ಬಾಗ್ದಾದ್‌: ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಏಳು ಮುಸ್ಲಿಂ ರಾಷ್ಟ್ರಗಳಿಗೆ ವಿಧಿಸಿರುವ ವಲಸೆ ನಿರ್ಬಂಧ ಆದೇಶವನ್ನು ಮರುಪರಿಶೀಲಿಸುವಂತೆ ಇರಾಕ್, ಅಮೆರಿಕಕ್ಕೆ ಮನವಿ ಮಾಡಿದೆ.
ಅಮೆರಿಕದ ಹೊಸ ಆಡಳಿತ ಕೈಗೊಂಡಿರುವ ತಪ್ಪು ನಿರ್ಧಾರವನ್ನು ಹಿಂಪಡೆಯದಿದ್ದರೆ ಅಮೆರಿಕದ ಪ್ರವಾಸಿಗರು ಮತ್ತು ನಿರಾಶ್ರಿತರಿಗೂ ನಿರ್ಬಂಧ ಹಾಕುವಂತೆ ಒತ್ತಾಯಿಸಿ, ಇರಾಕ್ ಸಂಸತ್ತಿನಲ್ಲಿ ಮತದಾನ ನಡೆದಿರುವ ಹಿನ್ನೆಲೆಯಲ್ಲಿ ಇರಾಕ್ ಸರಕಾರದ ವಿದೇಶಾಂಗ ಸಚಿವಾಲಯ ಅಮೆರಿಕಕ್ಕೆ ಈ ಕರೆ ನೀಡಿದೆ.
ಟ್ರಂಪ್‌ ಅವರು ತಮ್ಮ ವಲಸೆ ನಿರ್ಬಂಧ ಆದೇಶವನ್ನು ಮರುಪರಿಶೀಲಿಸುವ ಅಗತ್ಯವಿದೆ ಎಂದು ಇರಾಕ್ ವಿದೇಶಾಂಗ ಸಚಿವಾಲಯ, ಹೇಳಿಕೆಯಲ್ಲಿ ತಿಳಿಸಿದೆ.
ಕಾರ್ಯತಂತ್ರ ಪಾಲುದಾರಿಕೆ ಮತ್ತು ಸಂಬಂಧ ಹೊಂದಿರುವ ಮೈತ್ರಿ ರಾಷ್ಟ್ರ ಇರಾಕ್ ವಿರುದ್ಧವೇ ಅಮೆರಿಕ ನಿರ್ಬಂಧ ಹಾಕಿರುವುದು ದುರದೃಷ್ಟಕರ ಎಂದು ಅದು ತಿಳಿಸಿದೆ.
ಈ ಮಧ್ಯೆ, ಅಮೆರಿಕದ ಪ್ರವಾಸಿಗರಿಗೆ ಇರಾಕ್ ಪ್ರವೇಶ ನಿರ್ಬಂಧಿಸಬೇಕೆಂದು ಇರಾಕ್ ಸರಕಾರಕ್ಕೆ ಕರೆ ನೀಡುವ ಪ್ರಸ್ತಾವನೆಗೆ ಅಲ್ಲಿನ ಜನಪ್ರತಿನಿಧಿಗಳು ಸೋಮವಾರ ಸಂಸತ್ತಿನಲ್ಲಿ ಮತದಾನ ಮಾಡಿದರು.
ಅಮೆರಿಕ ಸರಕಾರ ಇರಾಕ್ ಪ್ರವಾಸಿಗರಿಗೆ ವಿಧಿಸಿರುವ ನಿರ್ಬಂಧ ಆದೇಶವನ್ನು ವಾಪಸ್‌ ಪಡೆಯುವ ತನಕ ಅಮೆರಿಕ ಪ್ರವಾಸಿಗರಿಗೂ ಇರಾಕ್ ಪ್ರವೇಶ ನಿಷೇಧ ಜಾರಿಗೊಳಿಸಬೇಕು ಎಂಬುದು ಬಹುಸಂಖ್ಯಾತ ಇರಾಕ್ ಸಂಸತ್ತಿನ ಪ್ರತಿನಿಧಿಗಳ ಒತ್ತಾಯವಾಗಿದೆ. ಟ್ರಂಪ್‌ ಆದೇಶಕ್ಕೆ ತಕ್ಕ ಪ್ರತ್ಯುತ್ತರ ನೀಡುವುದು ಅವರ ಉದ್ದೇಶವಾಗಿದೆ.
ಸಂಸತ್ತಿನ ಬಹುಪಾಲು ಸದಸ್ಯರು ಅಮೆರಿಕಕ್ಕೆ ನಿಷೇಧ ಹೇರಲು ಸರಕಾರವನ್ನು ಒತ್ತಾಯಿಸುವ ಪರವಾಗಿ ಮತದಾನ ಮಾಡಿದ್ದಾರೆ. ಅಮೆರಿಕದ ಆದೇಶದ ರೀತಿಯಲ್ಲೇ ಬದಲಿ ಆದೇಶ ಹೊರಡಿಸಲು ಇರಾಕ್ ವಿದೇಶಾಂಗ ಸಚಿವರು ಕ್ರಮ ಕೈಗೊಳ್ಳಬೇಕು ಎಂದು ಸಂಸದ ಹಕಿಮ್‌ ಅಲ್‌-ಝಮಿಲಿ ಒತ್ತಾಯಿಸಿದ್ದಾರೆ.
ಅಮೆರಿಕ ಆದೇಶಕ್ಕೆ ಪ್ರತಿಯಾಗಿ ತಕ್ಕ ಪ್ರತ್ಯುತ್ತರ ನೀಡುವ ಆದೇಶ ಜಾರಿಗೊಳಿಸುವಂತೆ ಸರಕಾರಕ್ಕೆ ಕರೆ ನೀಡಲು ಮತದಾನ ನಡೆದಿದೆ ಎಂದು ಮತ್ತೊಬ್ಬ ಸಂಸದ ಸಾದಿಖ್‌ ಅಲ್‌-ಲಬನ್‌ ದೃಢಪಡಿಸಿದ್ದಾರೆ.
ಅಮೆರಿಕಕ್ಕೆ ನಿರ್ಬಂಧ: ಸಜ್ಜಾಗುತ್ತಿದೆ ಇರಾಕ್
ಬಾಗ್ದಾದ್‌: ಏಳು ಮುಸ್ಲಿಂ ರಾಷ್ಟ್ರಗಳ ಪ್ರವಾಸಿಗರು ಮತ್ತು ನಿರಾಶ್ರಿತರ ಅಮೆರಿಕ ಪ್ರವೇಶಕ್ಕೆ ನಿರ್ಬಂಧ ವಿಧಿಸಿ ಆದೇಶ ಹೊರಡಿಸಿದ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಕ್ರಮಕ್ಕೆ ಇರಾಕ್, ಕೇವಲ ಎರಡೇ ದಿನಗಳಲ್ಲಿ ತಿರುಗೇಟು ನೀಡಲು ಸಿದ್ಧವಾಗುತ್ತಿದೆ.
ಅಮೆರಿಕದ ಪ್ರವಾಸಿಗರಿಗೆ ಇರಾಕ್ ಪ್ರವೇಶ ನಿರ್ಬಂಧಿಸಬೇಕೆಂದು ಇರಾಕ್ ಸರಕಾರಕ್ಕೆ ಕರೆ ನೀಡುವ ಪ್ರಸ್ತಾವನೆಗೆ ಅಲ್ಲಿನ ಜನಪ್ರತಿನಿಧಿಗಳು ಸೋಮವಾರ ಸಂಸತ್ತಿನಲ್ಲಿ ಮತದಾನ ಮಾಡಿದರು.
ಅಮೆರಿಕ ಸರಕಾರ ಇರಾಕ್ ಪ್ರವಾಸಿಗರಿಗೆ ವಿಧಿಸಿರುವ ನಿರ್ಬಂಧ ಆದೇಶವನ್ನು ವಾಪಸ್‌ ಪಡೆಯುವ ತನಕ ಅಮೆರಿಕ ಪ್ರವಾಸಿಗರಿಗೂ ಇರಾಕ್ ಪ್ರವೇಶ ನಿಷೇಧ ಜಾರಿಗೊಳಿಸಬೇಕು ಎಂಬುದು ಬಹುಸಂಖ್ಯಾತ ಇರಾಕ್ ಸಂಸತ್ತಿನ ಪ್ರತಿನಿಧಿಗಳ ಒತ್ತಾಯವಾಗಿದೆ. ಟ್ರಂಪ್‌ ಆದೇಶಕ್ಕೆ ತಕ್ಕ ಪ್ರತ್ಯುತ್ತರ ನೀಡುವುದು ಅವರ ಉದ್ದೇಶವಾಗಿದೆ.
ಸಂಸತ್ತಿನ ಬಹುಪಾಲು ಸದಸ್ಯರು ಅಮೆರಿಕಕ್ಕೆ ನಿಷೇಧ ಹೇರಲು ಸರಕಾರವನ್ನು ಒತ್ತಾಯಿಸುವ ಪರವಾಗಿ ಮತದಾನ ಮಾಡಿದ್ದಾರೆ. ಅಮೆರಿಕದ ಆದೇಶದ ರೀತಿಯಲ್ಲೇ ಬದಲಿ ಆದೇಶ ಹೊರಡಿಸಲು ಇರಾಕ್ ವಿದೇಶಾಂಗ ಸಚಿವರು ಕ್ರಮ ಕೈಗೊಳ್ಳಬೇಕು ಎಂದು ಸಂಸದ ಹಕಿಮ್‌ ಅಲ್‌-ಝಮಿಲಿ ಒತ್ತಾಯಿಸಿದ್ದಾರೆ.
ಅಮೆರಿಕ ಆದೇಶಕ್ಕೆ ಪ್ರತಿಯಾಗಿ ತಕ್ಕ ಪ್ರತ್ಯುತ್ತರ ನೀಡುವ ಆದೇಶ ಜಾರಿಗೊಳಿಸುವಂತೆ ಸರಕಾರಕ್ಕೆ ಕರೆ ನೀಡಲು ಮತದಾನ ನಡೆದಿದೆ ಎಂದು ಮತ್ತೊಬ್ಬ ಸಂಸದ ಸಾದಿಖ್‌ ಅಲ್‌-ಲಬನ್‌ ದೃಢಪಡಿಸಿದ್ದಾರೆ.
ಸೌದಿ ದೊರೆಯ ಸ್ಪಂದನೆ
ವಾಷಿಂಗ್ಟನ್‌: ಯುದ್ಧಪೀಡಿತ ಸಿರಿಯಾ ಮತ್ತು ಯೆಮೆನ್‌ ರಾಷ್ಟ್ರಗಳಲ್ಲಿನ ಸುರಕ್ಷತಾ ವಲಯಗಳನ್ನು ಬೆಂಬಲಿಸಬೇಕೆಂಬ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಮನವಿಗೆ ಸೌದಿ ಅರೇಬಿಯಾ ದೊರೆ ಸಲ್ಮಾನ್‌ ಸ್ಪಂದಿಸಿದ್ದಾರೆ.
ಟ್ರಂಪ್‌ ಮತ್ತು ಸಲ್ಮಾನ್‌ ಅವರು ಭಾನುವಾರ ದೂರವಾಣಿಯಲ್ಲಿ ನಡೆಸಿದ ಚೊಚ್ಚಲ ಮಾತುಕತೆ ಸಂದರ್ಭದಲ್ಲಿ ದ್ವಿಪಕ್ಷೀಯ ಸಹಕಾರ ಬಲವರ್ಧನೆಗೆ ಉಭಯ ನಾಯಕರು ಸಮ್ಮತಿ ಸೂಚಿಸಿದ್ದಾರೆ ಎಂದು ಶ್ವೇತಭವನ ಹೇಳಿಕೆ ನೀಡಿದೆ.