ಕ್ಯಾಪಿಟಲ್ ಭವನಕ್ಕೆ ಆಗಮಿಸಿದ ಒಬಾಮ ದಂಪತಿ: ಮಾಜಿ ಅಧ್ಯಕ್ಷರಿಗೆ ಅದ್ದೂರಿ ಸ್ವಾಗತ!

ವಾಷಿಂಗ್ಟನ್: ಜೋ ಬಿಡೆನ್ ಹಾಗೂ ಕಮಲಾ ಹ್ಯಾರಿಸ್ ಪ್ರಮಾಣವಚನ ಸಮಾರಂಭಕ್ಕೆ ಕ್ಷಣಗಣನೆ ಆರಂಭವಾಗಿದ್ದು, ಈಗಾಗಲೇ ಕ್ಯಾಪಿಟಲ್ ಭವನಕ್ಕೆ ಗಣ್ಯರ ಆಗಮನವಾಗಿದೆ.

ಅದರಂತೆ ಮಾಜಿ ಅಧ್ಯಕ್ಷ ಬರಾಕ್ ಒಬಾಮ ಹಾಗೂ ಪತ್ನಿ ಮಿಶೆಲ್ ಒಬಾಮ ಕ್ಯಾಪಿಟಲ್ ಭವನಕ್ಕೆ ಆಗಮಿಸಿದ್ದು, ಮಾಜಿ ಅಧ್ಯಕ್ಷ ಹಾಗೂ ಮಾಜಿ ಪ್ರಥಮ ಮಹಿಳೆಗೆ ಅದ್ದೂರಿ ಸ್ವಾಗತ ನೀಡಲಾಗಿದೆ.

ಅಮೆರಿಕಕ್ಕೆ ಹೊಸ ದಿನ: ಜೋ ಬಿಡೆನ್, ಕಮಲಾ ಹ್ಯಾರಿಸ್ ಪದಗ್ರಹಣಕ್ಕೆ ಕ್ಷಣಗಣನೆ!

ಕ್ಯಾಪಿಟಲ್ ಭವನಕ್ಕೆ ಬಂದ ಬರಾಕ್ ಒಬಾಮ ಹಾಗೂ ಮಿಶೆಲ್ ಒಬಾಮ ಾವರಿಗೆ ಭಾರೀ ಭದ್ರತೆ ನಡುವೆ ಪದಗ್ರಹಣ ನಡೆಯುವ ಸಮಾರಂಭದತ್ತ ಕೊಂಡೊಯ್ಯಲಾಯಿತು.



ಚುನಾವಣೆಯುದ್ದಕ್ಕೂ ಜೋ ಬಿಡೆನ್ ಹಾಗೂ ಕಮಲಾ ಹ್ಯಾರಿಸ್ ಪರ ಪ್ರಚಾರ ನಡೆಸಿದ್ದ ಒಬಾಮ, ಡೊನಾಲ್ಡ್ ಟ್ರಂಪ್ ವಿರುದ್ಧದ ಚುನಾವಣಾ ಪ್ರಚಾರದ ನೇತೃತ್ವವಹಿಸಿದ್ದರು.

ಬಿಡೆನ್‌ ಪದಗ್ರಹಣಕ್ಕೆ ಕ್ಷಣಗಣನೆ; ವಾಷಿಂಗ್ಟನ್‌ನಲ್ಲಿ ಅಫ್ಘಾನಿಸ್ತಾನ, ಇರಾಕ್‌ಗಿಂತಲೂ ಹೆಚ್ಚಿನ ಸೇನೆ ಜಮಾವಣೆ

ಬರಾಕ್ ಒಬಾಮ ಅಮೆರಿಕದ ಅಧ್ಯಕ್ಷರಾಗಿದ್ದಾಗ ಜೋ ಬಿಡೆನ್ ಉಪಾಧ್ಯಕ್ಷರಾಗಿದ್ದರು. ಇವರಿಬ್ಬರ ನಡುವಿನ ಸ್ನೇಹ ಅತ್ಯಂತಗ ಗಾಢವಾಗಿದ್ದು, ಬಿಡೆನ್ ಅಧ್ಯಕ್ಷರಾಗಿ ಆಯ್ಕೆಯಾಗುವಲ್ಲಿ ಒಬಾಮಾ ಪಾತ್ರ ಕೂಡ ಅತ್ಯಂತ ಪ್ರಮುಖವಾದುದು ಎಂಬುದು ವಿಶೇಷ.