ಮೊದಲ ಬಾರಿಗೆ ಕ್ಯಾನ್ಸರ್ ಗಡ್ಡೆ ನಾಶಕ ವ್ಯಾಕ್ಸಿನ್ ಪ್ರಯೋಗ

ಲಂಡನ್: ಕ್ಯಾನ್ಸರ್ ಗಡ್ಡೆಗಳನ್ನು ನಾಶಪಡಿಸುವ ಹೊಸ ವ್ಯಾಕ್ಸಿನ್ ಅನ್ನು ಮೊದಲ ಬಾರಿಗೆ ಬ್ರಿಟನ್ ನ ಮಹಿಳೆಯೊಬ್ಬರಿಗೆ ನೀಡಲಾಗಿದೆ. ಈ ವ್ಯಾಕ್ಸಿನ್ ಕ್ಯಾನ್ಸರ್ ಗಡ್ಡೆ ನಾಶಪಡಿಸುವ ಜತೆಗೆ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ.

ಸೆರ್ವಿಕಲ್ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ 35 ವರ್ಷದ ಕೆಲ್ಲಿ ಪೀಟರ್ ಎಂಬವರು ಈ ವ್ಯಾಕ್ಸಿನ್ ಪಡೆದುಕೊಂಡಿರುವ ಮಹಿಳೆ.ಇವರಿಗೆ ಕ್ಯಾನ್ಸರ್ ನಾಲ್ಕನೇ ಹಂತದಲ್ಲಿದ್ದಾಗ ಇದನ್ನು ನೀಡಲಾಗಿದೆ.

ಈ ವ್ಯಾಕ್ಸಿನ್ ಪಡೆದುಕೊಂಡಲ್ಲಿ ರೋಗಿಗೆ ಕಡಿಮೆ ಪ್ರಮಾಣದಲ್ಲಿ ಕಿಮೊಥೆರಪಿ ನೀಡಿದರೆ ಸಾಕಾಗುತ್ತದೆ ಎಂಬುದು ಪ್ರಯೋಗದ ವೇಳೆ ಕಂಡುಕೊಳ್ಳಲಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.

ಲಂಡನ್ ನ ಗ್ಯುಸ್ ಆಸ್ಪತ್ರೆಯಲ್ಲಿ ಈ ಪ್ರಾಯೋಗಿಕ ಚಿಕಿತ್ಸೆ ನನ್ನ ಜೀವನವನ್ನು ಬದಲಿಸಿದೆ. ಬಹಳಷ್ಟು ಧನಾತ್ಮಕ ಅನುಭವ ನೀಡಿದೆ ಎನ್ನುತ್ತಾರೆ ಕೆಲ್ಲಿ.