2015-ಚಾರ್ಲಿ ಹೆಬ್ಡೋ ಕಚೇರಿ ಮೇಲೆ ದಾಳಿ!
ಪ್ರವಾದಿ ಮೊಹಮ್ಮದ್ ಅವರ ವ್ಯಂಗ್ಯಚಿತ್ರ ಪ್ರಕಟಿಸಿದ ಫ್ರಾನ್ಸ್ ಸಾಪ್ತಾಹಿಕ ಪತ್ರಿಕೆ ಚಾರ್ಲಿ ಹೆಬ್ಡೋ ಕಚೇರಿ ಮೇಲೆ, 2015ರ ಜನವರಿ 7ರಂದು ಭಯೋತ್ಪಾದಕರು ದಾಳಿ ನಡೆಸಿದರು. ಯೆಮನ್ನ ಅಲ್-ಖೈದಾ ಭಯೋತ್ಪಾದಕ ಗುಂಪಿಗೆ ಸೇರಿದ ಸಾದ್ ಮತ್ತು ಚಾರಿಫ್ ಕೌಚಿ ಸಹೋದರರು, ಚಾರ್ಲಿ ಹೆಬ್ಡೋ ಕಚೇರಿ ಮೇಲೆ ದಾಳಿ ಮಾಡಿದರು.
ಏಕಾಏಕಿ ನಡೆದ ಗುಂಡಿನ ದಾಳಿಯಲ್ಲಿ ಚಾರ್ಲಿ ಹೆಬ್ಡೋ ಕಚೇರಿಯ ಸಿಬ್ಬಂದಿಯೂ ಸೇರಿದಂತೆ ಒಟ್ಟು 12 ಜನ ತಮ್ಮ ಪ್ರಾಣ ಕಳೆದುಕೊಂಡರು. ಅಲ್ಲದೇ ಪೊಲೀಸರು ಇಬ್ಬರೂ ಭಯೋತ್ಪಾದಕ ದಾಳಿಕೋರರನ್ನು ಹೊಡೆದುರುಳಿಸಿದರು.
ಪ್ಯಾರಿಸ್ನಲ್ಲಿ ಅಪರಿಚಿತರಿಂದ ಚಾಕು ಇರಿತ: ನಾಲ್ವರ ಸ್ಥಿತಿ ಗಂಭೀರ, ಓರ್ವನ ಬಂಧನ!
ಚಾರ್ಲಿ ಹೆಬ್ಡೋ ಕಚೇರಿ ಮೇಲೆ ನಡೆದ ಭಯೋತ್ಪಾದಕ ದಾಳಿ ಕೇವಲ ಫ್ರಾನ್ಸ್ ಮಾತ್ರವಲ್ಲದೇ ಇಡೀ ಜಗತ್ತನ್ನು ತಲ್ಲಣಗೊಳಿಸಿತ್ತು.
ನವೆಂಬರ್ 2015: ಪ್ಯಾರಿಸ್ ದಾಳಿ!
ಫ್ರಾನ್ಸ್ನ ಇತಿಹಾಸದಲ್ಲೇ ಅತ್ಯಂತ ಭೀಕರ ಭಯೋತ್ಪಾದಕ ದಾಳಿ ಎಂದು ಪರಿಗಣಿಸಲ್ಪಡುವ ನವೆಂಬರ್ 2015ರ ಪ್ಯಾರಿಸ್ ದಾಳಿ ಭಾರೀ ಸಾವು-ನೋವಿಗೆ ಕಾರಣವಾಗಿತ್ತು. ಪ್ಯಾರಿಸ್ ನಗರದ ಸಂಗೀತ ಸ್ಥಳ, ಕ್ರೀಡಾಂಗಣ ಮತ್ತು ಹಲವಾರು ಬಾರ್ ಮತ್ತು ರೆಸ್ಟೋರೆಂಟ್ಗಳ ಮೇಲೆ ಭಯೋತ್ಪಾದಕರು ಏಕಾಏಕಿ ನಡೆದ ದಾಳಿಯಲ್ಲಿ ಸುಮಾರು 90 ಜನರು ತಮ್ಮ ಪ್ರಾಣವನ್ನು ಕಳೆದುಕೊಂಡಿದ್ದರು.
ಪ್ಯಾರಿಸ್ ದಾಳಿಗೆ ಒಂದು ವರ್ಷದ ಕಹಿನೆನಪು
ಸುಮಾರು 40 ನಿಮಿಷಗಳ ಅವಧಿಯಲ್ಲಿ ಮೂರು ಪ್ರತ್ಯೇಕ ಆತ್ಮಾಹುತಿ ಬಾಂಬ್ ಸ್ಫೋಟ ಸಂಭವಿಸಿತ್ತು.ಈ ವೇಳೆ ಸ್ಟೇಡ್ ಡಿ ಫ್ರಾನ್ಸ್ ಫುಟ್ಬಾಲ್ ಮೈದಾನದಲ್ಲಿ, ಫ್ರಾನ್ಸ್ ಮತ್ತು ಜರ್ಮನಿ ನಡುವಿನ ಫುಟ್ಬಾಲ್ ಪಂದ್ಯದಿಂದ ಫ್ರಾನ್ಸ್ ಅಧ್ಯಕ್ಷ ಫ್ರಾಂಕೋಯಿಸ್ ಹೊಲಾಂಡ್ ಅವರನ್ನು ಸ್ಥಳಾಂತರಿಸಲಾಗಿತ್ತು. ಈ ದಾಳಿಯ ಹೊಣೆಯನ್ನು ಕುಖ್ಯಾತ ಭಯೋತ್ಪಾದಕ ಸಂಘಟನೆ ಐಸಿಸ್ ಹೊತ್ತುಕೊಂಡಿತ್ತು.
2020-ಸರಣಿ ಚಾಕು ದಾಳಿಗಳು!
2020ರಲ್ಲಿ ಫ್ರಾನ್ಸ್ನ ರಾಜಧಾನಿ ಪ್ಯಾರಿಸ್ ಸೇರಿದಂತೆ ಹಲವು ಕಡೆ ಸರಣಿ ಚಾಕು ದಾಳಿಗಳು ಸಂಭವಿಸಿದವು. ಏಪ್ರಿಲ್ 4ರಂದು ರೋಮನ್ಸ್ ಸುರ್ ಇಸಿರೆ ಬಳಿ ನಡೆದ ಚಾಕು ದಾಳಿಯಲ್ಲಿ, ಇಬ್ಬರು ಸಾವನ್ನಪ್ಪಿ ಐವರು ಗಂಭೀರವಾಗಿ ಗಾಯಗೊಂಡರು.
ಪ್ಯಾರಿಸ್ನಲ್ಲಿ ಅಪರಿಚಿತರಿಂದ ಚಾಕು ಇರಿತ: ನಾಲ್ವರ ಸ್ಥಿತಿ ಗಂಭೀರ, ಓರ್ವನ ಬಂಧನ!
ಬಳಿಕ ಸೆಪ್ಟೆಂಬರ್ನಲ್ಲಿ ಮೂವರು ಆಗಂತುಕರಿಂದ ಚಾರ್ಲಿ ಹೆಬ್ಡೋದ ಹಳೆಯ ಕಚೇರಿ ಬಳಿ ಚಾಕು ದಾಳಿ ನಡೆಯಿತು. ಈ ದಾಳಿಯಲ್ಲಿ ನಾಲ್ವರು ಗಂಭೀರವಾಗಿ ಗಾಯಗೊಂಡಿದ್ದರು. ಪ್ರವಾದಿ ಮೊಹಮ್ಮದ್ ಅವರ ವ್ಯಂಗ್ಯಚಿತ್ರ ಪ್ರಕಟಿಸಿದ್ದರ ವಿರುದ್ಧ ನಡೆದ ದಾಳಿಯ ವಿಚಾರಣಾ ತೀರ್ಪು ಪ್ರಕಟವಾಗುವ ಮುನ್ನವೇ ಈ ದಾಳಿ ನಡೆಸಲಾಗಿತ್ತು.
ಅಕ್ಟೋಬರ್ 29, 2020-ನೈಸ್ ಚರ್ಚ್ ದಾಳಿ!
ಫ್ರಾನ್ಸ್ನಲ್ಲಿ ನಡೆಯುತ್ತಿರುವ ಸರಣಿ ಭಯೋತ್ಪಾದಕ ದಾಳಿಗಳ ಮುಂದುವರೆದ ಭಾಗವಾಗಿ, ಇಂದು(ಅ.29) ನೈಸ್ ನಗರದ ಚರ್ಚ್ವೊಂದರಲ್ಲಿ ಭೀಭತ್ಸ ಭಯೋತ್ಪಾದಕ ದಾಳಿ ನಡೆದಿದೆ.
ಇಲ್ಲಿನ ನೋಟ್ರೆ ಡಾಮೆ ಚರ್ಚ್ಗೆ ಹರಿತವಾದ ಚಾಕುವಿನೊಂದಿಗೆ ನುಗ್ಗಿದ ಆಗಂತುಕ, ಚರ್ಚ್ನಲ್ಲಿ ಪ್ರಾರ್ಥನೆ ಸಲ್ಲಿಸುತ್ತಿದ್ದ ಮಹಿಳೆಯೋರ್ವಳ ಶಿರಚ್ಛೇದ ಮಾಡಿದ್ದಲ್ಲದೇ ಇತರ ಇಬ್ಬರನ್ನು ಇರಿದು ಕೊಂದಿದ್ದಾನೆ.
ಫ್ರಾನ್ಸ್ನ ಚರ್ಚ್ನಲ್ಲಿ ಮಹಿಳೆಯ ಶಿರಚ್ಛೇದ: ಆಗಂತುಕನ ದಾಳಿಗೆ ಮೂವರು ಬಲಿ!
ಸದ್ಯ ಹಂತಕನನ್ನು ಬಂಧಿಸಿರುವ ಪೊಲೀಸರು, ಆತನನ್ನು ತೀವ್ರ ವಿಚಾರಣೆಗೆ ಗುರಿಪಡಿಸಿದ್ದಾರೆ. ಈ ಕುರಿತು ಮಾಹತಿ ನೀಡಿರುವ ನೈಸ್ ಮೇಯರ್ ಕ್ರಿಶ್ಚಿಯನ್ ಎಸ್ಟ್ರೋಸಿ, ನಗರದ ಚರ್ಚ್ನಲ್ಲಿ ನಡೆದಿರುವ ಭೀಕರ ಭಯೋತ್ಪಾದಕ ದಾಳಿಯನ್ನು ಖಂಡಿಸಲು ಪದಗಳು ಸಿಗುತ್ತಿಲ್ಲ ಎಂದು ದು:ಖ ವ್ಯಕ್ತಪಡಿಸಿದ್ದಾರೆ.
ಒಟ್ಟಿನಲ್ಲಿ ಫ್ರಾನ್ಸ್ ಮೂಲಭೂತವಾದಿಗಳ ತಾಣವಾಗುತ್ತಿದ್ದು, ಉಗ್ರವಾದಿಗಳ ಅಟ್ಟಹಾಸ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವುದು ವಿಪರ್ಯಾಸವೇ ಸರಿ.