ಬ್ರೆಕ್ಸಿಟ್‌ ಒಪ್ಪಂದಕ್ಕೆ ಐರೋಪ್ಯ ಒಕ್ಕೂಟದ ಮುಖ್ಯಸ್ಥರ ಸಹಿ

ಬ್ರುಸ್ಸೆಲ್ಸ್‌: ಐರೋಪ್ಯ ಒಕ್ಕೂಟ ತೊರೆಯುವ ಬ್ರಿಟನ್‌ ನಿರ್ಧಾರ 'ಬ್ರೆಕ್ಸಿಟ್‌' ವಿಧೇಯಕಕ್ಕೆ ಬ್ರಿಟನ್‌ ಸಂಸತ್ತಿನಲ್ಲಿ ಅಂತಿಮ ಅನುಮೋದನೆ ಮತ್ತು ರಾಣಿ ಎಲಿಜಬತ್‌ ಅವರಿಂದ ಅಂಕಿತ ದೊರೆತ ಬೆನ್ನಲ್ಲಿಯೇ ಐರೋಪ್ಯ ಒಕ್ಕೂಟ ಇಬ್ಬರು ಉನ್ನತ ಅಧಿಕಾರಿಗಳು ಶುಕ್ರವಾರ ಬ್ರೆಕ್ಸಿಟ್‌ ಒಪ್ಪಂದಕ್ಕೆ ತಮ್ಮ ಸಹಿ ಹಾಕಿದ್ದಾರೆ.

ಐರೋಪ್ಯ ಮಂಡಳಿ ಅಧ್ಯಕ್ಷೆ ಉರ್ಸುಲಾ ವೊನ್‌ ಡೆರ್‌ ಲಿಯೆನ್‌ ಹಾಗೂ ಐರೋಪ್ಯ ಆಯೋಗದ ಅಧ್ಯಕ್ಷ ಚಾರ್ಲ್ಸ್ ಮಿಶೆಲ್ಸ್‌ ಬ್ರೆಕ್ಸಿಟ್‌ಗೆ ಅಂಗೀಕಾರ ನೀಡಿದ್ದಾರೆ.

ಈ ಮೂಲಕ ಜ.29ರಂದು ಐರೋಪ್ಯ ಸಂಸತ್ತಿನಲ್ಲಿ ಮಂಡನೆಗೆ ಬ್ರೆಕ್ಸಿಟ್‌ ವಿಧೇಯಕ ಸಿದ್ಧಗೊಂಡಂತಾಗಿದೆ. ಮುಂದಿನ ಗುರುವಾರ ಐರೋಪ್ಯ ಒಕ್ಕೂಟದ ರಾಷ್ಟ್ರಗಳ ಪ್ರತಿನಿಧಿಗಳು ಬ್ರೆಕ್ಸಿಟ್‌ಗೆ ಲಿಖಿತ ಒಪ್ಪಿಗೆ ನೀಡಲಿದ್ದಾರೆ. ಜ.31ರ ಮಧ್ಯರಾತ್ರಿಯಿಂದ ಬ್ರಿಟನ್‌ ಅಧಿಕೃತವಾಗಿ ಐರೋಪ್ಯ ಒಕ್ಕೂಟದಿಂದ ಬೇರ್ಪಡಲಿದೆ.