ಪ್ರಸಿದ್ಧ ಹಾಡುಗಾರನ ಹತ್ಯೆ ಖಂಡಿಸಿ ಪ್ರತಿಭಟನೆ: ಇಥಿಯೋಪಿಯಾದಲ್ಲಿ 239 ಜನರ ದಾರುಣ ಸಾವು!

ಅಡ್ಡಿಸ್ ಅಬಾಬಾ: ಅಮೆರಿಕದಲ್ಲಿ ಜನಾಂಗೀಯ ಪ್ರತಿಭಟನೆಯ ಕಾವು ಕಡಿಮೆಯಾಗುತ್ತಿದ್ದಂತೇ, ಇಥಿಯೋಪಿಯಾದಲ್ಲಿ ಇದೀಗ ಜನಾಂಗೀಯ ಪ್ರತಿಭಟನೆ ಭುಗಿಲೆದ್ದಿದೆ.

ಇಲ್ಲಿನ ಓರೊಮೊ ಜನಾಂಗದ ಜನಪ್ರಿಯ ಗಾಯಕನ ಹತ್ಯೆ ಖಂಡಿಸಿ ನಡೆಯುತ್ತಿರುವ ಪ್ರತಿಭಟನೆ ವೇಳೆ, 239 ಜನ ತಮ್ಮ ಪ್ರಾಣ ಕಳೆದುಕೊಂಡಿದ್ದು, ಇಡೀ ಇಥಿಯೋಪಿಯಾ ಜನಾಂಗೀಯ ದಳ್ಳುರಿಯಲ್ಲಿ ಬೇಯುತ್ತಿದೆ.

ಅಮೆರಿಕದಾದ್ಯಂತ ಹಬ್ಬಿದ ಜನಾಂಗೀಯ ಪ್ರತಿಭಟನೆ!

ಓರೊಮೊ ಜನಾಂಗದ ಜನಪ್ರಿಯ ಗಾಯಕ ಹಚ್ಚಲು ಹುಂಡೆಸ್ಸಾ ಎಂಬಾತನನ್ನು ಗುಂಡಿಕ್ಕಿ ಹತ್ಯೆ ಮಾಡಲಾಗಿತ್ತು. ಹುಂಡೆಸ್ಸಾ ಹತ್ಯೆ ಖಂಡಿಸಿ ಕಳೆದ ಒಂದು ವಾರದಿಂದ ಇಥಿಯೋಪಿಯಾದಲ್ಲಿ ಜನಾಂಗೀಯ ಪ್ರತಿಭಟನೆಗಳು ನಡೆಯುತ್ತಿವೆ.

ಈ ಪ್ರತಿಭಟನೆ ಕೆಲವು ಕಡೆ ಹಿಂಸಾತ್ಮಕ ಸ್ವರೂಪ ಪಡೆದುಕೊಂಡಿದ್ದು, ಘರ್ಷಣೆಯಲ್ಲಿ ಇದುವರೆಗೂ ಸುಮಾರು 239 ಜನ ಸಾವಿಗೀಡಾಗಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಟ್ರಂಪ್ ವಿರುದ್ಧವೇ ಕೋರ್ಟ್ ಕೇಸ್: ಜಗತ್ತು ಬದಲಿಸಿದ ಮೃತ ಜಾರ್ಜ್!

ಹಚ್ಚಲು ಹುಂಡೆಸ್ಸಾ ತುಳಿತಕ್ಕೊಳಗಾಗಿರುವ ಓರೊಮಾ ಜನಾಂಗದ ಧ್ವನಿ ಎಂದೇ ಖ್ಯಾತಿ ಪಡೆದಿದ್ದರು. ಅವರ ಹತ್ಯೆಯಿಂದಾಗಿ ಓರೊಮಾ ಜನಾಂಗ ಸಿಡಿದೆದ್ದಿದ್ದು, ಘರ್ಷಣೆಯಲ್ಲಿ ಇದುವರೆಗೂ 239 ಜಕನ ಪ್ರಾಣ ಕಳೆದಿಕೊಂಡಿದ್ದಾರೆ.