ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ: ಗೂಗಲ್ ಡೂಡಲ್ ವಿಶಿಷ್ಟ ಗೌರವ

ನವದೆಹಲಿ: ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ವಿಶ್ವದಾದ್ಯಂತ ಇರುವ ಮಹಿಳೆಯರಿಗೆ ಗೂಗಲ್ ಡೂಡಲ್ ವಿಶಿಷ್ಟ ಗೌರವ ಸಲ್ಲಿಸಿದೆ.

ಸರ್ಚ್ ಎಂಜಿನ್ ದೈತ್ಯ ಗೂಗಲ್ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಗೆ ವಿಶೇಷವಾದ ಡೂಡಲ್ ಮತ್ತು ಅನಿಮೇಟೆಡ್ ವಿಡಿಯೋ ಮೂಲಕ ವಿಶೇಷ ಗೌರವ ಸಲ್ಲಿಸಿದೆ.

ಈ ಅನಿಮೇಟೆಡ್ ಡೂಡಲ್ ಮಹಿಳಾ ದಿನದ ಇತಿಹಾಸ ಪ್ರತಿನಿಧಿಸುವುದಲ್ಲದೇ, ಹಲವು ತಲೆಮಾರಿನ ಮಹಿಳೆಯರಿಗೆ ಪ್ರಾಮುಖ್ಯತೆ ನೀಡಿರುವುದು ವಿಶೇಷ.


ಗೂಗಲ್ ಡೂಡಲ್‌ಲ್ಲಿರುವ ಕಪ್ಪು-ಬಿಳುಪು ಪದರ 1800-1930 ರವರೆಗೆ ನಡೆದ ಕಾರ್ಮಿಕ ಚಳುವಳಿಗಳನ್ನು ನಡೆಸಿದ ಮಹಿಳೆಯರ ಕುರಿತು ಮಾಹಿತಿ ನೀಡಲಾಗಿದೆ. ಎರಡನೆಯ ಪದರ 1950-1980 ರವರೆಗಿನ ಮಹಿಳೆಯರ ಸಾಧನೆಯ ಪರಿಚಯ ಮಾಡಿಕೊಟ್ಟಿದೆ.

ಮಹಿಳಾ ದಿನಕ್ಕೆ ಮೋದಿ ಸೈನ್‌ಆಫ್‌ ಗಿಫ್ಟ್‌, 7 ಸಾಧಕಿಯರಿಂದ ಪ್ರಧಾನಿಯ ಟ್ವಿಟ್ಟರ್‌ ನಿರ್ವಹಣೆ

ಈ ಡೂಡಲ್ ಮತ್ತು ಅನಿಮೇಷನ್‌ನ್ನು ನ್ಯೂಯಾರ್ಕ್ ಮತ್ತು ಲಂಡನ್ ಮೂಲದ ಅತಿಥಿ ಕಲಾವಿದರಾದ ಜೂಲಿ ವಿಲ್ಕಿನ್ಸನ್ ಮತ್ತು ಮೇಕೆರಿ ಸ್ಟುಡಿಯೋದ ಜೊಯಾನ್ನೆ ಹಾರ್ಸ್ಕ್ರಾಫ್ಟ್ ಮತ್ತು ಜುರಿಚ್ ಮೂಲದ ಅತಿಥಿ ಆನಿಮೇಟರ್‌ಗಳಾದ ಮರಿಯನ್ ವಿಲ್ಲಮ್ ಮತ್ತು ಡ್ರಾಸ್ಟಿಕ್ ಡಾಫ್ನೆ ಹಾಗೂ ಅಬೆರ್ ಹಾಲ್ಡೆನ್ ರಚಿಸಿದ್ದಾರೆ.