ಹಿಂದಿಯಲ್ಲಿ ಟ್ವಿಟ್ಟರ್ ಅಕೌಂಟ್ ತೆರೆದ ಇರಾನ್ ಸರ್ವೋಚ್ಛ ನಾಯಕ: ಹೇಗಿದೆ ಖಮೇನಿ ಟ್ವೀಟ್‌?

ಟೆಹ್ರನ್: ಭಾರತ ಕೇವಲ ಒಂದು ಭಾಷೆಯಾಗಿ ಅಲ್ಲ ಒಂದು ಸಂಸ್ಕೃತಿಯಾಗಿ ವಿಶ್ವ ವೇದಿಕೆಯಲ್ಲಿ ರಾರಾಜಿಸುತ್ತಿದೆ. ಭಾರತೀಯತೆಯ ಪ್ರಭಾವ ವಿಶ್ವದ ಎಲ್ಲ ರಾಷ್ಟ್ರಗಳ ಮೇಲೂ ಇದ್ದು, ನಮ್ಮ ಸಂಸ್ಕೃತಿ ವಿಶ್ವದ ಇತರ ಸಂಸ್ಕೃತಿಗಳ ಮೇಲೆ ಪ್ರಭಾವ ಬೀರಿರುವುದು ಕಣ್ಣಿಗೆ ಕಾಣುವ ಸತ್ಯ.

ಭಾಷೆ ನಮ್ಮ ಸಂಸ್ಕೃತಿಯ ಮಾಧ್ಯಮವಾಗಿ ಜಗತ್ತಿನೆಡೆ ಪಸರಿಸುತ್ತಿರುವುದನ್ನು ನಾವೆಲ್ಲಾ ಗಮನಿಸುತ್ತಿದ್ದೇವೆ. ಇದಕ್ಕೆ ತಾಜಾ ಉದಾಹರಣೆ ಎಂದರೆ ಇರಾನ್ ಸರ್ವೋಚ್ಛ ನಾಯಕ ಆಯತೊಲ್ಲಾ ಸಯ್ಯದ್ ಅಲಿ ಖಮೇನಿ ಹಿಂದಿ ಭಾಷೆಯಲ್ಲಿ ತಮ್ಮ ಅಧಿಕೃತ ಟ್ವಿಟ್ಟರ್ ಅಕೌಂಟ್‌ನ್ನು ತೆರೆದಿದ್ದಾರೆ.

ಮಿಸೈಲ್‌ ದಾಳಿ 'ಅಮೆರಿಕಾ ಮುಖಕ್ಕೆ ಕಪಾಳಮೋಕ್ಷ': ಇರಾನ್‌ ಸರ್ವೋಚ್ಚ ನಾಯಕ ಖಮೇನಿ

ಹೌದು, ಇರಾನ್ ಸರ್ವೋಚ್ಛ ನಾಯಕ ಆಯತೊಲ್ಲಾ ಸಯ್ಯದ್ ಅಲಿ ಖಮೇನಿ ಹಿಂದಿ ಭಾಷೆಯಲ್ಲಿ ತಮ್ಮ ಅಧಿಕೃತ ಟ್ವಿಟ್ಟರ್ ಅಕೌಂಟ್ ತೆರೆದಿದ್ದು, ಹಿಂದಿ ಭಾಷೆಯಲ್ಲೇ ಎರಡು ಟ್ವೀಟ್‌ಗಳನ್ನೂ ಮಾಡಿದ್ದಾರೆ.


ಖಮೇನಿ ಕೇವಲ ಹಿಂದಿ ಮಾತ್ರವಲ್ಲದೇ ಪರ್ಶಿಯನ್, ಅರೇಬಿಕ್, ಉರ್ದು, ಫ್ರೆಂಚ್, ಸ್ಪ್ಯಾನಿಶ್, ರಷ್ಯನ್ ಮತ್ತು ಇಂಗ್ಲಿಷ್‌ನಲ್ಲೂ ಟ್ವಿಟ್ಟರ್‌ ಅಕೌಂಟ್‌ಗಳನ್ನು ತೆರೆದಿರುವುದು ವಿಶೇಷ.

ಇರಾನ್‌ ತಂಟೆಗೆ ಬಂದರೆ ಸದ್ದಾಂಗೆ ಆದ ಗತಿಯೇ ಟ್ರಂಪ್‌ಗೂ ಆಗಲಿದೆ: ಹಸನ್‌ ರೋಹಾನಿ

1981-89ರ ವರೆಗೆ ಇರಾನ್ ಅಧ್ಯಕ್ಷರಾಗಿದ್ದ ಆಯತೊಲ್ಲಾ ಸಯ್ಯದ್ ಅಲಿ ಖಮೇನಿ, ಸದ್ಯ ಇರಾನ್‌ನ ಎರಡನೇ ಹಾಗೂ ಪ್ರಸ್ತುತ ಸರ್ವೋಚ್ಛ ನಾಯಕರು. ಭಾರತದೊಂದಿಗೆ ಇರಾನ್ ಸಂಬಂಧ ಘನಿಷ್ಠ ಮಟ್ಟಕ್ಕೆ ತಲುಪುವಲ್ಲಿ ಖಮೇನಿ ಪಾತ್ರವೂ ಇದೆ.