ಇಂಗ್ಲೆಂಡ್ನ ಈ ಹಳ್ಳಿಗೆ ವಿಜಯ್ ಮಲ್ಯ ಆಸ್ತಿಯಂತೆ!
ಮಾಡಿದ ಸಾಲ ತೀರಿಸದೆ, ವಿದೇಶಕ್ಕೆ ಪರಾರಿಯಾಗಿ ಇದೀಗ ಭಾರತ ಬಯಸುತ್ತಿರುವ ಆರೋಪಿ, ಮದ್ಯ ದೊರೆ ವಿಜಯ್ ಮಲ್ಯ ಭಾರತೀಯರ ಪಾಲಿಗೆ ತಪ್ಪಿತಸ್ಥನಾದರೆ, ಇಂಗ್ಲೆಂಡ್ನ ಈ ಹಳ್ಳಿಗರು ದೊಡ್ಡ ಆಸ್ತಿಯೆಂದೇ ಪರಿಗಣಿಸುತ್ತಿದ್ದಾರೆ.
Vijaya Karnataka Web 4 Dec 2017, 10:35 am
ತೆವಿನ್ (ಇಂಗ್ಲೆಂಡ್): ಮಾಡಿದ ಸಾಲ ತೀರಿಸದೆ, ವಿದೇಶಕ್ಕೆ ಪರಾರಿಯಾಗಿ ಇದೀಗ ಭಾರತ ಬಯಸುತ್ತಿರುವ ಆರೋಪಿ, ಮದ್ಯ ದೊರೆ ವಿಜಯ್ ಮಲ್ಯ ಭಾರತೀಯರ ಪಾಲಿಗೆ ತಪ್ಪಿತಸ್ಥನಾದರೆ, ಇಂಗ್ಲೆಂಡ್ನ ಈ ಹಳ್ಳಿಗರು ದೊಡ್ಡ ಆಸ್ತಿಯೆಂದೇ ಪರಿಗಣಿಸುತ್ತಿದ್ದಾರೆ. ಅಲ್ಲಿನ ಜನರೊಂದಿಗೆ ಸ್ನೇಹದಿಂದ ವರ್ತಿಸುತ್ತಿರುವ ಮಲ್ಯನನ್ನು ಭಾರತಕ್ಕೆ ಗಡೀಪಾರು ಮಾಡಲು ಈ ಹಳ್ಳಿಗರ ವಿರೋಧವಿದೆ.
ಇಂಗ್ಲೆಂಡ್ನಲ್ಲಿ ನಡೆದ ಕ್ರಿಕೆಟ್ ಪಂದ್ಯ ವೀಕ್ಷಣೆಗೆ ಹೋದಾಗ, ಭಾರತೀಯರು 'ಕಳ್ಳ ಕಳ್ಳ...' ಎಂದು ಕೂಗಿದ್ದರು. ಆದರೆ, 'ಸಿರಿವಂತರು ಎಂದ ಮೇಲೆ ಆರೋಪಗಳು ಬರೋದು ಸಹಜ. ಏನೇ ಆದರೂ ಮಲ್ಯ ಈ ಹಳ್ಳಿಗೆ ಆಸ್ತಿ ಇದ್ದಂತೆ. ಇಲ್ಲಿಯೇ ಇರಲಿ, ದೇವರು ಅವರನ್ನು ಚೆನ್ನಾಗಿ ಇಟ್ಟಿರಲಿ,' ಎಂದು ಹಾರೈಸುತ್ತಾರೆ ತೆವಿನ್ ಎಂಬ ಈ ಗ್ರಾಮದ ಜನತೆ.
ಲಂಡನ್ ಉತ್ತರ ಭಾಗದ 48 ಕಿ.ಮೀ.ದೂರದಲ್ಲಿರುವ ಈ ಹಳ್ಳಿಗೆ ಮಲ್ಯ ಹೀರೋ. ಆದರೆ, ಭಾರತದ 17 ಬ್ಯಾಂಕ್ಗಳಿಗೆ ಸುಳ್ಳು ದಾಖಲೆ ನೀಡಿ, 9 ಸಾವಿರ ಕೋಟಿ ರೂ. ಸಾಲ ಪಡೆದು, ದುರಪಯೋಗ ಪಡಿಸಿಕೊಂಡ ಆರೋಪ ಮಲ್ಯ ಮೇಲಿದೆ. ಇಲ್ಲಿ ಸಾಲ ಪಡೆದು ಬ್ರಿಟಿಷ್ ಕಂಪನಿಗಳಲ್ಲಿ ಹೂಡಿರುವ ಆರೋಪವೂ ಮಲ್ಯ ಮೇಲಿದೆ. ಆದರೆ, ಇಂಗ್ಲೆಂಡ್ಗೆ ಪರಾರಿಯಾಗಿ, ಈ ಹಳ್ಳಿಯಲ್ಲಿ ನೆಲೆಸಿರುವ ಮಲ್ಯ ಜನಪ್ರಿಯತೆ ಮಾತ್ರ ಸ್ವಲ್ಪವೂ ಕುಂದಿಲ್ಲ. ಅಲ್ಲದೇ ಸುಮಾರು 1.30 ಲಕ್ಷ ರೂ. ನೀಡಿ ಕ್ರಿಸ್ಮಸ್ ಗಿಡವನ್ನು ಕೊಂಡಿದ್ದು, ಗ್ರಾಮಸ್ಥರಿಗೆ ಈ ಮದ್ಯ ದೊರೆ ಮೇಲಿನ ವಿಶ್ವಾಸ ಮತ್ತಷ್ಟು ಹೆಚ್ಚುವಂತೆ ಮಾಡಿದೆ.
ಫಾರ್ಮುಲಾ ಒನ್ನಲ್ಲಿಯೂ ಪಾಲ್ಗೊಳ್ಳುವಿಕೆಯೂ ಮಲ್ಯ ಮೇಲಿನ ಪ್ರೀತಿ, ವಿಶ್ವಾಸ ಹೆಚ್ಚಲು ಮತ್ತೊಂದು ಕಾರಣ. ಇಲ್ಲಿ ಮಲ್ಯ ಹೊಂದಿರುವ ಆಸ್ತಿ ಮೌಲ್ಯವೇ ಸುಮಾರು 100 ಕೋಟಿ ರೂ. ಬೆಲೆ ಬಾಳುತ್ತದೆ. ಕಾರಿನಲ್ಲಿ ಈ ಊರಿನಲ್ಲಿ ಅಡ್ಡಾಡುವ ಮಲ್ಯ ಫಾರ್ಮುಲಾ ಒನ್ ವ್ಕಕ್ತಿ ಎಂಬುವುದೇ ಗ್ರಾಮಸ್ಥರಿಗೆ ಎಲ್ಲಿಲ್ಲದ ಖುಷಿ.
ದನ, ಕುರಿ, ಕುದುರೆಗಳಿರುವ ಎಸ್ಟೇಟ್ ಮಧ್ಯೆ ವಾಸಿಸುತ್ತಿರುವ ಮಲ್ಯ ಬಂಗಲೆ ಮುಂದೆ ಐಷಾರಾಮಿ ಕಾರುಗಳೂ ನಿಂತಿರುತ್ತೆ. ಆದರೆ, ಅವರ ಬಗ್ಗೆ ಮಾಧ್ಯಮದೊಂದಿಗೆ ಹೆಚ್ಚು ಮಾತನಾಡಲು ಇಲ್ಲಿ ಗ್ರಾಮಸ್ಥರು ನಿರಾಕರಿಸುತ್ತಾರೆ.
ಇಂಗ್ಲೆಂಡ್ನಲ್ಲಿ ನಡೆದ ಕ್ರಿಕೆಟ್ ಪಂದ್ಯ ವೀಕ್ಷಣೆಗೆ ಹೋದಾಗ, ಭಾರತೀಯರು 'ಕಳ್ಳ ಕಳ್ಳ...' ಎಂದು ಕೂಗಿದ್ದರು. ಆದರೆ, 'ಸಿರಿವಂತರು ಎಂದ ಮೇಲೆ ಆರೋಪಗಳು ಬರೋದು ಸಹಜ. ಏನೇ ಆದರೂ ಮಲ್ಯ ಈ ಹಳ್ಳಿಗೆ ಆಸ್ತಿ ಇದ್ದಂತೆ. ಇಲ್ಲಿಯೇ ಇರಲಿ, ದೇವರು ಅವರನ್ನು ಚೆನ್ನಾಗಿ ಇಟ್ಟಿರಲಿ,' ಎಂದು ಹಾರೈಸುತ್ತಾರೆ ತೆವಿನ್ ಎಂಬ ಈ ಗ್ರಾಮದ ಜನತೆ.
ಲಂಡನ್ ಉತ್ತರ ಭಾಗದ 48 ಕಿ.ಮೀ.ದೂರದಲ್ಲಿರುವ ಈ ಹಳ್ಳಿಗೆ ಮಲ್ಯ ಹೀರೋ. ಆದರೆ, ಭಾರತದ 17 ಬ್ಯಾಂಕ್ಗಳಿಗೆ ಸುಳ್ಳು ದಾಖಲೆ ನೀಡಿ, 9 ಸಾವಿರ ಕೋಟಿ ರೂ. ಸಾಲ ಪಡೆದು, ದುರಪಯೋಗ ಪಡಿಸಿಕೊಂಡ ಆರೋಪ ಮಲ್ಯ ಮೇಲಿದೆ. ಇಲ್ಲಿ ಸಾಲ ಪಡೆದು ಬ್ರಿಟಿಷ್ ಕಂಪನಿಗಳಲ್ಲಿ ಹೂಡಿರುವ ಆರೋಪವೂ ಮಲ್ಯ ಮೇಲಿದೆ. ಆದರೆ, ಇಂಗ್ಲೆಂಡ್ಗೆ ಪರಾರಿಯಾಗಿ, ಈ ಹಳ್ಳಿಯಲ್ಲಿ ನೆಲೆಸಿರುವ ಮಲ್ಯ ಜನಪ್ರಿಯತೆ ಮಾತ್ರ ಸ್ವಲ್ಪವೂ ಕುಂದಿಲ್ಲ. ಅಲ್ಲದೇ ಸುಮಾರು 1.30 ಲಕ್ಷ ರೂ. ನೀಡಿ ಕ್ರಿಸ್ಮಸ್ ಗಿಡವನ್ನು ಕೊಂಡಿದ್ದು, ಗ್ರಾಮಸ್ಥರಿಗೆ ಈ ಮದ್ಯ ದೊರೆ ಮೇಲಿನ ವಿಶ್ವಾಸ ಮತ್ತಷ್ಟು ಹೆಚ್ಚುವಂತೆ ಮಾಡಿದೆ.
ಫಾರ್ಮುಲಾ ಒನ್ನಲ್ಲಿಯೂ ಪಾಲ್ಗೊಳ್ಳುವಿಕೆಯೂ ಮಲ್ಯ ಮೇಲಿನ ಪ್ರೀತಿ, ವಿಶ್ವಾಸ ಹೆಚ್ಚಲು ಮತ್ತೊಂದು ಕಾರಣ. ಇಲ್ಲಿ ಮಲ್ಯ ಹೊಂದಿರುವ ಆಸ್ತಿ ಮೌಲ್ಯವೇ ಸುಮಾರು 100 ಕೋಟಿ ರೂ. ಬೆಲೆ ಬಾಳುತ್ತದೆ. ಕಾರಿನಲ್ಲಿ ಈ ಊರಿನಲ್ಲಿ ಅಡ್ಡಾಡುವ ಮಲ್ಯ ಫಾರ್ಮುಲಾ ಒನ್ ವ್ಕಕ್ತಿ ಎಂಬುವುದೇ ಗ್ರಾಮಸ್ಥರಿಗೆ ಎಲ್ಲಿಲ್ಲದ ಖುಷಿ.
ದನ, ಕುರಿ, ಕುದುರೆಗಳಿರುವ ಎಸ್ಟೇಟ್ ಮಧ್ಯೆ ವಾಸಿಸುತ್ತಿರುವ ಮಲ್ಯ ಬಂಗಲೆ ಮುಂದೆ ಐಷಾರಾಮಿ ಕಾರುಗಳೂ ನಿಂತಿರುತ್ತೆ. ಆದರೆ, ಅವರ ಬಗ್ಗೆ ಮಾಧ್ಯಮದೊಂದಿಗೆ ಹೆಚ್ಚು ಮಾತನಾಡಲು ಇಲ್ಲಿ ಗ್ರಾಮಸ್ಥರು ನಿರಾಕರಿಸುತ್ತಾರೆ.