ತಪ್ಪಿದ ಅನಾಹುತ: ವಿಮಾನ ಲ್ಯಾಂಡಿಂಗ್ ಮಾಡದೆ 37,000 ಅಡಿ ಎತ್ತರದಲ್ಲಿ ನಿದ್ರೆಗೆ ಜಾರಿದ ಪೈಲಟ್‌ಗಳು
Ethiopian Airlines: ವಿಮಾನ ಸುಮಾರು 37,000 ಕಿಮೀ ಎತ್ತರದಲ್ಲಿ ಹಾರಾಡುತ್ತಿದ್ದಾಗ ಪೈಲಟ್‌ಗಳು ಆಟೋ ಪೈಲಟ್ ವ್ಯವಸ್ಥೆ ಸೆಟ್ ಮಾಡಿ ನಿದ್ರೆಗೆ ಜಾರಿದ್ದಾರೆ. ತಾವು ಲ್ಯಾಂಡ್ ಮಾಡಬೇಕಿದ್ದ ವಿಮಾಣ ನಿಲ್ದಾಣವನ್ನು ದಾಟಿದ್ದರೂ ಅದು ಅವರಿಗೆ ಅರಿವಾಗಿರಲಿಲ್ಲ.
ಹೈಲೈಟ್ಸ್‌:
- ನಿದ್ರೆಗೆ ಜಾರಿದ್ದ ಇಥಿಯೋಪಿಯನ್ ಏರ್‌ಲೈನ್ಸ್ ಪೈಲಟ್‌ಗಳು
- ವಿಮಾನ ನಿಲ್ದಾಣದಲ್ಲಿ ಲ್ಯಾಂಡಿಂಗ್ ಮಾಡದೆ ವಿಮಾನ ಹಾರಾಟ
- ಆಟೋಪೈಲಟ್ ವ್ಯವಸ್ಥೆ ಸ್ಥಗಿತಗೊಂಡ ಬಳಿಕ ಪೈಲಟ್‌ಗಳಿಗೆ ಎಚ್ಚರ
ಖಾರ್ಟೌಮ್: ಸೂಡಾನ್‌ನ ಖಾರ್ಟೌಮ್‌ನಿಂದ ಇಥಿಯೋಪಿಯಾ ರಾಜಧಾನಿ ಅಡ್ಡಿಸ್ ಅಬಬಾಗೆ ತೆರಳುತ್ತಿದ್ದ ಇಥಿಯೋಪಿಯನ್ ಏರ್‌ಲೈನ್ಸ್ ವಿಮಾನದ ಇಬ್ಬರು ನಿದ್ರೆಗೆ ಜಾರಿದ ವಿಚಿತ್ರ ಘಟನೆ ಸೋಮವಾರ ನಡೆದಿದೆ. ಇದರಿಂದ ಸಕಾಲಕ್ಕೆ ವಿಮಾನ ಲ್ಯಾಂಡ್ ಆಗಿಲ್ಲ.
ಪೈಲಟ್‌ಗಳನ್ನು ಸಂಪರ್ಕಿಸಲು ಎಟಿಸಿ ಅನೇಕ ಬಾರಿ ಪ್ರಯತ್ನ ಮಾಡಿತ್ತು. ಆದರೆ ಅದು ಸಫಲವಾಗಿರಲಿಲ್ಲ. ವಿಮಾನವು ಲ್ಯಾಂಡ್ ಆಗಬೇಕಾದ ರನ್‌ವೇಯನ್ನು ದಾಟಿ ಮುಂದೆ ಹೋದಾಗ ಆಟೋ ಪೈಲಟ್ ವ್ಯವಸ್ಥೆಯು ಕಡಿತಗೊಂಡಿದೆ. ಕೂಡಲೇ ಅದು ಎಚ್ಚರಿಕೆ ಗಂಟೆ ಮೊಳಗಿಸಿದೆ. ಇದರಿಂದ ಪೈಲಟ್‌ಗಳು ಎಚ್ಚರಗೊಂಡಿದ್ದಾರೆ.
ವಿಮಾನ ನಿಲ್ದಾಣಕ್ಕೆ ಸುತ್ತು ಹಾಕಿಸಿದ 25 ನಿಮಿಷಗಳ ಬಳಿಕ ಅವರು ರನ್‌ವೇನಲ್ಲಿ ವಿಮಾನ ಇಳಿಸಿದ್ದಾರೆ. ಅದೃಷ್ಟವಶಾತ್ ವಿಮಾನವು ಸುರಕ್ಷಿತವಾಗಿ ಕೆಳಕ್ಕಿಳಿದಿದ್ದು, ಯಾವುದೇ ಹಾನಿ ಉಂಟಾಗಿಲ್ಲ. ಈ ಬಗ್ಗೆ ತನಿಖೆಗೆ ಆದೇಶಿಸಲಾಗಿದೆ.
ಮೇ ತಿಂಗಳಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು. ನ್ಯೂಯಾರ್ಕ್‌ನಿಂದ ರೋಮ್‌ಗೆ ತೆರಳುತ್ತಿದ್ದ ವಿಮಾನವು 38,000 ಕಿಮೀ ಎತ್ತರದಲ್ಲಿದ್ದಾಗ ಇಬ್ಬರು ಪೈಲಟ್‌ಗಳು ನಿದ್ರೆಗೆ ಜಾರಿದ್ದರು. ಐಟಿಎ ಏರ್‌ವೇಸ್‌ನ ಪೈಲಟ್‌ಗಳು ಫ್ರಾನ್ಸ್ ಮೇಲೆ ವಿಮಾನ ಹಾರುವಾಗ ನಿದ್ರಿಸುತ್ತಿದ್ದರು ಎನ್ನುವುದು ತನಿಖೆ ಬಳಿಕ ಖಚಿತವಾಗಿತ್ತು.
ಪೈಲಟ್‌ಗಳನ್ನು ಸಂಪರ್ಕಿಸಲು ಎಟಿಸಿ ಅನೇಕ ಬಾರಿ ಪ್ರಯತ್ನ ಮಾಡಿತ್ತು. ಆದರೆ ಅದು ಸಫಲವಾಗಿರಲಿಲ್ಲ. ವಿಮಾನವು ಲ್ಯಾಂಡ್ ಆಗಬೇಕಾದ ರನ್‌ವೇಯನ್ನು ದಾಟಿ ಮುಂದೆ ಹೋದಾಗ ಆಟೋ ಪೈಲಟ್ ವ್ಯವಸ್ಥೆಯು ಕಡಿತಗೊಂಡಿದೆ. ಕೂಡಲೇ ಅದು ಎಚ್ಚರಿಕೆ ಗಂಟೆ ಮೊಳಗಿಸಿದೆ. ಇದರಿಂದ ಪೈಲಟ್‌ಗಳು ಎಚ್ಚರಗೊಂಡಿದ್ದಾರೆ.
ವಿಮಾನ ನಿಲ್ದಾಣಕ್ಕೆ ಸುತ್ತು ಹಾಕಿಸಿದ 25 ನಿಮಿಷಗಳ ಬಳಿಕ ಅವರು ರನ್‌ವೇನಲ್ಲಿ ವಿಮಾನ ಇಳಿಸಿದ್ದಾರೆ. ಅದೃಷ್ಟವಶಾತ್ ವಿಮಾನವು ಸುರಕ್ಷಿತವಾಗಿ ಕೆಳಕ್ಕಿಳಿದಿದ್ದು, ಯಾವುದೇ ಹಾನಿ ಉಂಟಾಗಿಲ್ಲ. ಈ ಬಗ್ಗೆ ತನಿಖೆಗೆ ಆದೇಶಿಸಲಾಗಿದೆ.
ಮೇ ತಿಂಗಳಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು. ನ್ಯೂಯಾರ್ಕ್‌ನಿಂದ ರೋಮ್‌ಗೆ ತೆರಳುತ್ತಿದ್ದ ವಿಮಾನವು 38,000 ಕಿಮೀ ಎತ್ತರದಲ್ಲಿದ್ದಾಗ ಇಬ್ಬರು ಪೈಲಟ್‌ಗಳು ನಿದ್ರೆಗೆ ಜಾರಿದ್ದರು. ಐಟಿಎ ಏರ್‌ವೇಸ್‌ನ ಪೈಲಟ್‌ಗಳು ಫ್ರಾನ್ಸ್ ಮೇಲೆ ವಿಮಾನ ಹಾರುವಾಗ ನಿದ್ರಿಸುತ್ತಿದ್ದರು ಎನ್ನುವುದು ತನಿಖೆ ಬಳಿಕ ಖಚಿತವಾಗಿತ್ತು.