ಮೊಸೂಲ್‌ ಮಸೀದಿ ವಶಕ್ಕೆ; ಐಸಿಸ್‌ ಯುಗಾಂತ್ಯಕ್ಕೆ ಕ್ಷಣಗಣನೆ

ಮೊಸುಲ್: ಕಳೆದ ಮೂರು ವರ್ಷದಿಂದ ಕುಖ್ಯಾತ ಉಗ್ರ ಸಂಘಟನೆ ಇಸ್ಲಾಂ ಸ್ಟೇಟ್‌ (ಐಸಿಸ್‌) ತನ್ನ ಖಲೀಫ ಸಾಮಾಜ್ಯ ಅಥವಾ ರಾಜಧಾನಿ ಎಂದೇ ಘೋಷಿಸಿಕೊಂಡಿದ್ದ ಮೊಸೂಲ್‌ ಮಸೀದಿಯನ್ನು ಇರಾಕ್‌ ಪಡೆ ವಶಕ್ಕೆ ಪಡೆದಿವೆ.



ಗುರುವಾರದಂದು 850 ವರ್ಷಗಳ ಹಳೆಯ ಗ್ರಾಂಡ್ ಅಲ್-ನೂರಿ ಮಸೀದಿಯನ್ನು ವಶಪಡಿಸುವ ಮೂಲಕ ಇರಾಕ್‌ ಪಡೆಗಳು ಸಾಂಕೇತಿಕ ವಿಜಯ ಘೋಷಿಸಿಕೊಂಡರೆ, ಅತ್ತ ಐಸಿಸ್‌ ಸಂಘಟನೆ ಇತಿಹಾಸ ಪುಟ ಸೇರಲು ಸಜ್ಜಾಗಿದೆ.



ಕಳೆದ ಎಂಟು ತಿಂಗಳಿನಿಂದ ಇರಾಕ್‌ ಪಡೆಗಳು, ಐಸಿಸ್‌ ವಶದಲ್ಲಿದ್ದ ಈ ಮಸೀದಿಯನ್ನು ಪಡೆಯಲು ನಿರಂತರ ಹೋರಾಟ ಮಾಡುತ್ತಿದ್ದವು. ಕಳೆದ ವಾರ ಅಮೆರಿಕ ಬೆಂಬಲಿತ ಇರಾಕಿ ಪಡೆಗಳು ಜತೆಗೂಡಿ ಐಸಿಸ್‌ ವಿರುದ್ಧ ಸಮರ ಹೂಡಿವೆ. ಮಸೀದಿಯನ್ನು ವಶಕ್ಕೆ ಪಡೆದಿರುವ ಇರಾಕ್ಇ‌ ಪಡೆ ಕೆಲ ಹಳೆಯ ಕಟ್ಟಡಗಳಲ್ಲಿ ಅವಿತುಕೊಂಡಿರುವ ಉಗ್ರರ ಬೇಟೆಯನ್ನು ಮುಂದುವರಿಸಿದೆ.