ಬೇಹುಗಾರಿಕೆ ಉಪಗ್ರಹವನ್ನು ಕಕ್ಷೆಗೆ ಸೇರಿಸಿದ ಇಸ್ರೇಲ್‌, ಇರಾನ್‌ ಮೇಲೆ ಮತ್ತೊಂದು ಕಣ್ಣು?

ಜೆರುಸಲೆಂ: ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನ ಬಳಸುವ ಇಸ್ರೇಲ್‌ನ ಮಿಲಿಟರಿ ಬತ್ತಳಿಕೆಗೆ ಜು.6ರ ಸೋಮವಾರ ಮತ್ತೊಂದು ಅಸ್ತ್ರ ಸೇರ್ಪಡೆಗೊಂಡಿದೆ. ಇರಾನ್‌ ಸೇರಿದಂತೆ ಶತ್ರು ರಾಷ್ಟ್ರಗಳ ಮೇಲೆ ನಿಗಾ ಇಡಲು ಬೇಹುಗಾರಿಕೆ ಉಪಗ್ರಹವನ್ನು ಯಶಸ್ವಿಯಾಗಿ ಕಕ್ಷೆಗೆ ಸೇರಿಸಿರುವುದಾಗಿ ಇಸ್ರೇಲ್‌ ಸರಕಾರ ಘೋಷಿಸಿದೆ. ಇದರಿಂದ ದೇಶದ ಭದ್ರತೆಯ ಮೇಲೆ ನಿಗಾ ಇಡಲು ಹೆಚ್ಚುವರಿ ಅಸ್ತ್ರ ದೊರೆತಂತಾಗಿದೆ ಎಂದು ಇಸ್ರೇಲ್‌ ತಿಳಿಸಿದೆ.

'ಒಫೆಕ್‌ 16' ಹೆಸರಿನ ಈ ಉಪಗ್ರಹ ಉಡಾವಣೆಯೊಂದಿಗೆ ಇಸ್ರೇಲ್‌ ಬಳಿ ಈಗಾಗಲೇ ಇರುವ ಬೇಹುಗಾರಿಕೆ ಉಪಗ್ರಹಗಳ ಪಟ್ಟಿಗೆ ಮತ್ತೊಂದು ಸೇರ್ಪಡೆಯಾದಂತಾಗಿದೆ. ಕಳೆದ ಎರಡು ದಶಕಗಳಲ್ಲಿಇಸ್ರೇಲ್‌ ಇಂತಹ ಹಲವು ಉಪಗ್ರಹಗಳನ್ನು ಉಡಾವಣೆ ಮಾಡಿದೆ. ಯಾವ ದೇಶವನ್ನು ನಿರ್ದಿಷ್ಟವಾಗಿ ಗುರಿಯಾಗಿಸಿಕೊಂಡು ಈ ಉಪಗ್ರಹ ಉಡಾವಣೆ ಮಾಡಲಾಗಿದೆ ಮತ್ತು ಪ್ರಸ್ತುತ ಎಷ್ಟು ಬೇಹುಗಾರಿಕೆ ಉಪಗ್ರಹಗಳನ್ನು ಬಳಸಲಾಗುತ್ತಿದೆ ಎಂಬುದನ್ನು ಇಸ್ರೇಲ್‌ ಬಹಿರಂಗಪಡಿಸಿಲ್ಲ.

ಬದ್ಧ ಶತ್ರು ಇರಾನ್‌ ವಿರುದ್ಧ ಇಸ್ರೇಲ್‌ ಮೊದಲಿನಿಂದಲೂ ರಹಸ್ಯವಾಗಿ ಅಣ್ವಸ್ತ್ರ ತಯಾರಿಸುತ್ತಿರುವ ಆರೋಪವನ್ನು ಹೊರಿಸುತ್ತಾ ಬಂದಿದೆ. ಹೀಗಾಗಿ ಇದರ ಉದ್ದೇಶ ಇಸ್ರೇಲ್‌ ಮೇಲೆ ಕಣ್ಣಿಡುವುದೇ ಇರಬಹುದೆಂದು ಹೇಳಲಾಗಿದೆ. ಸೇನೆ ಹಾಗೂ ಅತ್ಯಾಧುನಿಕ ಅಸ್ತ್ರಗಳ ಬಳಕೆಯಲ್ಲಿ ಇಸ್ರೇಲ್‌ ಭಾರೀ ಮುಂದಿದೆ. ಭಾರತ ಕೂಡ ಹಲವು ರಕ್ಷಣಾ ಒಪ್ಪಂದಗಳನ್ನ ಇಸ್ರೇಲ್‌ ಜೊತೆ ಮಾಡಿಕೊಂಡಿದೆ. ಅನೇಕ ಆಮದು ಕೂಡ ನಡೆದಿದೆ. ಉಭಯ ದೇಶಗಳು ಮಿತ್ರರಾಗಿದ್ದು ಉತ್ತಮ ಸಂಬಂಧವನ್ನ ಹೊಂದಿದೆ.

ಸೌರ ಶಕ್ತಿಯಲ್ಲಿ ಓಡಲಿದೆ ಟ್ರೇನ್‌; ವಾಯು ಮಾಲಿನ್ಯ ತಡೆಗೆ ಸೌರ ವಿದ್ಯುತ್‌ ಸ್ಥಾವರ ಸ್ಥಾಪಿಸಿದ ರೈಲ್ವೆ ಇಲಾಖೆ!