ವಾಣಿಜ್ಯ ಸಂಘರ್ಷದಿಂದ ಯುದ್ಧ ಭೀತಿ, ನಡೆದರೆ ಮಹಾಯುದ್ಧಕ್ಕಿಂತಲೂ ಭೀಕರ

ಬೀಜಿಂಗ್‌: ಅಮೆರಿಕ-ಚೀನಾದ ವಾಣಿಜ್ಯ ಸಮರ ನಿಜವಾದ ಯುದ್ಧಕ್ಕೇ ಕಾರಣವಾಗುವ ಸಾಧ್ಯತೆ ಇದೆ ಎಂದು ಅಮೆರಿಕದ ಮಾಜಿ ವಿದೇಶಾಂಗ ಸಚಿವ ಹೆನ್ರಿ ಕಿಸ್ಸಿಂಜರ್‌ (96) ಆತಂಕ ವ್ಯಕ್ತಪಡಿಸಿದ್ದಾರೆ.

ಉಭಯ ರಾಷ್ಟ್ರಗಳ ಶೀತಲ ಸಮರ ತೀವ್ರವಾಗಿದ್ದು, ಬಗೆಹರಿಯದಿದ್ದರೆ ಮೊದಲ ಜಾಗತಿಕ ಯುದ್ಧಕ್ಕಿಂತಲೂ ಭೀಕರ ಸಶಸ್ತ್ರ ಸಂಘರ್ಷಕ್ಕೆ ಕಾರಣವಾದೀತು ಎಂದು ಎಚ್ಚರಿಸಿದ್ದಾರೆ.

ಮೊದಲ ಮಹಾ ಯುದ್ಧ ಕೂಡ ಸಣ್ಣ ಪುಟ್ಟ ವೈಮನಸ್ಯಗಳಿಂದಲೇ ಶುರು­ವಾಯಿತು. ಮಾತ್ರವಲ್ಲದೆ ಈಗಿನ ಮಾರಕಾಸ್ತ್ರ­ಗಳು ಬಹಳ ಶಕ್ತಿಶಾಲಿಯಾಗಿವೆ. ಹೀಗಾಗಿ ಮಾತುಕತೆಯ ಮೂಲಕ ಬಿಕ್ಕಟ್ಟು ಬಗೆಹರಿಸಲು ಉಭಯ ರಾಷ್ಟ್ರಗಳು ವಿಳಂಬ ಮಾಡಬಾರದು ಎಂದು ಕಿಸ್ಸಿಂಜರ್‌ ಒತ್ತಾಯಿಸಿದ್ದಾರೆ.

ಚೀನಾ ಮನ ಗೆದ್ದ ಭಾರತ: ವಾಣಿಜ್ಯ ಸಮರ, ಗಡಿ ಗಲಾಟೆ ಮೀರಿ ನಿಲ್ಲಲಿದೆ ಬಾಂಧವ್ಯ

ಅಮೆರಿಕ ಅಧ್ಯಕ್ಷ ನಿಕ್ಸನ್‌ ಅವಧಿಯಲ್ಲಿ ಕಿಸ್ಸಿಂಜರ್‌ ವಿದೇಶಾಂಗ ಸಚಿವರಾಗಿದ್ದರು. 1971ರಲ್ಲಿಅಮೆರಿಕ-ಚೀನಾ ವ್ಯಾಪಾರ ಮಾತುಕತೆಯಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.