ಮಧ್ಯಪ್ರದೇಶದಲ್ಲಿ ವಿಶ್ವದಲ್ಲೇ ಅತ್ಯಂತ ಗರಿಷ್ಠ ತಾಪಮಾನ ದಾಖಲು

ಭೋಪಾಲ್‌: ಮಧ್ಯಪ್ರದೇಶದಲ್ಲಿ ಬೇಸಿಗೆಯಲ್ಲಿ ಯಾವಾಗಲು ಬೆಂಕಿಕಾರುವ ಜಿಲ್ಲೆ ಖರಗೋನದಲ್ಲಿ ಶುಕ್ರವಾರ ಉಷ್ಣಾಂಶವು 47 ಡಿಗ್ರಿ ಸೆಲ್ಶಿಯಸ್‌ ತಲುಪುವ ಮೂಲಕ ವಿಶ್ವದಲ್ಲೇ ಅತಿಹೆಚ್ಚು ಉಷ್ಣಾಂಶ ದಾಖಲಾದ ನಗರ ಎಂದೆನಿಸಿಕೊಂಡಿದೆ.

ಹವಮಾನ ಮಾಹಿತಿ ನೀಡುವ ಎಲ್‌ ಡೊರಾಡೋ ವೆಬ್‌ಸೈಟ್‌ನಲ್ಲಿ ಖಾರಗೋನದ ಉಷ್ಣಾಂಶ 46.6 ಡಿಗ್ರಿ ಸೆಲ್ಶಿಯಸ್‌ ದಾಖಲಾಗಿದೆ. ಈ ಮೂಲಕ ವಿಶ್ವದಲ್ಲೇ ಅತಿ ಗರಿಷ್ಠ ಎಂದೆನಿಸಿಕೊಂಡಿದೆ. ಪೂರ್ಣ ವಿದರ್ಭ ಪ್ರದೇಶವೇ ರಣ ಬಿಸಿಲಿನಿಂದ ಸುಡುತ್ತಿದೆ.

ಮಹಾರಾಷ್ಟ್ರದ ಮತ್ತೊಂದು ಪ್ರದೇಶ ಅಕೋಲಾದಲ್ಲಿ 46.4 ಡಿಗ್ರಿ ಸೆಲ್ಶಿಯಸ್‌ ಉಷ್ಣಾಂಶ ದಾಖಲಾಗಿದೆ. ಇದು ವಿಶ್ವದ ಎರಡನೇ ಅತಿಹೆಚ್ಚು ಉಷ್ಣಾಂಶವಾಗಿದೆ. ವಿದರ್ಭದಲ್ಲೇ 6 ನಗರಗಳು ವಿಶ್ವದ ಅತಿಹೆಚ್ಚು ಉಷ್ಣಾಂಶ ದಾಖಲಾದ 15 ಟಾಪ್‌ ಪ್ರದೇಶಗಳ ಪೈಕಿ ಸ್ಥಾನ ಪಡೆದಿವೆ.

ವಿಶ್ವದ ಗರಿಷ್ಠ ತಾಪಮಾನ ದಾಖಲಾದ ಟಾಪ್‌ 15 ನಗರಗಳ ಪೈಕಿ ಮಹಾರಾಷ್ಟ್ರದ 9, ಮಧ್ಯಪ್ರದೇಶ 3 ನಗರಗಳು ಸೇರಿವೆ. ಮಧ್ಯ ಪ್ರದೇಶದ ಖಾಂಡ್ವಾದಲ್ಲಿ 45.1 ಡಿಗ್ರಿ ಸೆಲ್ಶಿಯಸ್‌ ದಾಖಲಾಗಿದ್ದು 10ನೇ ಸ್ಥಾನ ಪಡೆದಿದೆ. ಹೊಸಂಗಾಬಾದ್‌ನಲ್ಲಿ 44.7 ಡಿಗ್ರಿ ಸೆಲ್ಶಿಯಸ್‌ ದಾಖಲಾಗಿದ್ದು, 13ನೇ ಸ್ಥಾನದಲ್ಲಿದೆ.