ರಷ್ಯನ್ ಲಸಿಕೆಯ ಗುಣಮಟ್ಟದ ಮೇಲೆ ಜರ್ಮನಿ ಅನುಮಾನ: ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದ್ದೇನು?

ಬರ್ಲಿನ್: ವಿಶ್ವದ ಮೊದಲ ಕೊರೊನಾ ಲಸಿಕೆಗೆ ಅನುಮತಿ ನೀಡಿರುವ ರಷ್ಯಾ, ಸ್ಪುಟ್ನಿಕ್‌ V ಲಸಿಕೆಯ ಬಳಕೆಗೆ ಚಾಲನೆ ನೀಡಿದೆ. ರಷ್ಯಾದ ಕೊರೊನಾ ಲಸಿಕೆ ಇಡೀ ಜಗತ್ತಿನ ಗಮನ ಸೆಳೆದಿದೆ.

ಆದರೆ ರಷ್ಯಾ ಲಸಿಕೆಯ ಗುಣಮಟ್ಟದ ಮೇಲೆ ಅನುಮಾನ ವ್ಯಕ್ತಪಡಿಸಿರುವ ಜರ್ಮನಿ, ಮಾನವ ಪ್ರಯೋಗದ ಸೂಕ್ತ ದಾಖಲೆಗಳಿಲ್ಲದೇ ಈ ಲಸಿಕೆಯನ್ನು ಬಳಸುವುದು ಹೇಗೆ ಎಂದು ಪ್ರಶ್ನಿಸಿದೆ.

ಕೊರೊನಾ ಲಸಿಕೆ ಬಳಕೆಗೆ ಅನುಮತಿ ನೀಡಿದ ರಷ್ಯಾ - ಪುಟಿನ್‌ ಮಹತ್ವದ‌ ಘೋಷಣೆ

ಈ ಕುರಿತು ಮಾತನಾಡಿರುವ ಜರ್ಮನಿ ಆರೋಗ್ಯ ಇಲಾಖೆ ವಕ್ತಾರ, ಕೊರೊನಾ ಸೋಂಕಿತನ ರಕ್ಷಣೆ ಅತ್ಯಂತ ಮುಖ್ಯವಾಗಿದ್ದು, ರಷ್ಯಾ ಅಭಿವೃದ್ಧಿಪಡಿಸಿರುಚವ ಲಸಿಕೆಯ ಮಾನವ ಪ್ರಯೋಗದ ಯಾವುದೇ ದಾಖಲೆಗಳಿಲ್ಲದಿರುವುದು ಅನುಮಾನ ಮೂಡಿಸಿದೆ ಎಂದು ಹೇಳಿದ್ದಾರೆ.

ರಷ್ಯಾ ಟ್ನಿಕ್‌ V ಲಸಿಕೆಗೆ ಅನುಮತಿ ನೀಡುವುದಕ್ಕೂ ಮೊದಲು ಅದರ ಸುರಕ್ಷತೆ ಹಾಗೂ ಗುಣಮಟ್ಟ ಪರೀಕ್ಷೆ ಹಾಗೂ ಮಾನವ ಪ್ರಯೋಗದ ಕುರಿತಾದ ಯಾವುದೇ ದಾಖಲೆಗಳನ್ನು ಬಿಡುಗಡೆ ಮಾಡಿಲ್ಲ ಎಂದು ಜರ್ಮಿ ಹೇಳಿದೆ.

ರಷ್ಯಾ ಅಧ್ಯಕ್ಷ ಪುಟಿನ್‌ ಮಗಳಿಗೆ ಜಗತ್ತಿನ ಮೊದಲ ಯಶಸ್ವಿ ಕೊರೊನಾ ಲಸಿಕೆ ಪ್ರಯೋಗ

ರಷ್ಯಾ ಲಸಿಕೆಯ ಗುಣಮಟ್ಟ ಹಾಗೂ ರೋಗಿಯ ಭದ್ರತೆ ಕುರಿತು ಗೊಂದಲಗಳಿದ್ದು, ಈ ಎಲ್ಲಾ ಗೊಂದಲಗಳನ್ನು ರಷ್ಯಾ ಬಗೆಹರಿಸಬೇಕು ಎಂದು ಜರ್ಮನಿ ಒತ್ತಾಯಿಸಿದೆ.


WHO ಹೇಳಿಕೆ ಏನು?:
ಇನ್ನು ರಷ್ಯಾ ಲಸಿಕೆಯ ಕುರಿತು ಪ್ರತಿಕ್ರಿಯೆ ನೀಡಿರುವ ವಿಶ್ವ ಆರೋಗ್ಯ ಸಂಸ್ಥೆ(WHO), ಈ ಕುರಿತು ರಷ್ಯಾ ಜೊತೆ ಮಾತನಾಡುತ್ತಿರುವುದಾಗಿ ಸ್ಪಷ್ಟಪಡಿಸಿದೆ.

ರಷ್ಯಾದ ಕೊರೊನಾ ಲಸಿಕೆಗೆ ವ್ಯಾಪಕ ಬೇಡಿಕೆ..! ಮೊದಲ ದಿನವೇ 20 ದೇಶಗಳಿಂದ ಔಷಧಿ ಖರೀದಿಗೆ ಆಸಕ್ತಿ

ಕೊರೊನಾ ಲಸಿಕೆಗೆ ಪೂರ್ವಾನುಮತಿ ನೀಡಬೇಕಿದ್ದು, ಈ ನಿಟ್ಟಿನಲ್ಲಿ ರಷ್ಯಾ ಜೊತೆ ಮಾತುಕತೆಯಲ್ಲಿ ನಿರತವಾಗಿರುವುದಾಗಿ WHO ಹೇಳಿದೆ. ಅಲ್ಲದೇ ಲಸಿಕೆಯ ಸುರಕ್ಷತೆ ಹಾಗೂ ಪರಿಣಾಮಕಾರಿತ್ವದ ದಾಖಲೆಗಳನ್ನು ಒದಗಿಸುವಂತೆ ರಷ್ಯಾವನ್ನು ಕೋರಲಾಗಿದೆ ಎಂದೂ WHO ಸ್ಪಷ್ಟಪಡಿಸಿದೆ.