ತಾರತಮ್ಯದ ಕ್ರಮಗಳನ್ನು ಭಾರತ ಹಿಂಪಡೆಯುವ ಭರವಸೆ ಇದೆ: ಚೀನಾ ವಾಣಿಜ್ಯ ಇಲಾಖೆ ಅಭಿಮತ!

ಬೀಜಿಂಗ್: 59 ಚೀನಾ ಆ್ಯಪ್‌ಗಳ ಬಳಕೆ ಮೇಲೆ ನಿಷೇಧ ಹೇರಿರುವ ಭಾರತ ಸರ್ಕಾರದ ಕ್ರಮವನ್ನು ತಾರತಮ್ಯದ ಕ್ರಮ ಎಂದು ಕರೆದಿರುವ ಚೀನಾದ ವಾಣಿಜ್ಯ ಸಚಿವಾಲಯ, ಈ ಆದೇಶವನ್ನು ಹಿಂಪಡೆಯುವ ಭರವಸೆ ಇದೆ ಎಂದು ಹೇಳಿದೆ.

ಭಾರತ ಏಕಪಕ್ಷೀಯವಾಗಿ ಚೀನಾ ಆ್ಯಪ್‌ಗಳ ಮೇಲೆ ನಿಷೇಧ ಹೇರಿದ್ದು, ಇದು ಅಂತಾರಾಷ್ಟ್ರೀಯ ಹೂಡಿಕೆದಾರ ಕಾನೂನಿಗೆ ವಿರುದ್ಧವಾಗಿದೆ ಎಂದು ಚೀನಾ ವಾಣಿಜ್ಯ ಸಚಿವಾಲಯ ಹೇಳಿಕೆ ನೀಡಿದೆ.

ಹೂಡಿಕೆದಾರನ ಹಕ್ಕುಗಳನ್ನು ರಕ್ಷಿಸುವುದು ಯಾವುದೇ ರಾಷ್ಟ್ರದ ಕರ್ತವ್ಯವಾಗಿದ್ದು, ಹೀಗೆ ಏಕಾಏಕಿ ನಿಷೇಧ ಹೇರುವ ಮೂಲಕ ಭಾರತ ಈ ಕಾನೂನನ್ನು ಉಲ್ಲಂಘಿಸಿದೆ ಎಂದು ಚೀನಾದ ವಾಣಿಜ್ಯ ಇಲಾಖೆ ಅಸಮಾಧಾನ ವ್ಯಕ್ತಪಡಿಸಿದೆ.

ಆ್ಯಪ್ ನಿಷೇಧಕ್ಕೆ ಅಂತಾರಾಷ್ಟ್ರೀಯ ಬೆಂಬಲ: ಭಾರತದ ಕ್ರಮಕ್ಕೆ ಶಹಬ್ಬಾಸ್ ಎಂದ ಅಮೆರಿಕ!


ಅದಾಗ್ಯೂ ಭಾರತ ತನ್ನ ನಿರ್ಧಾರವನ್ನು ಮರು ಪರಿಶೀಲನೆ ಮಾಡಲಿದೆ ಎಂದು ಭರವಸೆ ವ್ಯಕ್ತಪಡಿಸಿರುವ ಚೀನಾ ವಾಣಿಜ್ಯ ಸಚಿವಾಲಯ, ತಾರತಮ್ಯದ ಕ್ರಮವನ್ನು ಒಪ್ಪಲು ಸಾಧ್ಯವಿಲ್ಲ ಎಂದು ಸ್ಪಷ್ಟಪಡಿಸಿದೆ.

ಆ್ಯಪ್ ನಿಷೇಧ ನಿರ್ಧಾರ ತೀವ್ರ ಕಳವಳಕಾರಿ: ಭಾರತದ ನಡೆಗೆ ಚೀನಾ ಪ್ರತಿಕ್ರಿಯೆ!

ಇನ್ನು ಚೀನಾದ ಈ ಹೇಳಿಕೆಗೆ ಭಾರತ ಹೇಗೆ ಪ್ರತಿಕ್ರಿಯೆ ನೀಡಲಿದೆ ಎಂಬುದನ್ನು ಕಾದು ನೋಡಬೇಕಿದ್ದು, ಆ್ಯಪ್ ನಿಷೇಧದ ತನ್ನ ದೃಢ ನಿರ್ಧಾರವನ್ನು ಮತ್ತೊಮ್ಮೆ ಪುನರುಚ್ಛಿಸಲಿದೆ.