ಜಪಾನ್‌ನಲ್ಲಿ ಭಾರಿ ಸದ್ದು ಮಾಡಿದ್ದ ಮೀಟೂ ಅಭಿಯಾನ, ಪತ್ರಕರ್ತೆಗೆ 30 ಸಾವಿರ ಡಾಲರ್‌ ಪರಿಹಾರ

ಟೋಕಿಯೊ: ಜಪಾನ್‌ನಲ್ಲಿ ಭಾರಿ ಸದ್ದು ಮಾಡಿದ್ದ ಮೀ ಟೂ ಆಂದೋಲನದ ವೇಳೆ ಪತ್ರಕರ್ತೆ ಹಾಗೂ ಚಿತ್ರ ನಿರ್ಮಾಪಕಿ ಶಿಯೋರಿ ಇಟೊ ಮಾಡಿದ್ದ ಅತ್ಯಾಚಾರ ಆರೋಪ ಪ್ರಕರಣದಲ್ಲಿ ಸ್ಥಳೀಯ ನ್ಯಾಯಾಲಯ ಟಿಬಿಎಸ್‌ ನೆಟ್‌ವರ್ಕ್ ಚಾನೆಲ್‌ನ ಮಾಜಿ ವರದಿಗಾರನೊಬ್ಬನಿಗೆ 30 ಸಾವಿರ ಡಾಲರ್‌ ಹಣವನ್ನು ನಷ್ಟ ಭರ್ತಿ ರೂಪದಲ್ಲಿ ಪಾವತಿಸುವಂತೆ ಆದೇಶಿಸಿದೆ.

ಜಪಾನ್‌ನಲ್ಲಿಅತ್ಯಾಚಾರ ಪ್ರಕರಣಗಳು ವರದಿಯಾಗುವುದೇ ಅಪರೂಪ ಎಂದು ಸರಕಾರಿ ಸಮೀಕ್ಷೆಯೊಂದರ ವರದಿ ಹಿನ್ನೆಲೆಯಲ್ಲಿಇಟೊ ಅವರ ಪ್ರಕರಣ 2017ರಲ್ಲಿದೇಶಾದ್ಯಂತ ಗಮನ ಸೆಳೆದಿತ್ತು. ಇಟೊ ಅವರ ಪ್ರಕರಣವು ಲೈಂಗಿಕ ದೌರ್ಜನ್ಯ ಎದುರಿಸುವ ಮಹಿಳೆಯರ ಕಾನೂನು ಹೋರಾಟದ ಸಂಕೇತವೆಂದೇ ಮಾಧ್ಯಮಗಳು ಬಿಂಬಿಸಿದ್ದವು.

ಪ್ರಧಾನಿ ಶಿಂಜೊ ಅಬೆ ಅವರೊಂದಿಗೆ ನಿಕಟ ಸಂಪರ್ಕ ಹೊಂದಿದ್ದಾರೆ ಎನ್ನಲಾದ ಟಿಬಿಎಸ್‌ ನೆಟ್‌ವರ್ಕ್ ಚಾನೆಲ್‌ನ ಮಾಜಿ ವರದಿಗಾರ ನೋರಿಯೋಕಿ ಯಮಗುಚಿ ಅವರ ಮೇಲೆ ಶಿಯೋರಿ 2015ರಲ್ಲಿಅತ್ಯಾಚಾರ ಆರೋಪ ಮಾಡಿದ್ದರು. ಮಾಧ್ಯಮ ಕ್ಷೇತ್ರದಲ್ಲಿಒಳ್ಳೆಯ ಹುದ್ದೆ ಕೊಡಿಸುವ ಸಂಬಂಧ ಚರ್ಚಿಸಲು ಟೊಕಿಯೊದಲ್ಲಿಡಿನ್ನರ್‌ಗೆ ಕರೆದು ನನ್ನ ಮೇಲೆ ಯಮಗುಚಿ ಅತ್ಯಾಚಾರ ಎಸಗಿದ್ದರು ಎಂದು ಆರೋಪಿಸಿದ್ದರು.

ಎಂಜೆ ಅಕ್ಬರ್‌ ವಿರುದ್ಧ ಮಿ ಟೂ ಆರೋಪಿಸಿದ್ದ ಪತ್ರಕರ್ತೆ ಘಟನೆ ವಿವರಿಸಿದಾಗ ಮುಖ ನೋಡಿ ನಕ್ಕ ವಕೀಲರ ತಂಡ!

ತಮ್ಮ ಮೇಲಿನ ಆರೋಪಗಳನ್ನು ಅಲ್ಲಗಳೆದಿದ್ದ ಯಮಗುಚಿ ವರ್ಚಸ್ಸಿಗೆ ಧಕ್ಕೆ ತರಲಾಗಿದೆ ಎಂದು ಹೇಳಿ ಭಾರಿ ಮೊತ್ತದ ಪರಿಹಾರ ನೀಡುವಂತೆ ಪ್ರತಿ ಖಟ್ಲೆಹೂಡಿದ್ದರು. ಆದರೆ ಟೊಕಿಯೊ ಜಿಲ್ಲಾಕೋರ್ಟ್‌ ಇಟೊ ಅವರ ಆರೋಪಗಳಲ್ಲಿಸತ್ಯಾಂಶವಿದೆ ಎಂದು ತೀರ್ಪು ನೀಡಿ, ಅವರಿಗೆ ಪರಿಹಾರ ರೂಪದಲ್ಲಿ 30 ಸಾವಿರ ಡಾಲರ್‌ ಹಣ ನೀಡುವಂತೆ ಯಮಗುಚಿಗೆ ಆದೇಶಿಸಿ ತೀರ್ಪು ನೀಡಿದೆ.