ವಿಶ್ವಸಂಸ್ಥೆಯ ECOSOC ಮಂಡಳಿಗೆ ಆಯ್ಕೆಯಾದ ಭಾರತ, ರೇಸ್‌ನಲ್ಲಿದ್ದ ಚೀನಾಗೆ ಸೋಲು!

ವಾಷಿಂಗ್ಟನ್‌: ವಿಶ್ವಸಂಸ್ಥೆಯ ಆರ್ಥಿಕ ಮತ್ತು ಸಾಮಾಜಿಕ ಮಂಡಳಿಯ (ECOSOC ) ಮಹಿಳೆಯರ ಸ್ಥಿತಿಗತಿ ಆಯೋಗದ(CSW) ಸದಸ್ಯ ರಾಷ್ಟ್ರವಾಗಿ ಭಾರತ ಆಯ್ಕೆಯಾಗಿದೆ. ಈ ಬಗ್ಗೆ ವಿಶ್ವಸಂಸ್ಥೆಯ ಭಾರತದ ಖಾಯಂ ಪ್ರತಿನಿಧಿ ಟಿ.ಎಸ್‌. ತಿರುಮೂರ್ತಿ ಅವರು ಟ್ವಿಟರ್‌ ಮೂಲಕ ಮಂಗಳವಾರ ಮುಂಜಾನೆ ಘೋಷಿಸಿದ್ದಾರೆ. ಈ ಮೂಲಕ ವಿಶ್ವಸಂಸ್ಥೆಯಲ್ಲಿ ಭಾರತಕ್ಕೆ ಅತೀ ದೊಡ್ಡ ಜಯ ಸಿಕ್ಕಿದಂತೆ ಆಗಿದೆ.

ಇನ್ನು ಟ್ವೀಟ್‌ನಲ್ಲೇ ಎಲ್ಲರಿಗೂ ಧನ್ಯವಾದ ತಿಳಿಸಿದ ತಿರುಮೂರ್ತಿ "ವಿಶ್ವಸಂಸ್ಥೆಯ ಆರ್ಥಿಕ ಮತ್ತು ಸಾಮಾಜಿಕ ಮಂಡಳಿಯಲ್ಲಿನ ಪ್ರತಿಷ್ಠಿತ ಸ್ಥಾನವನ್ನು ಭಾರತ ಗೆದ್ದಿದೆ. ಮಹಿಳೆಯರ ಸ್ಥಿತಿಗತಿ ಆಯೋಗದ ಸದಸ್ಯ ರಾಷ್ಟ್ರವಾಗಿ ಭಾರತ ಆಯ್ಕೆಯಾಗಿದೆ. ಇದು ನಮ್ಮ ಪ್ರಯತ್ನಗಳಲ್ಲಿ ಲಿಂಗ ಸಮಾನತೆ ಮತ್ತು ಮಹಿಳೆಯರ ಸಬಲೀಕರಣವನ್ನು ಉತ್ತೇಜಿಸುವ ಬದ್ಧತೆಯನ್ನು ಬಿಂಬಿಸುವ ಮನ್ನಣೆಯಗಾಗಿದೆ.


ಹೀಗಾಗಿ ಎಲ್ಲ ಸದಸ್ಯ ರಾಷ್ಟ್ರಗಳ ಬೆಂಬಲಕ್ಕಾಗಿ ನಾವು ಧನ್ಯವಾದ ತಿಳಿಸುತ್ತೇವೆ’ ಎಂದು ಅವರು ಬರೆದುಕೊಂಡಿದ್ದಾರೆ. ಇನ್ನು ಭಾರತ ಮುಂದಿನ 4 ವರ್ಷಗಳ ಅವಧಿಗೆ ಅಂದರೆ 2021 ರಿಂದ 2025ರ ವರೆಗೆ ವಿಶ್ವಸಂಸ್ಥೆಯ ಆಯೋಗದ ಸದಸ್ಯ ರಾಷ್ಟ್ರವಾಗಿ ಮುಂದುವರಿಯಲಿದೆ.

ಶೈತ್ಯೀಕರಿಸಿದ ಮೀನು ತಿನ್ನುವಾಗ ಎಚ್ಚರ! ಒಂದು ವಾರದವರೆಗೆ ಜೀವಂತ ಇರುತ್ತಂತೆ ವೈರಸ್

ಹೇಗೆ ನಡೆದಿತ್ತು ಚುನಾವಣೆ!ಆಯೋಗದ ಸದಸ್ಯತ್ವಕ್ಕಾಗಿ ಭಾರತ, ಅಫ್ಗಾನಿಸ್ತಾನ ಮತ್ತು ಚೀನಾ ರಾಷ್ಟ್ರಗಳು ಸ್ಪರ್ಧಿಸಿದ್ದವು. 54 ಸದಸ್ಯ ರಾಷ್ಟ್ರಗಳು ಮತ ಚಲಾಯಿಸಿದ್ದವು. ಈ ಪೈಕಿ ಗೆಲವು ಸಾಧಿಸಬೇಕಾದರೆ 28 ಮತಗಳು ಪಡೆಯಬೇಕು. ಅಫ್ಘಾನಿಸ್ತಾನ 39, ಭಾರತ 38 ಮತ ಗಳಿಸಿದರೆ, ಚೀನಾಗೆ 27 ಸದಸ್ಯರ ಮತ ಲಭ್ಯವಾಗಿದೆ. ಈ ಮೂಲಕ ಹೀನಾಯ ಸೋಲನ್ನ ಡ್ರ್ಯಾಗನ್‌ ರಾಷ್ಟ್ರ ಕಂಡುಕೊಂಡಿದೆ.