ಲಾಹೋರ್: ಪಾಕಿಸ್ತಾನದಲ್ಲಿ ಸರ್ಕಾರದ ಬದಲಾದರೂ ಪರಿಸ್ಥಿತಿ ಬದಲಾಗಿಲ್ಲ. ಪಾಕಿಸ್ತಾನದ ಪಂಜಾಬ್ ವಿಧಾನಸಭೆಯಲ್ಲಿ ಶನಿವಾರ ಭಾರಿ ಗದ್ದಲ ನಡೆದಿದೆ. ಪ್ರಾಂತ್ಯದ ನೂತನ ಮುಖ್ಯಮಂತ್ರಿ ಆಯ್ಕೆಯ ಪ್ರಕ್ರಿಯೆಗಾಗಿ ಕರೆಯಲಾಗಿದ್ದ ಮಹತ್ವದ ಕಲಾಪದ ಅಧ್ಯಕ್ಷತೆ ವಹಿಸಲು ಆಗಮಿಸಿದ್ದ ಉಪ ಸಭಾಪತಿ ದೋಸ್ತ್ ಮುಹಮ್ಮದ್ ಮಜಾರಿ ಅವರ ಮೇಲೆ ಆಡಳಿತಾರೂಢ ಪಾಕಿಸ್ತಾನ್ ತೆಹ್ರೀಕ್ ಇ ಇನ್ಸಾಫ್ (ಪಿಟಿಐ) ಪಕ್ಷದ ಶಾಸಕರು ಹಲ್ಲೆ ನಡೆಸಿದ್ದಾರೆ.
ಪಕ್ಷದಿಂದ ದೂರ ಸರಿದ ಮತ್ತು ವಿರೋಧ ಪಕ್ಷಗಳಿಗೆ ಬೆಂಬಲ ನೀಡಲು ನಿರ್ಧರಿಸಿದ ಅತೃಪ್ತ ಶಾಸಕರ ವಿರುದ್ಧ ಪಿಟಿಐ ಸದಸ್ಯರು ಕಿಡಿಕಾರಿದರು. ಮುಖ್ಯಮಂತ್ರಿ ಚುನಾವಣೆಯಲ್ಲಿ ಮತ ಚಲಾಯಿಸಲು 24 ಪಕ್ಷಾಂತರಿ ಸದಸ್ಯರಿಗೆ ಅವಕಾಶ ನೀಡುವುದಿಲ್ಲ ಎಂದು ಅವರು ಹೇಳಿದರು.
ಪಂಜಾಬ್ ಪ್ರಾಂತ್ಯಕ್ಕೆ ಮುಖ್ಯಮಂತ್ರಿ ಆಯ್ಕೆಗೆ ಕಠಿಣ ಪೈಪೋಟಿ ನಡೆದಿದೆ. ಹಮ್ಜಾ ಶಹಬಾಜ್ ಮತ್ತು ಪರ್ವೇಜ್ ಎಲಾಹಿ ನಡುವೆ ಸ್ಪರ್ಧೆ ಇದೆ. ಇತ್ತೀಚೆಗಷ್ಟೇ ಪ್ರಧಾನಿಯಾಗಿ ಆಯ್ಕೆಯಾದ ಶೆಹಬಾಜ್ ಷರೀಫ್ ಅವರ ಮಗ ಹಮ್ಜಾ, ಪಾಕಿಸ್ತಾನ್ ಮುಸ್ಲಿಂ ಲೀಗ್- ನವಾಜ್ (ಪಿಎಂಎಲ್-ಎನ್) ಹಾಗೂ ಇತರೆ ಮಿತ್ರ ಪಕ್ಷಗಳ ಜಂಟಿ ಅಭ್ಯರ್ಥಿಯಾಗಿದ್ದಾರೆ. ಪಿಎಂಎಲ್- ಕ್ಯೂ ಪಕ್ಷದ ಎಲಾಹಿ ಅವರಿಗೆ ಇಮ್ರಾನ್ ಖಾನ್ ಅವರ ಪಿಟಿಐ ಬೆಂಬಲವಿದೆ.
ಪಕ್ಷದ ವಿರುದ್ಧವೇ ಬಂಡಾಯವೆದ್ದಿರುವ ಪಿಟಿಐ ಸದಸ್ಯರಿಗೆ ಮತದಾನಕ್ಕೆ ಅವಕಾಶ ಸಿಕ್ಕರೆ, ಹಮ್ಜಾ ಸಿಎಂ ಆಗಿ ಆಯ್ಕೆಯಾಗುವುದು ಖಚಿತವಾಗಲಿದೆ.
ಪರಿಸ್ಥಿತಿ ಕೈಮೀರಿ ಹೋಗುತ್ತಿರುವಂತೆ ವಿಧಾನಸಭೆಯ ಹೊರಗೆ ನಿಯೋಜಿತರಾಗಿದ್ದ ಪೊಲೀಸರು ಸದನದ ಒಳಗೆ ಪ್ರವೇಶಿಸಿದರು. ಎಲಾಹಿ ಮತ್ತು ಇತರೆ ಸದಸ್ಯರು ಇದಕ್ಕೆ ವಿರೋಧ ವ್ಯಕ್ತಪಡಿಸಿ ಪ್ರತಿಭಟಿಸಿದರು. ಇದು ಸದನದ ಪಾವಿತ್ರ್ಯಕ್ಕೆ ಧಕ್ಕೆ ತರಲಿದೆ ಎಂದು ಆರೋಪಿಸಿದರು.
"ಪಾಕಿಸ್ತಾನದ ಇತಿಹಾಸದಲ್ಲಿ ಪೊಲೀಸರು ಎಂದಿಗೂ ಪಂಜಾಬ್ ವಿಧಾನಸಭೆಯನ್ನು ಪ್ರವೇಶಿಸಿರಲಿಲ್ಲ. ನಾವು ಪಂಜಾಬ್ ಪೊಲೀಸ್ ಮಹಾನಿರ್ದೇಶಕರಿಗೆ ಸಮನ್ ನೀಡುತ್ತೇವೆ ಮತ್ತು ಕಾನೂನಿನ ಅಡಿ ಅವರನ್ನು ಒಂದು ತಿಂಗಳು ಶಿಕ್ಷಿಸುತ್ತೇವೆ" ಎಂದು ಎಲಾಹಿ ಹೇಳಿದರು.
371 ಸದಸ್ಯರ ಪಂಜಾಬ್ ವಿಧಾನಸಭೆಯಲ್ಲಿ ಮುಖ್ಯಮಂತ್ರಿಯಾಗಲು ಅಭ್ಯರ್ಥಿಗೆ 186 ಮತಗಳ ಅಗತ್ಯವಿದೆ. ಶನಿವಾರ ಮುಕ್ತ ಮತ್ತು ನ್ಯಾಯೋಚಿತವಾಗಿ ಚುನಾವಣೆ ನಡೆಸುವಂತೆ ಉಪ ಸಭಾಧ್ಯಕ್ಷರಿಗೆ ಲಾಹೋರ್ ಹೈಕೋರ್ಟ್ ಶುಕ್ರವಾರ ಸೂಚನೆ ನೀಡಿತ್ತು. ಸದನದಲ್ಲಿ ಪಿಟಿಐ 183 ಶಾಸಕರು, ಅದರ ಮಿತ್ರ ಪಕ್ಷ ಪಿಎಂಎಲ್-ಕ್ಯೂ 10 ಶಾಸಕರನ್ನು ಹೊಂದಿವೆ. ಪಿಎಂಎಲ್-ಎನ್ 165, ಪಿಪಿಪಿ 7, ರಹ್-ಇ- ಹಕ್ 1 ಮತ್ತು ಪಕ್ಷೇತರರು 7 ಮಂದಿ ಸದಸ್ಯರು ಇದ್ದಾರೆ.
ಪಕ್ಷದಿಂದ ದೂರ ಸರಿದ ಮತ್ತು ವಿರೋಧ ಪಕ್ಷಗಳಿಗೆ ಬೆಂಬಲ ನೀಡಲು ನಿರ್ಧರಿಸಿದ ಅತೃಪ್ತ ಶಾಸಕರ ವಿರುದ್ಧ ಪಿಟಿಐ ಸದಸ್ಯರು ಕಿಡಿಕಾರಿದರು. ಮುಖ್ಯಮಂತ್ರಿ ಚುನಾವಣೆಯಲ್ಲಿ ಮತ ಚಲಾಯಿಸಲು 24 ಪಕ್ಷಾಂತರಿ ಸದಸ್ಯರಿಗೆ ಅವಕಾಶ ನೀಡುವುದಿಲ್ಲ ಎಂದು ಅವರು ಹೇಳಿದರು.
ಪಂಜಾಬ್ ಪ್ರಾಂತ್ಯಕ್ಕೆ ಮುಖ್ಯಮಂತ್ರಿ ಆಯ್ಕೆಗೆ ಕಠಿಣ ಪೈಪೋಟಿ ನಡೆದಿದೆ. ಹಮ್ಜಾ ಶಹಬಾಜ್ ಮತ್ತು ಪರ್ವೇಜ್ ಎಲಾಹಿ ನಡುವೆ ಸ್ಪರ್ಧೆ ಇದೆ. ಇತ್ತೀಚೆಗಷ್ಟೇ ಪ್ರಧಾನಿಯಾಗಿ ಆಯ್ಕೆಯಾದ ಶೆಹಬಾಜ್ ಷರೀಫ್ ಅವರ ಮಗ ಹಮ್ಜಾ, ಪಾಕಿಸ್ತಾನ್ ಮುಸ್ಲಿಂ ಲೀಗ್- ನವಾಜ್ (ಪಿಎಂಎಲ್-ಎನ್) ಹಾಗೂ ಇತರೆ ಮಿತ್ರ ಪಕ್ಷಗಳ ಜಂಟಿ ಅಭ್ಯರ್ಥಿಯಾಗಿದ್ದಾರೆ. ಪಿಎಂಎಲ್- ಕ್ಯೂ ಪಕ್ಷದ ಎಲಾಹಿ ಅವರಿಗೆ ಇಮ್ರಾನ್ ಖಾನ್ ಅವರ ಪಿಟಿಐ ಬೆಂಬಲವಿದೆ.
ಪಕ್ಷದ ವಿರುದ್ಧವೇ ಬಂಡಾಯವೆದ್ದಿರುವ ಪಿಟಿಐ ಸದಸ್ಯರಿಗೆ ಮತದಾನಕ್ಕೆ ಅವಕಾಶ ಸಿಕ್ಕರೆ, ಹಮ್ಜಾ ಸಿಎಂ ಆಗಿ ಆಯ್ಕೆಯಾಗುವುದು ಖಚಿತವಾಗಲಿದೆ.
ಪರಿಸ್ಥಿತಿ ಕೈಮೀರಿ ಹೋಗುತ್ತಿರುವಂತೆ ವಿಧಾನಸಭೆಯ ಹೊರಗೆ ನಿಯೋಜಿತರಾಗಿದ್ದ ಪೊಲೀಸರು ಸದನದ ಒಳಗೆ ಪ್ರವೇಶಿಸಿದರು. ಎಲಾಹಿ ಮತ್ತು ಇತರೆ ಸದಸ್ಯರು ಇದಕ್ಕೆ ವಿರೋಧ ವ್ಯಕ್ತಪಡಿಸಿ ಪ್ರತಿಭಟಿಸಿದರು. ಇದು ಸದನದ ಪಾವಿತ್ರ್ಯಕ್ಕೆ ಧಕ್ಕೆ ತರಲಿದೆ ಎಂದು ಆರೋಪಿಸಿದರು.
"ಪಾಕಿಸ್ತಾನದ ಇತಿಹಾಸದಲ್ಲಿ ಪೊಲೀಸರು ಎಂದಿಗೂ ಪಂಜಾಬ್ ವಿಧಾನಸಭೆಯನ್ನು ಪ್ರವೇಶಿಸಿರಲಿಲ್ಲ. ನಾವು ಪಂಜಾಬ್ ಪೊಲೀಸ್ ಮಹಾನಿರ್ದೇಶಕರಿಗೆ ಸಮನ್ ನೀಡುತ್ತೇವೆ ಮತ್ತು ಕಾನೂನಿನ ಅಡಿ ಅವರನ್ನು ಒಂದು ತಿಂಗಳು ಶಿಕ್ಷಿಸುತ್ತೇವೆ" ಎಂದು ಎಲಾಹಿ ಹೇಳಿದರು.
371 ಸದಸ್ಯರ ಪಂಜಾಬ್ ವಿಧಾನಸಭೆಯಲ್ಲಿ ಮುಖ್ಯಮಂತ್ರಿಯಾಗಲು ಅಭ್ಯರ್ಥಿಗೆ 186 ಮತಗಳ ಅಗತ್ಯವಿದೆ. ಶನಿವಾರ ಮುಕ್ತ ಮತ್ತು ನ್ಯಾಯೋಚಿತವಾಗಿ ಚುನಾವಣೆ ನಡೆಸುವಂತೆ ಉಪ ಸಭಾಧ್ಯಕ್ಷರಿಗೆ ಲಾಹೋರ್ ಹೈಕೋರ್ಟ್ ಶುಕ್ರವಾರ ಸೂಚನೆ ನೀಡಿತ್ತು. ಸದನದಲ್ಲಿ ಪಿಟಿಐ 183 ಶಾಸಕರು, ಅದರ ಮಿತ್ರ ಪಕ್ಷ ಪಿಎಂಎಲ್-ಕ್ಯೂ 10 ಶಾಸಕರನ್ನು ಹೊಂದಿವೆ. ಪಿಎಂಎಲ್-ಎನ್ 165, ಪಿಪಿಪಿ 7, ರಹ್-ಇ- ಹಕ್ 1 ಮತ್ತು ಪಕ್ಷೇತರರು 7 ಮಂದಿ ಸದಸ್ಯರು ಇದ್ದಾರೆ.