ಹೊಸ ದಿಲ್ಲಿ: ದೇಶದಲ್ಲಿ ಕೋವಿಡ್ ಸೋಂಕು ಇನ್ನೂ ನಿಯಂತ್ರಣಕ್ಕೆ ಬಂದಿಲ್ಲ, ಆಗಲೇ ಮಂಕಿ ಪಾಕ್ಸ್ ಹಾವಳಿ ಶುರುವಾಗಿದೆ. ಯುರೋಪ್ ಖಂಡದಲ್ಲಿ ಈಗಾಗಲೇ ಸೋಂಕಿನ ಹಾವಳಿ ಹೆಚ್ಚಾಗಿದ್ದು, ಭಾರತದಲ್ಲಿ ಸದ್ಯ ಯಾವುದೇ ಪ್ರಕರಣ ವರದಿಯಾಗಿಲ್ಲ.
ಭಾರತ ಕೂಡಾ ಈ ಎಲ್ಲಾ ವಿದ್ಯಮಾನಗಳನ್ನೂ ಸೂಕ್ಷ್ಮವಾಗಿ ಅವಲೋಕನ ನಡೆಸುತ್ತಿದ್ದು, ಕೇಂದ್ರ ಆರೋಗ್ಯ ಸಚಿವಾಲಯವು ಜಾಗತಿಕ ವಿದ್ಯಮಾನಗಳ ಮೇಲೆ ಕಣ್ಣಿಟ್ಟಿದೆ. ರಾಷ್ಟ್ರೀಯ ರೋಗ ನಿಯಂತ್ರಣ ಕೇಂದ್ರ ಹಾಗೂ ಭಾರತೀಯ ವಿದ್ಯಕೀಯ ಸಂಶೋಧನಾ ಸಂಸ್ಥೆಗಳು ಮಂಕಿ ಪಾಕ್ಸ್‌ನ ವೈರಸ್ ಹರಡುವಿಕೆ ಸಂಬಂಧ ನಿಗಾ ವಹಿಸಿದೆ.
ಒಂದು ವೇಳೆ ಭಾರತದಲ್ಲಿ ಮಂಕಿ ಪಾಕ್ಸ್ ಸೋಂಕಿನ ಹರಡುವಿಕೆ ಆರಂಭ ಆದರೆ, ವಿದೇಶಗಳಿಂದ ಬರುವ ಪ್ರಯಾಣಿಕರನ್ನು ತಪಾಸಣೆಗೆ ಒಳಪಡಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಅದರಲ್ಲೂ ಯುರೋಪ್ ಹಾಗೂ ಆಫ್ರಿಕಾ ಖಂಡದ ದೇಶಗಳಿಂದ ಬರುವವರ ಮೇಲೆ ಹೆಚ್ಚಿನ ನಿಗಾ ವಹಿಸಲು ನಿರ್ಧರಿಸಲಾಗಿದೆ.
ಸದ್ಯದ ಮಟ್ಟಿಗೆ ಮಂಕಿ ಪಾಕ್ಸ್ ವೈರಸ್ ಸೋಂಕಿನ ವಿಚಾರವಾಗಿ ಯಾವುದೇ ರೀತಿಯಲ್ಲೂ ಆತಂಕಕ್ಕೆ ಒಳಗಾಗುವ ಅಗತ್ಯ ಇಲ್ಲ ಎಂದು ತಜ್ಞರು ಹೇಳಿದ್ದು, ಈ ವೈರಾಣು ಸ್ವಯಂ ಸೀಮಿತಗೊಳ್ಳುವ ಸೋಂಕು ಎಂದು ದಿಲ್ಲಿಯ ರಾಮ ಮನೋಹರ ಲೋಹಿಯಾ ಆಸ್ಪತ್ರೆಯ ವೈರಾಣು ವಿಭಾಗದ ಪ್ರೊಫೆಸರ್ ಡಾ. ಕಬೀರ್ ಸಾರ್ಡಾನಾ ಹೇಳಿದ್ದಾರೆ.
ಒಂದು ವೇಳೆ ಈ ವೈರಾಣು ತಡೆಗೆ ಲಸಿಕೆ ಬಂದರೆ, ಲಸಿಕೆ ಪಡೆದ ಭಾರತದ ಬಹುಪಾಲು ಜನರು ಮಂಕಿ ಪಾಕ್ಸ್ ವಿರುದ್ಧ ರೋಗ ನಿರೋಧಕ ಶಕ್ತಿ ಹೊಂದುತ್ತಾರೆ ಎಂದು ಕಬೀರ್ ಅವರು ಭರವಸೆಯ ಮಾತುಗಳನ್ನಾಡಿದ್ದಾರೆ.
ಇದೇ ವಿಚಾರವಾಗಿ ಪ್ರತಿಕ್ರಿಯೆ ನೀಡಿರುವ ದಿಲ್ಲಿಯ ಶ್ರೀ ಗಂಗಾರಾಮ್ ಆಸ್ಪತ್ರೆಯ ಹಿರಿಯ ತಜ್ಞರಾದ ಡಾ. ಪೂಜಾ ಕೋಸ್ಲಾ ಅವರು, ಭಾರತಕ್ಕೆ ಮಂಕಿ ಪಾಕ್ಸ್ ವೈರಾಣು ತಲುಪುವ ಸಾಧ್ಯತೆಯನ್ನು ಅಲ್ಲಗಳೆಯುವಂತೆ ಇಲ್ಲ ಎಂದು ಎಚ್ಚರಿಕೆ ನೀಡಿದ್ದಾರೆ.
ಇನ್ನು ಈ ಮಂಕಿ ಪಾಕ್ಸ್ ರೋಗ ಲಕ್ಷಣಗಳು ಸಿಡುಬು ರೋಗದಂತೆಯೇ ಇರಲಿದೆ. ಆರಂಭದಲ್ಲಿ ಜ್ವರ, ತಲೆ ನೋವು, ಮೈ-ಕೈ ನೋವು, ಬೆನ್ನು ನೋವು ಇರಲಿದೆ. ಶಕ್ತಿ ಹೀನತೆಯೂ ಕಾಡಲಿದೆ.
ಯಾವುದೇ ವ್ಯಕ್ತಿ ಈ ಸೋಂಕಿಗೆ ತುತ್ತಾದ 2 ರಿಂದ 4 ವಾರಗಳ ಬಳಿಕ ತೀವ್ರತರವಾದ ಸೋಂಕಿನ ಲಕ್ಷಣಗಳು ಕಾಣ ಸಿಗಲಿವೆ ಎಂದು ದ್ವಾರಕಾದ ಮಣಿಪಾಲ್ ಆಸ್ಪತ್ರೆ ವೈದ್ಯರಾದ ಡಾ. ಅಂಕಿತಾ ಬೈದ್ಯ ಅವರು ತಿಳಿಸಿದ್ದಾರೆ. ಮಕ್ಕಳಲ್ಲಿ ಹಾಗೂ ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರಲ್ಲಿ ತೀವ್ರತರವಾದ ರೋಗ ಲಕ್ಷಣಗಳು ಕಂಡು ಬರಲಿವೆ ಎಂದು ಅವರು ತಿಳಿಸಿದ್ದಾರೆ.
ಇನ್ನು ಸಿಡುಬು ರೋಗಕ್ಕೆ ಬಳಸುವ ರೋಗ ನಿರೋಧಕ ಔಷಧವನ್ನೇ ಮಂಕಿ ಪಾಕ್ಸ್‌ಗೂ ಬಳಕೆ ಮಾಡಬೇಕೆಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ. ಬಹಳಷ್ಟು ಸನ್ನಿವೇಶಗಳಲ್ಲಿ ಯಾವುದೇ ರೋಗ ಲಕ್ಷಣ ಇಲ್ಲದೆಯೂ ರೋಗಿಗಳು ಗುಣಮುಖ ಆಗುವ ಸಾಧ್ಯತೆಗಳೂ ಇವೆ.
ಭಾರತ ಕೂಡಾ ಈ ಎಲ್ಲಾ ವಿದ್ಯಮಾನಗಳನ್ನೂ ಸೂಕ್ಷ್ಮವಾಗಿ ಅವಲೋಕನ ನಡೆಸುತ್ತಿದ್ದು, ಕೇಂದ್ರ ಆರೋಗ್ಯ ಸಚಿವಾಲಯವು ಜಾಗತಿಕ ವಿದ್ಯಮಾನಗಳ ಮೇಲೆ ಕಣ್ಣಿಟ್ಟಿದೆ. ರಾಷ್ಟ್ರೀಯ ರೋಗ ನಿಯಂತ್ರಣ ಕೇಂದ್ರ ಹಾಗೂ ಭಾರತೀಯ ವಿದ್ಯಕೀಯ ಸಂಶೋಧನಾ ಸಂಸ್ಥೆಗಳು ಮಂಕಿ ಪಾಕ್ಸ್‌ನ ವೈರಸ್ ಹರಡುವಿಕೆ ಸಂಬಂಧ ನಿಗಾ ವಹಿಸಿದೆ.
ಒಂದು ವೇಳೆ ಭಾರತದಲ್ಲಿ ಮಂಕಿ ಪಾಕ್ಸ್ ಸೋಂಕಿನ ಹರಡುವಿಕೆ ಆರಂಭ ಆದರೆ, ವಿದೇಶಗಳಿಂದ ಬರುವ ಪ್ರಯಾಣಿಕರನ್ನು ತಪಾಸಣೆಗೆ ಒಳಪಡಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಅದರಲ್ಲೂ ಯುರೋಪ್ ಹಾಗೂ ಆಫ್ರಿಕಾ ಖಂಡದ ದೇಶಗಳಿಂದ ಬರುವವರ ಮೇಲೆ ಹೆಚ್ಚಿನ ನಿಗಾ ವಹಿಸಲು ನಿರ್ಧರಿಸಲಾಗಿದೆ.
ಸದ್ಯದ ಮಟ್ಟಿಗೆ ಮಂಕಿ ಪಾಕ್ಸ್ ವೈರಸ್ ಸೋಂಕಿನ ವಿಚಾರವಾಗಿ ಯಾವುದೇ ರೀತಿಯಲ್ಲೂ ಆತಂಕಕ್ಕೆ ಒಳಗಾಗುವ ಅಗತ್ಯ ಇಲ್ಲ ಎಂದು ತಜ್ಞರು ಹೇಳಿದ್ದು, ಈ ವೈರಾಣು ಸ್ವಯಂ ಸೀಮಿತಗೊಳ್ಳುವ ಸೋಂಕು ಎಂದು ದಿಲ್ಲಿಯ ರಾಮ ಮನೋಹರ ಲೋಹಿಯಾ ಆಸ್ಪತ್ರೆಯ ವೈರಾಣು ವಿಭಾಗದ ಪ್ರೊಫೆಸರ್ ಡಾ. ಕಬೀರ್ ಸಾರ್ಡಾನಾ ಹೇಳಿದ್ದಾರೆ.
ಒಂದು ವೇಳೆ ಈ ವೈರಾಣು ತಡೆಗೆ ಲಸಿಕೆ ಬಂದರೆ, ಲಸಿಕೆ ಪಡೆದ ಭಾರತದ ಬಹುಪಾಲು ಜನರು ಮಂಕಿ ಪಾಕ್ಸ್ ವಿರುದ್ಧ ರೋಗ ನಿರೋಧಕ ಶಕ್ತಿ ಹೊಂದುತ್ತಾರೆ ಎಂದು ಕಬೀರ್ ಅವರು ಭರವಸೆಯ ಮಾತುಗಳನ್ನಾಡಿದ್ದಾರೆ.
ಇದೇ ವಿಚಾರವಾಗಿ ಪ್ರತಿಕ್ರಿಯೆ ನೀಡಿರುವ ದಿಲ್ಲಿಯ ಶ್ರೀ ಗಂಗಾರಾಮ್ ಆಸ್ಪತ್ರೆಯ ಹಿರಿಯ ತಜ್ಞರಾದ ಡಾ. ಪೂಜಾ ಕೋಸ್ಲಾ ಅವರು, ಭಾರತಕ್ಕೆ ಮಂಕಿ ಪಾಕ್ಸ್ ವೈರಾಣು ತಲುಪುವ ಸಾಧ್ಯತೆಯನ್ನು ಅಲ್ಲಗಳೆಯುವಂತೆ ಇಲ್ಲ ಎಂದು ಎಚ್ಚರಿಕೆ ನೀಡಿದ್ದಾರೆ.
ಇನ್ನು ಈ ಮಂಕಿ ಪಾಕ್ಸ್ ರೋಗ ಲಕ್ಷಣಗಳು ಸಿಡುಬು ರೋಗದಂತೆಯೇ ಇರಲಿದೆ. ಆರಂಭದಲ್ಲಿ ಜ್ವರ, ತಲೆ ನೋವು, ಮೈ-ಕೈ ನೋವು, ಬೆನ್ನು ನೋವು ಇರಲಿದೆ. ಶಕ್ತಿ ಹೀನತೆಯೂ ಕಾಡಲಿದೆ.
ಯಾವುದೇ ವ್ಯಕ್ತಿ ಈ ಸೋಂಕಿಗೆ ತುತ್ತಾದ 2 ರಿಂದ 4 ವಾರಗಳ ಬಳಿಕ ತೀವ್ರತರವಾದ ಸೋಂಕಿನ ಲಕ್ಷಣಗಳು ಕಾಣ ಸಿಗಲಿವೆ ಎಂದು ದ್ವಾರಕಾದ ಮಣಿಪಾಲ್ ಆಸ್ಪತ್ರೆ ವೈದ್ಯರಾದ ಡಾ. ಅಂಕಿತಾ ಬೈದ್ಯ ಅವರು ತಿಳಿಸಿದ್ದಾರೆ. ಮಕ್ಕಳಲ್ಲಿ ಹಾಗೂ ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರಲ್ಲಿ ತೀವ್ರತರವಾದ ರೋಗ ಲಕ್ಷಣಗಳು ಕಂಡು ಬರಲಿವೆ ಎಂದು ಅವರು ತಿಳಿಸಿದ್ದಾರೆ.
ಇನ್ನು ಸಿಡುಬು ರೋಗಕ್ಕೆ ಬಳಸುವ ರೋಗ ನಿರೋಧಕ ಔಷಧವನ್ನೇ ಮಂಕಿ ಪಾಕ್ಸ್‌ಗೂ ಬಳಕೆ ಮಾಡಬೇಕೆಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ. ಬಹಳಷ್ಟು ಸನ್ನಿವೇಶಗಳಲ್ಲಿ ಯಾವುದೇ ರೋಗ ಲಕ್ಷಣ ಇಲ್ಲದೆಯೂ ರೋಗಿಗಳು ಗುಣಮುಖ ಆಗುವ ಸಾಧ್ಯತೆಗಳೂ ಇವೆ.