ಲಂಡನ್‌ನಲ್ಲಿ ವಿಪ್ರೋ ಬಸ್‌-ಟ್ರಕ್‌ ಅಪಘಾತ: 8 ಭಾರತೀಯರ ಸಾವು

ಲಂಡನ್: ವಿಪ್ರೋ ಸಂಸ್ಥೆಗೆ ಸೇರಿದ ಮಿನಿ ಬಸ್‌ ಹಾಗೂ ಎರಡು ಟ್ರಕ್‌ಗಳ ನಡುವೆ ಸಂಭವಿಸಿದ ಅಪಘಾತದಲ್ಲಿ ಎಂಟು ಭಾರತೀಯರು ಮೃತಪಟ್ಟ ಘಟನೆ ನಡೆದಿದ್ದು, 24 ವರ್ಷಗಳ ಇತಿಹಾಸದಲ್ಲೇ ಇದು ಅತ್ಯಂತ ಭಯಾನಕ ಅಪಘಾತ ಎನ್ನಲಾಗಿದೆ.

ಇಂಗ್ಲೆಂಡ್‌ನ ಬಕಿಂಗ್‌ಹ್ಯಾಮ್‌ಶೈರ್ ನ ನ್ಯೂಪೋರ್ಟ್ ಪಾಗ್ನೆಲ್‌ನಲ್ಲಿ ಶನಿವಾರ ಈ ಘಟನೆ ನಡೆದಿದ್ದು, ವಿಪ್ರೋ ಸಂಸ್ಥೆಗೆ ಸೇರಿದ್ದ ನೌಕರರು ಹಾಗೂ ಅವರ ಕುಟುಂಬಸ್ಥರು ಪ್ರೇಕ್ಷಣೀಯ ಸ್ಥಳಕ್ಕೆ ಭೇಟಿ ನೀಡುತ್ತಿದ್ದರು. ಈ ವೇಳೆ ಬಸ್‌ ಎರಡು ಟ್ರಕ್‌ಗಳಿಗೆ ಗುದ್ದಿದೆ. ಘಟನೆಯಲ್ಲಿ ಮೂವರು ವಿಪ್ರೋ ನೌಕರರು ಮೃತಪಟ್ಟಿದ್ದಾರೆ. ಬಸ್‌ನ ಡ್ರೈವರ್‌ ಕೂಡಾ ಮೃತಪಟ್ಟಿದ್ದು, ಈತ ಕೂಡಾ ಭಾರತೀಯ ಪ್ರಜೆ ಎನ್ನಲಾಗಿದೆ. ಒಟ್ಟು 8 ಮಂದಿ ಮೃತಪಟ್ಟಿದ್ದು, ಹಲವರು ತೀವ್ರವಾಗಿ ಗಾಯಗೊಂಡಿದ್ದಾರೆ.

ದುರ್ಘಟನೆಯಲ್ಲಿ ನಾಲ್ವರು ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಘಟನೆಗೆ ಸಂಬಂಧಿಸಿ ಎರಡು ಟ್ರಕ್ ಗಳ ಚಾಲಕರನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ಮಾಹಿತಿಗಳ ಪ್ರಕಾರ ಓರ್ವ ಟ್ರಕ್‌ ಡ್ರೈವರ್‌ ಪಾನಮತ್ತನಾಗಿದ್ದ ಎನ್ನಲಾಗಿದ್ದು ಸೋಮವಾರದಂದು ಇವರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುತ್ತದೆ.

ಮೃತರನ್ನು ಕಾರ್ತಿಕೇಯನ್ ರಾಮಸುಬ್ರಮಣಿಯಂ ಪುಗಲ್, ರಿಷಿ ರಾಜೀವ್ ಕುಮಾರ್ ಮತ್ತು ವಿವೇಕ್ ಭಾಸ್ಕರನ್ ಎಂದು ಗುರುತಿಸಲಾಗಿದೆ. ಗಾಯಗೊಂಡ ಮನೋರಂಜನ್‌ ಪನ್ನೀರ್‌ಸೆಲ್ವಂನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ವಿಪ್ರೋ ಪ್ರಕಟಣೆಯಲ್ಲಿ ಹೇಳಿದೆ.

eight indians die in worst uk road crash in 24 years