ವಾಷಿಂಗ್ಟನ್: ಅಮೆರಿಕದ 46ನೇ ಅಧ್ಯಕ್ಷರಾಗಿ ಡೆಮಾಕ್ರೆಟಿಕ್ ಪಕ್ಷದ ಜೋ ಬಿಡೆನ್ ಪ್ರಮಾಣವಚನ ಸ್ವೀಕರಿಸಿದ್ದಾರೆ. ಕ್ಯಾಪಿಟಲ್ ಭವನದಲ್ಲಿ ನಡೆದ ಅದ್ದೂರಿ ಸಮಾರಂಭದಲ್ಲಿ ಜೋ ಬಿಡೆನ್ ಅಮೆರಿಕದ ಅಧ್ಯಕ್ಷರಾಗಿ ಪ್ರಮಾಣವಚನ ಸ್ವೀಕರಿಸಿದರು.
ಅಮೆರಿಕದ ಅಧ್ಯಕ್ಷರಾಗಿ ಪ್ರಮಾಣವಚನ ಸ್ವೀಕರಿಸಿ ಮಾತನಾಡಿದ ಜೋ ಬಿಡನ್, ಅಮೆರಿಕದ ಆತ್ಮವನ್ನು ಸರಿಪಡಿಸಲು ನಾವೆಲ್ಲಾ ಒಟ್ಟಾಗಿ ಶ್ರಮಿಸಬೇಕಿದೆ ಎಂದು ಕರೆ ನೀಡಿದರು.
ಅಮೆರಿಕಕ್ಕೆ ಹೊಸ ದಿನ: ಜೋ ಬಿಡೆನ್, ಕಮಲಾ ಹ್ಯಾರಿಸ್ ಪದಗ್ರಹಣಕ್ಕೆ ಕ್ಷಣಗಣನೆ!
ಅಮೆರಿಕದ ಪ್ರಜಾಪ್ರಭುತ್ವ ವಿಶ್ವಕ್ಕೆ ಮಾದರಿಯಾಗಿದ್ದು, ನಾವು ಈ ಪ್ರಜಾಪ್ರಭುತ್ವದ ಆತ್ಮವನ್ನು ಸರಿಪಡಿಸುವ ಕಾರ್ಯಕ್ಕೆ ಚಾಲನೆ ನೀಡಿದ್ದೇವೆ ಎಂದು ಜೋ ಬಿಡೆನ್ ಹೇಳಿದರು.
ಅಮೆರಿಕ ಕಳೆದ ನಾಲ್ಕು ವರ್ಷಗಳಲ್ಲಿ ಅತ್ಯಂತ ಘಾತಕ ಕ್ಷಣಗಳನ್ನು ಎದುರಿಸಿದೆ. ನಮ್ಮ ಪ್ರಜಾಪ್ರಭುತ್ವ ಮೌಲ್ಯಗಳ ಮೇಲೆ ನಡೆದ ದಾಳಿಯಬನ್ನು ನಾವು ದಿಟ್ಟತನದಿಂದ ಎದುರಿಸಿದ್ದೇವೆ ಎಂದು ಜೋ ಬಿಡೆನ್ ಹೇಳಿದರು.
ಅಮೆರಿಕದ ಪ್ರಜಾಪ್ರಭುತ್ವ ಮೌಲ್ಯಗಳನ್ನು ಯಾರಿಂದಲೂ ಕಸಿಯಲು ಸಾಧ್ಯವಿಲ್ಲ. ಈ ಮೌಲ್ಯಗಳ ಆಧಾರದ ಮೇಲೆಯೇ ನಾವು ಮುನ್ನೆಡೆಯಲಿದ್ದೇವೆ ಎಂದು ಜೋ ಬಿಡೆನ್ ನುಡಿದರು.
ಬಿಡೆನ್ ಪದಗ್ರಹಣಕ್ಕೆ ಕ್ಷಣಗಣನೆ; ವಾಷಿಂಗ್ಟನ್ನಲ್ಲಿ ಅಫ್ಘಾನಿಸ್ತಾನ, ಇರಾಕ್ಗಿಂತಲೂ ಹೆಚ್ಚಿನ ಸೇನೆ ಜಮಾವಣೆ
ನಾನು ಎಲ್ಲ ಅಮೆರಿಕನ್ನರ ಅಧ್ಯಕ್ಷ ಎಂದು ಘೋಷಿಸಿದ ಜೋ ಬಿಡೆನ್, ತಮ್ಮ ಆಡಳಿತದಲ್ಲಿ ಎಲ್ಲರೂ ಸಮಾನರು ಎಂದು ನುಡಿದರು. ನಾವೆಲ್ಲರೂ ಸೇರಿ ಈ ದೇಶವನ್ನು ಮುನ್ನಡಸೋಣ ಎಂದು ಜೋ ಬಿಡೆನ್ ಅಮೆರಿಕನ್ನರಿಗೆ ಕರೆ ನೀಡಿದರು.
ಅಮೆರಿಕ ಯಾವಾಗಲೂ ವಿಶ್ವಕ್ಕೆ ಮಾದರಿಯಾಗಿ ತನ್ನ ಆಡಳಿತವನ್ನು ನಡೆಸಿದೆ. ಕಳೆದ ನಾಲ್ಕು ವರ್ಷಗಳಲ್ಲಿ ಈ ಮಾದರಿಗೆ ಭಾರೀ ಪೆಟ್ಟು ಬಿದ್ದಿದ್ದು, ನಾವು ಇದನ್ನು ಸರಿಪಡಿಸಬೇಕಿದೆ ಎಂದು ಬಿಡೆನ್ ನುಡಿದರು.
ನಾನು ಸಮಸ್ತ ಅಮೆರಿಕನ್ನರ ಆತ್ಮದ ಧ್ವನಿಯಾಗಿ ನಿಮ್ಮ ಮುಂದೆ ನಿಂತಿದ್ದೇನೆ. ಅಮೆರಿಕವನ್ನು ಮತ್ತೆ ಜಾಗತಿಕ ಮಾದರಿ ರಾಷ್ಟ್ರವನ್ನಾಗಿ ಮಾಡುವುದೇ ನನ್ನ ಗುರಿ. ಈ ಉದ್ದೇಶ ಸಾಧನೆಗೆ ನನಗೆ ನಿಮ್ಮೆಲ್ಲರ ಸಹಕಾರದ ಅವಶ್ಯಕತೆ ಇದೆ ಎಂಧು ಜೋ ಬಿಡೆನ್ ಮನವಿ ಮಾಡಿದರು.
ಅಮೆರಿಕದ ಮೊದಲ ಮಹಿಳಾ ಉಪಾಧ್ಯಕ್ಷೆಯಾಗಿ ಪ್ರಮಾಣವಚನ ಸ್ವೀಕರಿಸಿದ ಕಮಲಾ ಹ್ಯಾರಿಸ್
ಒಟ್ಟಿನಲ್ಲಿ ಅಮೆರಿಕದಲ್ಲಿ ಹೊಸ ಶಕೆ ಆರಂಭವಾಗಿದ್ದು, ಜೋ ಬಿಡೆನ್ ಆಡಳಿತಾವಧಿಯಲ್ಲಿ ಅಮೆರಿಕ ಯಾವ ದಿಕ್ಕಿನತ್ತ ಸಾಗಲಿದೆ ಎಂಬುದನ್ನು ಇಡೀ ವಿಶ್ವ ಕಾದು ನೋಡಬೇಕಿದೆ.
ಅಮೆರಿಕದ ಅಧ್ಯಕ್ಷರಾಗಿ ಪ್ರಮಾಣವಚನ ಸ್ವೀಕರಿಸಿ ಮಾತನಾಡಿದ ಜೋ ಬಿಡನ್, ಅಮೆರಿಕದ ಆತ್ಮವನ್ನು ಸರಿಪಡಿಸಲು ನಾವೆಲ್ಲಾ ಒಟ್ಟಾಗಿ ಶ್ರಮಿಸಬೇಕಿದೆ ಎಂದು ಕರೆ ನೀಡಿದರು.
ಅಮೆರಿಕಕ್ಕೆ ಹೊಸ ದಿನ: ಜೋ ಬಿಡೆನ್, ಕಮಲಾ ಹ್ಯಾರಿಸ್ ಪದಗ್ರಹಣಕ್ಕೆ ಕ್ಷಣಗಣನೆ!
ಅಮೆರಿಕದ ಪ್ರಜಾಪ್ರಭುತ್ವ ವಿಶ್ವಕ್ಕೆ ಮಾದರಿಯಾಗಿದ್ದು, ನಾವು ಈ ಪ್ರಜಾಪ್ರಭುತ್ವದ ಆತ್ಮವನ್ನು ಸರಿಪಡಿಸುವ ಕಾರ್ಯಕ್ಕೆ ಚಾಲನೆ ನೀಡಿದ್ದೇವೆ ಎಂದು ಜೋ ಬಿಡೆನ್ ಹೇಳಿದರು.
ಅಮೆರಿಕ ಕಳೆದ ನಾಲ್ಕು ವರ್ಷಗಳಲ್ಲಿ ಅತ್ಯಂತ ಘಾತಕ ಕ್ಷಣಗಳನ್ನು ಎದುರಿಸಿದೆ. ನಮ್ಮ ಪ್ರಜಾಪ್ರಭುತ್ವ ಮೌಲ್ಯಗಳ ಮೇಲೆ ನಡೆದ ದಾಳಿಯಬನ್ನು ನಾವು ದಿಟ್ಟತನದಿಂದ ಎದುರಿಸಿದ್ದೇವೆ ಎಂದು ಜೋ ಬಿಡೆನ್ ಹೇಳಿದರು.
ಅಮೆರಿಕದ ಪ್ರಜಾಪ್ರಭುತ್ವ ಮೌಲ್ಯಗಳನ್ನು ಯಾರಿಂದಲೂ ಕಸಿಯಲು ಸಾಧ್ಯವಿಲ್ಲ. ಈ ಮೌಲ್ಯಗಳ ಆಧಾರದ ಮೇಲೆಯೇ ನಾವು ಮುನ್ನೆಡೆಯಲಿದ್ದೇವೆ ಎಂದು ಜೋ ಬಿಡೆನ್ ನುಡಿದರು.
ಬಿಡೆನ್ ಪದಗ್ರಹಣಕ್ಕೆ ಕ್ಷಣಗಣನೆ; ವಾಷಿಂಗ್ಟನ್ನಲ್ಲಿ ಅಫ್ಘಾನಿಸ್ತಾನ, ಇರಾಕ್ಗಿಂತಲೂ ಹೆಚ್ಚಿನ ಸೇನೆ ಜಮಾವಣೆ
ನಾನು ಎಲ್ಲ ಅಮೆರಿಕನ್ನರ ಅಧ್ಯಕ್ಷ ಎಂದು ಘೋಷಿಸಿದ ಜೋ ಬಿಡೆನ್, ತಮ್ಮ ಆಡಳಿತದಲ್ಲಿ ಎಲ್ಲರೂ ಸಮಾನರು ಎಂದು ನುಡಿದರು. ನಾವೆಲ್ಲರೂ ಸೇರಿ ಈ ದೇಶವನ್ನು ಮುನ್ನಡಸೋಣ ಎಂದು ಜೋ ಬಿಡೆನ್ ಅಮೆರಿಕನ್ನರಿಗೆ ಕರೆ ನೀಡಿದರು.
ಅಮೆರಿಕ ಯಾವಾಗಲೂ ವಿಶ್ವಕ್ಕೆ ಮಾದರಿಯಾಗಿ ತನ್ನ ಆಡಳಿತವನ್ನು ನಡೆಸಿದೆ. ಕಳೆದ ನಾಲ್ಕು ವರ್ಷಗಳಲ್ಲಿ ಈ ಮಾದರಿಗೆ ಭಾರೀ ಪೆಟ್ಟು ಬಿದ್ದಿದ್ದು, ನಾವು ಇದನ್ನು ಸರಿಪಡಿಸಬೇಕಿದೆ ಎಂದು ಬಿಡೆನ್ ನುಡಿದರು.
ನಾನು ಸಮಸ್ತ ಅಮೆರಿಕನ್ನರ ಆತ್ಮದ ಧ್ವನಿಯಾಗಿ ನಿಮ್ಮ ಮುಂದೆ ನಿಂತಿದ್ದೇನೆ. ಅಮೆರಿಕವನ್ನು ಮತ್ತೆ ಜಾಗತಿಕ ಮಾದರಿ ರಾಷ್ಟ್ರವನ್ನಾಗಿ ಮಾಡುವುದೇ ನನ್ನ ಗುರಿ. ಈ ಉದ್ದೇಶ ಸಾಧನೆಗೆ ನನಗೆ ನಿಮ್ಮೆಲ್ಲರ ಸಹಕಾರದ ಅವಶ್ಯಕತೆ ಇದೆ ಎಂಧು ಜೋ ಬಿಡೆನ್ ಮನವಿ ಮಾಡಿದರು.
ಅಮೆರಿಕದ ಮೊದಲ ಮಹಿಳಾ ಉಪಾಧ್ಯಕ್ಷೆಯಾಗಿ ಪ್ರಮಾಣವಚನ ಸ್ವೀಕರಿಸಿದ ಕಮಲಾ ಹ್ಯಾರಿಸ್
ಒಟ್ಟಿನಲ್ಲಿ ಅಮೆರಿಕದಲ್ಲಿ ಹೊಸ ಶಕೆ ಆರಂಭವಾಗಿದ್ದು, ಜೋ ಬಿಡೆನ್ ಆಡಳಿತಾವಧಿಯಲ್ಲಿ ಅಮೆರಿಕ ಯಾವ ದಿಕ್ಕಿನತ್ತ ಸಾಗಲಿದೆ ಎಂಬುದನ್ನು ಇಡೀ ವಿಶ್ವ ಕಾದು ನೋಡಬೇಕಿದೆ.