ಮಂಗಳ ಗ್ರಹದಲ್ಲಿದೆ ಗಾಳಿ, ನೀರು & ಮಂಜು, ಜ್ವಾಲಾಮುಖಿಗಳು ಜೀವಂತವಿದ್ದವು!

ಮಂಗಳ ಗ್ರಹದಲ್ಲಿ ಭೂಮಿ ಮೇಲೆ ಇರುವಂತೆ ಗಾಳಿ, ನೀರು ಮತ್ತು ಮಂಜು ಇರುವಿಕೆಗೆ ಮತ್ತೊಂದು ಪುಷ್ಠಿ ಸಿಕ್ಕಿದೆ.

ಮಂಗಳ ಗ್ರಹವನ್ನು ಸುತ್ತುತ್ತಿರುವ ಯೂರೋಪಿಯನ್‌ ಸ್ಪೇಸ್‌ ಏಜೆನ್ಸಿಯ ಉಪಗ್ರಹ ಸ್ಪೇಸ್‌ ಪ್ರೋಬ್‌ ಮಾರ್ಸ್‌ ಎಕ್ಸ್‌ಪ್ರೆಸ್‌ ಕಳುಹಿಸಿದ ಚಿತ್ರದಲ್ಲಿ ಗಾಳಿ, ನೀರು ಮತ್ತು ಮಂಜಿನ ಅಂಶಗಳು ಪತ್ತೆಯಾಗಿವೆ. ಗಾಳಿಯ ಚಲನೆಯಿಂದ ಮರಳುಗಾಡಿನಲ್ಲಿ ಸೃಷ್ಟಿಯಾಗುವ ಪದರಗಳಂತೆ ಮಂಗಳ ಮೇಲ್ಮೈನಲ್ಲಿ ಸೃಷ್ಟಿಗೊಂಡಿರುವುದು ಕಲ್ಲು, ಮಣ್ಣು ಮತ್ತು ಮರಳು ಇರುವಿಕೆಗೆ ಸಾಕ್ಷಿಯಾಗಿದೆ.

ನದಿ ಮೂಲ ಪತ್ತೆಗೆ ಮಂಗಳನ ಗರ್ಭಕ್ಕೆ ಕೈ ಹಾಕಲು ಮುಂದಾದ ನಾಸಾ!

ಮಂಗಳ ಗ್ರಹವನ್ನು ಎರಡು ಭಾಗವಾಗಿ ವಿಂಗಡಿಸಬಹುದು. ಉತ್ತರ ಮತ್ತು ದಕ್ಷಿಣಾರ್ಧ ಗೋಳವಾಗಿ ನೋಡಿದರೆ ಉತ್ತರ ಭಾಗವು ಕೆಲವು ಕಿ.ಮೀ.ಗಳಷ್ಟು ಪ್ರದೇಶ ದಕ್ಷಿಣಕ್ಕಿಂತ ತಗ್ಗಾಗಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.

ಸೂರ್ಯನನ್ನು ಮುಟ್ಟುವ ಸಾಹಸಕ್ಕೆ ಮುಂದಾದ ನಾಸಾ!
ಕೆಂಪು ಗ್ರಹದ ಉತ್ತರ ಭಾಗದ ಹೆಚ್ಚಿನ ಪ್ರದೇಶ ಮೃದುವಿದೆ. ಆದರೆ ದಕ್ಷಿಣ ಭಾಗದ ಪ್ರದೇಶವು ಕುಳಿಗಳಿಂದ ಕೂಡಿದೆ ಎನ್ನುತ್ತಾರೆ ವಿಜ್ಞಾನಿಗಳು. ಪ್ರಾಚೀನ ಕಾಲದಲ್ಲಿ ಜ್ವಾಲಾಮುಖಿಗಳು ಜೀವಂತವಿರುವ ಬಗ್ಗೆಯೂ ಮಾರ್ಸ್‌ ಎಕ್ಸ್‌ಪ್ರೆಸ್‌ ಕಳುಹಿಸಿರುವ ಚಿತ್ರದಲ್ಲಿ ಕಂಡು ಬರುತ್ತಿದೆ. ಉಬ್ಬು ತಗ್ಗುಗಳು, ಕಲ್ಲುಗಳಿಂದ ತುಂಬಿದ ಇಳಿಜಾರುಗಳು ಕಂಡು ಬಂದಿರುವ ಬಗ್ಗೆ ಸಂಶೋಧಕರು ವಿವರಿಸಿದ್ದಾರೆ.

1.2 ಲಕ್ಷ ವರ್ಷಗಳಲ್ಲಿ ಈ ಪರಿ ಭೂಮಿ ಬಿಸಿಯಾಗಿರಲಿಲ್ಲ!