ಲೈಂಗಿಕ ಕಳ್ಳಸಾಗಣಿಕೆ ಆರೋಪ ಹೊತ್ತಿದ್ದ ಅಮೆರಿಕದ ಕೋಟ್ಯಧೀಶ ಜೈಲಿನಲ್ಲಿ ಆತ್ಮಹತ್ಯೆಗೆ ಶರಣು
ಅಮೆರಿಕದ ಪ್ರಭಾವಿ ರಾಜಕಾರಣಿಗಳು, ಸಿನಿ ತಾರೆಯರೊಂದಿಗೆ ಆತ್ಮೀಯ ಗೆಳೆತನ ಹೊಂದಿದ್ದ ಜೆಫ್ರೆ ವಿರುದ್ಧ ಆರೋಪ ಸಾಬೀತಾಗಿ ಆತನನ್ನು ಅಪರಾಧಿ ಎಂದು ಕೋರ್ಟ್ ನಿರ್ಧರಿಸಿತ್ತು.
Vijaya Karnataka 11 Aug 2019, 8:46 am
ನ್ಯೂಯಾರ್ಕ್: ಅಪ್ರಾಪ್ತೆಯರನ್ನು ಲೈಂಗಿಕ ಕಳ್ಳಸಾಗಣಿಕೆ ಜಾಲಕ್ಕೆ ದೂಡಿದ ಆರೋಪ ಎದುರಿಸುತ್ತಿದ್ದ ಅಮೆರಿಕ ಕೋಟ್ಯಧೀಶ ಜೆಫ್ರೆ ಎಪ್ಸ್ಟೀನ್(66) ತಾವಿದ್ದ ಕಾರಾಗೃಹದಲ್ಲಿಯೇ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಅಮೆರಿಕದ ಮಾಧ್ಯಮಗಳು ವರದಿ ಮಾಡಿವೆ.
ಅಮೆರಿಕದ ಪ್ರಭಾವಿ ರಾಜಕಾರಣಿಗಳು, ಸಿನಿ ತಾರೆಯರೊಂದಿಗೆ ಆತ್ಮೀಯ ಗೆಳೆತನ ಹೊಂದಿದ್ದ ಜೆಫ್ರೆ ವಿರುದ್ಧ ಆರೋಪ ಸಾಬೀತಾಗಿ ಆತನನ್ನು ಅಪರಾಧಿ ಎಂದು ಕೋರ್ಟ್ ನಿರ್ಧರಿಸಿತ್ತು. ಆದರೆ ಶಿಕ್ಷೆ ಅವಧಿಯನ್ನು ಪ್ರಕಟಿಸಿರಲಿಲ್ಲ. ಮೆಟ್ರೋಪಾಲಿಟನ್ ಕರೆಕ್ಷನಲ್ ಸೆಂಟರ್ನಲ್ಲಿ ಆತ ಬಂಧಿಯಾಗಿದ್ದ. ಆತನಿಗೆ ಮಾನಸಿಕ ಚಿಕಿತ್ಸೆ ಕೂಡ ನೀಡಲಾಗುತ್ತಿತ್ತು. ಆದರೆ ಶನಿವಾರ ಬೆಳಗ್ಗೆ 7.30ಕ್ಕೆ ಏಕಾಏಕಿ ಆತ ತನ್ನ ಕೊಠಡಿಯಲ್ಲಿ ನೇಣಿಗೆ ಶರಣಾಗಿದ್ದಾನೆ ಎಂದು ಕಾರಾಗೃಹದ ಅಧಿಕಾರಿಗಳು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಕಳೆದ ಜುಲೈನಲ್ಲಿ ಕೂಡ ಜೆಫ್ರೆ ಆತ್ಮಹತ್ಯೆಗೆ ಯತ್ನಿಸಿದ್ದ. ಆತನ ಕುತ್ತಿಗೆ ಭಾಗದಲ್ಲಿ ಹಗ್ಗ ಸುತ್ತಿಕೊಂಡಿದ್ದ ಗುರುತುಗಳು ಪತ್ತೆಯಾಗಿ ಭಾರಿ ಸುದ್ದಿಯಾಗಿತ್ತು.
ಜೆಫ್ರೆ ನೇಣಿಗೆ ಶರಣಾದ ಕೇಂದ್ರದಲ್ಲಿಯೇ ಮೆಕ್ಸಿಕೋದ ಮಾದಕ ವಸ್ತುಗಳ ಜಾಲದ ಮುಖ್ಯಸ್ಥ ಜೊವಾಕಿನ್ ಎಲ್ ಚಾಪೋ ಗುಜ್ಮನ್ ಕೂಡ ಇದೇ ಕೇಂದ್ರದಲ್ಲಿ ಎರಡು ವರ್ಷ ಕಾರಾಗೃಹ ಶಿಕ್ಷೆ ಅನುಭವಿಸಿದ್ದ.
ಅಮೆರಿಕದ ಪ್ರಭಾವಿ ರಾಜಕಾರಣಿಗಳು, ಸಿನಿ ತಾರೆಯರೊಂದಿಗೆ ಆತ್ಮೀಯ ಗೆಳೆತನ ಹೊಂದಿದ್ದ ಜೆಫ್ರೆ ವಿರುದ್ಧ ಆರೋಪ ಸಾಬೀತಾಗಿ ಆತನನ್ನು ಅಪರಾಧಿ ಎಂದು ಕೋರ್ಟ್ ನಿರ್ಧರಿಸಿತ್ತು. ಆದರೆ ಶಿಕ್ಷೆ ಅವಧಿಯನ್ನು ಪ್ರಕಟಿಸಿರಲಿಲ್ಲ. ಮೆಟ್ರೋಪಾಲಿಟನ್ ಕರೆಕ್ಷನಲ್ ಸೆಂಟರ್ನಲ್ಲಿ ಆತ ಬಂಧಿಯಾಗಿದ್ದ. ಆತನಿಗೆ ಮಾನಸಿಕ ಚಿಕಿತ್ಸೆ ಕೂಡ ನೀಡಲಾಗುತ್ತಿತ್ತು. ಆದರೆ ಶನಿವಾರ ಬೆಳಗ್ಗೆ 7.30ಕ್ಕೆ ಏಕಾಏಕಿ ಆತ ತನ್ನ ಕೊಠಡಿಯಲ್ಲಿ ನೇಣಿಗೆ ಶರಣಾಗಿದ್ದಾನೆ ಎಂದು ಕಾರಾಗೃಹದ ಅಧಿಕಾರಿಗಳು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಕಳೆದ ಜುಲೈನಲ್ಲಿ ಕೂಡ ಜೆಫ್ರೆ ಆತ್ಮಹತ್ಯೆಗೆ ಯತ್ನಿಸಿದ್ದ. ಆತನ ಕುತ್ತಿಗೆ ಭಾಗದಲ್ಲಿ ಹಗ್ಗ ಸುತ್ತಿಕೊಂಡಿದ್ದ ಗುರುತುಗಳು ಪತ್ತೆಯಾಗಿ ಭಾರಿ ಸುದ್ದಿಯಾಗಿತ್ತು.
ಜೆಫ್ರೆ ನೇಣಿಗೆ ಶರಣಾದ ಕೇಂದ್ರದಲ್ಲಿಯೇ ಮೆಕ್ಸಿಕೋದ ಮಾದಕ ವಸ್ತುಗಳ ಜಾಲದ ಮುಖ್ಯಸ್ಥ ಜೊವಾಕಿನ್ ಎಲ್ ಚಾಪೋ ಗುಜ್ಮನ್ ಕೂಡ ಇದೇ ಕೇಂದ್ರದಲ್ಲಿ ಎರಡು ವರ್ಷ ಕಾರಾಗೃಹ ಶಿಕ್ಷೆ ಅನುಭವಿಸಿದ್ದ.