪನದ ತೀವ್ರತೆಯು 7.2ರಷ್ಟು ದಾಖಲಾಗಿದೆ ಮತ್ತು 10 ಕಿಮೀ ಆಳದಲ್ಲಿ ಇದು ಸಂಭವಿಸಿದೆ ಎಂದು ಹೇಳಿದೆ. ಆದರೆ ವಿಭಿನ್ನ ಸಂಸ್ಥೆಗಳು ವಿಭಿನ್ನ ಮಾಪನದ ದಾಖಲೆಗಳನ್ನು ನೀಡಿವೆ.
Earthquake again in Turkey: ಸೋಮವಾರ ರಾತ್ರಿ ಟರ್ಕಿ ಮತ್ತು ಸಿರಿಯಾ ಗಡಿಯಲ್ಲಿ ಮತ್ತೆ ಭೂಕಂಪನ, ರಿಕ್ಟರ್‌ ಮಾಪಕದಲ್ಲಿ ದಾಖಲಾಯ್ತು 6.3 ತೀವ್ರತೆ

ಸ್ಥಳೀಯ ಕಾಲಮಾನ ನಸುಕಿನ 5.37ರ ವೇಳೆಗೆ ಕೆಲವು ಸೆಕೆಂಡುಗಳ ಕಾಲ ಭೂಮಿ ನಡುಗಿನ ಅನುಭವವಾಗಿದೆ. ತಜಿಕಿಸ್ತಾನ ಮತ್ತು ಚೀನಾ ಗಡಿಗಳಿರುವ ಅರೆ- ಸ್ವಾಯತ್ತ ಪ್ರದೇಶವಾದ ಗೊರ್ನೊ- ಬಡಾಕ್ಷಾನ್‌ನಲ್ಲಿ ಭೂಕಂಪನದ ಕೇಂದ್ರಬಿಂದು ದಾಖಲಾಗಿರುವ ಸಾಧ್ಯತೆ ಇದೆ. ಆರಂಭದಲ್ಲಿ 5.0 ತೀವ್ರತೆಯಲ್ಲಿ ಭೂಮಿ ಕಂಪಿಸಿತ್ತು. ಸುಮಾರು 20 ನಿಮಿಷಗಳ ನಂತರ ಮತ್ತೊಂದು ಭೂಕಂಪನ ಸಂಭವಿಸಿದೆ.


ತಜಿಕಿಸ್ತಾನದ ಅತ್ಯಂತ ಬೃಹತ್ ಸರೋವರಗಳಲ್ಲಿ ಒಂದಾದ ಲೇಕ್ ಸಾರೆಜ್, ಬೃಹತ್ ಪಾಮಿರ್ ಪರ್ವತಗಳಿರುವ ಪ್ರದೇಶದಲ್ಲಿ ಭೂಮಿ ಅದುರಿದೆ. 1991ರಲ್ಲಿ ಸಂಭವಿಸಿದ್ದ ಪ್ರಬಲ ಭೂಕಂಪನದಿಂದಾಗಿ ಸಾರೆಜ್ ಸರೋವರ ಸೃಷ್ಟಿಯಾಗಿತ್ತು. ಸರೋವರದ ಹಿಂಭಾಗದಲ್ಲಿನ ಪಾಮಿರ್ ಪರ್ವತದಲ್ಲಿ ನೈಸರ್ಗಿಕ ಅಣೆಕಟ್ಟು ಕೂಡ ಇದೆ. ಒಂದು ವೇಳೆ ಈ ಅಣೆಕಟ್ಟಿಗೆ ಹಾನಿಯಾದರೆ, ಭಾರಿ ಅನಾಹುತ ಸಂಭವಿಸಲಿದೆ ಎಂದು ಪರಿಣತರು ಎಚ್ಚರಿಕೆ ನೀಡಿದ್ದಾರೆ.
New Zealand Earthquake: ನ್ಯೂಜಿಲ್ಯಾಂಡ್‌ನಲ್ಲಿ ಪ್ರಬಲ ಭೂಕಂಪನ: 6.1 ರಿಕ್ಟರ್ ಮಾಪನದಲ್ಲಿ ತೀವ್ರತೆ ದಾಖಲು

ಕೇಂದ್ರ ಏಷ್ಯಾದ ಭಾಗದಂತೆ ತಜಿಕಿಸ್ತಾನವು ಪ್ರವಾಹ, ಭೂಕಂಪನ, ಭೂಕುಸಿತ, ಹಿಮಪಾತ ಮತ್ತು ಭಾರಿ ಹಿಮ ಸುರಿಯುವಂತಹ ನೈಸರ್ಗಿಕ ಅವಘಡಗಳ ಅಪಾಯದ ಸ್ಥಾನದಲ್ಲಿದೆ. ಗೊರ್ನೊ- ಬಡಾಕ್ಷಾನ್‌ನಲ್ಲಿ ಫೆ. 15ರಂದು ಸಂಭವಿಸಿದ್ದ ಹಿಮಪಾತವು 9 ಮಂದಿಯನ್ನು ಬಲಿ ಪಡೆದುಕೊಂಡಿತ್ತು. ರಾಜಧಾನಿ ದುಶಾಂಬೆಯಲ್ಲಿ ಅದೇ ದಿನ ಹಿಮಪಾತಕ್ಕೆ ಮತ್ತೊಬ್ಬ ವ್ಯಕ್ತಿ ಜೀವ ಕಳೆದುಕೊಂಡಿದ್ದರು.