ತೆಹ್ರಾನ್: ಭಾರಿ ಮೌಲ್ಯದ ಇಂಧನ ಕಳ್ಳಸಾಗಣೆ ಮಾಡುತ್ತಿದ್ದ ವಿದೇಶಿ ತೈಲ ಟ್ಯಾಂಕರ್ ಹಡಗನ್ನು ಇರಾನ್ ನೌಕಾಪಡೆಯು ಪರ್ಶಿಯನ್ ಕೊಲ್ಲಿಯಲ್ಲಿ ವಶಕ್ಕೆ ಪಡೆದಿದೆ. ತೈಲ ದಂಧೆಕೋರರು ಫಾರ್ಸಿ ದ್ವೀಪದಿಂದ 7 ಲಕ್ಷ ಲೀಟರ್ ಇಂಧನ ಸಂಗ್ರಹಿಸಿ ಕಳ್ಳ ಮಾರ್ಗವಾಗಿ ಅದನ್ನು ಬೇರೆ ಗಲ್ಫ್ ರಾಷ್ಟ್ರಗಳಿಗೆ ಸಾಗಿಸಲು ಯತ್ನಿಸುತ್ತಿದ್ದರು. ಈ ಮಾಹಿತಿಯ ಜಾಡು ಹಿಡಿದು ಇರಾನ್ ನೌಕಾಪಡೆ ಪರ್ಶಿಯನ್ ಕೊಲ್ಲಿಯಲ್ಲಿ ಕಾರ್ಯಾಚರಣೆ ನಡೆಸಿ ತೈಲ ಸಾಗಿಸುತ್ತಿದ್ದ ಹಡಗನ್ನು ವಶಕ್ಕೆ ಪಡೆದಿದೆ. ಅದರಲ್ಲಿದ್ದ ಏಳು ಮಂದಿಯನ್ನು ಬ್ರಿಗೇಡಿಯರ್ ಜನರಲ್ ಶ್ರೇಣಿಯ ಅಧಿಕಾರಿಯೊಬ್ಬರು ವಿಚಾರಣೆ ನಡೆಸಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಕಳೆದೊಂದು ತಿಂಗಳಲ್ಲಿ ಇರಾನ್ ವಶಕ್ಕೆ ಪಡೆದುಕೊಂಡ ಮೂರನೇ ವಿದೇಶಿ ತೈಲ ಟ್ಯಾಂಕರ್ ಇದಾಗಿದೆ. ಜುಲೈ 18ರಂದು ಪನಾಮಾ ಧ್ವಜವಿರುವ ಎಂ.ಟಿ. ರಿಯಾ ಹಡಗನ್ನು ವಶಕ್ಕೆ ಪಡೆದಿತ್ತು.
ಕಳ್ಳಸಾಗಣೆ ಶಂಕೆ: ವಿದೇಶಿ ತೈಲ ಹಡಗು ವಶಪಡಿಸಿಕೊಂಡ ಇರಾನ್
ಮಾಹಿತಿಯ ಜಾಡು ಹಿಡಿದು ಇರಾನ್ ನೌಕಾಪಡೆ ಪರ್ಶಿಯನ್ ಕೊಲ್ಲಿಯಲ್ಲಿ ಕಾರ್ಯಾಚರಣೆ ನಡೆಸಿ ತೈಲ ಸಾಗಿಸುತ್ತಿದ್ದ ಹಡಗನ್ನು ವಶಕ್ಕೆ ಪಡೆದಿದೆ.
PTI 5 Aug 2019, 5:00 am