ರೈಲಿನ ವೇಗ 1 ನಿಮಿಷ ಹೆಚ್ಚಳಕ್ಕೆ 2 ವರ್ಷದ ಯೋಜನೆ!

ಟೋಕಿಯೊ: ಬುಲೆಟ್‌ ರೈಲಿನ ವೇಗವನ್ನು ಒಂದು ನಿಮಿಷ ಹೆಚ್ಚಿಸುವ ನಿಟ್ಟಿನಲ್ಲಿ ಪೂರ್ವ ಜಪಾನ್‌ ರೈಲ್ವೆ ಕಂಪನಿ ಎರಡು ವರ್ಷದ ಹಳಿ ನಿರ್ಮಾಣ ಯೋಜನೆಗೆ ಚಾಲನೆ ನೀಡಿದೆ. ಸದ್ಯ ರೈಲು ಉಯಿನೋದಿಂದ ಒಮಿಯಾುವರೆಗೆ ಗಂಟೆಗೆ 110 ಕಿ.ಮೀ ವೇಗದಲ್ಲಿ ಸಂಚರಿಸುತ್ತಿದೆ. ಯೋಜನೆ ಪೂರ್ಣಗೊಂಡ ಬಳಿಕ ಗಂಟೆಗೆ 130 ಕಿ.ಮೀ ವೇಗದಲ್ಲಿ ಸಂಚರಿಸಲಿದೆ.

ಸದ್ಯ ಈ ಎರಡೂ ನಗರಗಳ ನಡುವಿನ ಪ್ರಯಾಣ ಅವಧಿ 30 ನಿಮಿಷವಾಗಿದ್ದು, ಯೋಜನೆ ಬಳಿಕ 29 ನಿಮಿಷಕ್ಕೆ ಇಳಿಕೆಯಾಗಲಿದೆ. ಇದರಿಂದ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರಿ ಏರಿಕೆ ಕಂಡುಬರಲಿದೆ ಎಂದು ಕಂಪನಿ ಹೇಳಿದೆ.