ಮಲೇಷಿಯಾದಲ್ಲಿ ಹೋಂ ಕ್ವಾರಂಟೈನ್‌ ಉಲ್ಲಂಘನೆ..! ಭಾರತ ಮೂಲದ ವ್ಯಕ್ತಿಗೆ 5 ತಿಂಗಳು ಜೈಲು ಶಿಕ್ಷೆ

ಕೌಲಾಲಂಪುರ: ಹೋಂ ಕ್ವಾರಂಟೈನ್‌ ನಿಯಮ ಉಲ್ಲಂಘಿಸಿ 12ಕ್ಕೂ ಹೆಚ್ಚು ಜನರಿಗೆ ಕೊರೊನಾ ಸೋಂಕು ತಗುಲಲು ಕಾರಣನಾದ ಭಾರತೀಯ ಮೂಲದ ವ್ಯಕ್ತಿಗೆ ಮಲೇಷಿಯಾ ನ್ಯಾಯಾಲಯ ಗುರುವಾರ 5 ತಿಂಗಳು ಜೈಲು ಶಿಕ್ಷೆಯನ್ನು ವಿಧಿಸಿದೆ.

ಮಲೇಷಿಯಾದ ಉತ್ತರ ರಾಜ್ಯ ಕೇಡ್ಹಾನಲ್ಲಿ ರೆಸ್ಟೋರೆಂಟ್‌ ಮಾಲೀಕರಾಗಿರುವ 57 ವರ್ಷದ ಭಾರತೀಯ ಮೂಲದ ವ್ಯಕ್ತಿ 14 ದಿನಗಳ ಹೋಂ ಕ್ವಾರಂಟೈನ್‌ ನಿಯಮ ಉಲ್ಲಂಘಿಸಿರುವುದು ಸಾಬೀತಾಗಿದೆ. ಜುಲೈನಲ್ಲಿ ಆತ ಭಾರತದಿಂದ ಮಲೇಷಿಯಾಗೆ ಬಂದಿದ್ದ.

5 ತಿಂಗಳ ಜೈಲು ಶಿಕ್ಷೆ ಜೊತೆಗೆ 12,000 ರಿಂಗಿಟ್ಸ್‌ (ಸುಮಾರು 2 ಲಕ್ಷ ರೂ.) ದಂಡವನ್ನು ಕೂಡ ಅಲೋರ್‌ ಸೇಟಾರ್‌ ಮ್ಯಾಜಿಸ್ಟ್ರೇಟ್‌ ನ್ಯಾಯಾಲಯ ವಿಧಿಸಿದೆ. ವ್ಯಕ್ತಿ ಚಿಕಿತ್ಸೆ ಪಡೆಯುತ್ತಿರುವ ಕೇಡ್ಹಾ ಆಸ್ಪತ್ರೆಯಲ್ಲಿ ವಿಶೇಷ ವಿಚಾರಣೆಯನ್ನು ಗುರುವಾರ ಕೋರ್ಟ್‌ ನಡೆಸಿತ್ತು.

ರಷ್ಯಾದ ಕೊರೊನಾ ಲಸಿಕೆಗೆ ವ್ಯಾಪಕ ಬೇಡಿಕೆ..! ಮೊದಲ ದಿನವೇ 20 ದೇಶಗಳಿಂದ ಔಷಧಿ ಖರೀದಿಗೆ ಆಸಕ್ತಿ

ಆರಂಭದಲ್ಲಿ ವ್ಯಕ್ತಿಯ ಕೊರೊನಾ ವೈರಸ್‌ ಪರೀಕ್ಷೆ ನೆಗೆಟಿವ್‌ ಎಂದು ಬಂದಿತ್ತು. ಆದ್ದರಿಂದ ಕ್ವಾರಂಟೈನ್‌ ಅವಧಿಯಲ್ಲಿಯೂ ಸಹ ಆತ ರೆಸ್ಟೋರೆಂಟ್‌ಗೆ ಭೇಟಿ ನೀಡಿದ್ದ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಆದರೆ, ಎರಡನೇ ಪರೀಕ್ಷೆಯಲ್ಲಿ ಪಾಸಿಟಿವ್‌ ಎಂಬ ವರದಿ ಬಂದಿದೆ. ಇದರಿಂದ ಆತನ ಕುಟುಂಬ ಸದಸ್ಯರು, ರೆಸ್ಟೋರೆಂಟ್‌ ಸಿಬ್ಬಂದಿ ಮತ್ತು ಗ್ರಾಹಕರು ಸೇರಿ 12ಕ್ಕೂ ಹೆಚ್ಚು ಜನ ಕೊರೊನಾ ಸೋಂಕಿತರಾಗಿದ್ದರು.

ರಷ್ಯಾ ಅಧ್ಯಕ್ಷ ಪುಟಿನ್‌ ಮಗಳಿಗೆ ಜಗತ್ತಿನ ಮೊದಲ ಯಶಸ್ವಿ ಕೊರೊನಾ ಲಸಿಕೆ ಪ್ರಯೋಗ

ಕೊರೊನಾ ವೈರಸ್‌ ಹರಡುವಿಕೆಯನ್ನು ಯಶಸ್ವಿಯಾಗಿ ನಿಯಂತ್ರಿಸಿದ ಹಿನ್ನೆಲೆ ಮಲೇಷಿಯಾದಲ್ಲಿ ಮೇ ನಂತರ ಕಟ್ಟುನಿಟ್ಟಿನ ಲಾಕ್‌ಡೌನ್‌ ನಿಯಮಗಳನ್ನು ಹಿಂತೆಗೆದುಕೊಂಡಿದೆ. ಆದರೆ, ಕೆಲ ದಿನಗಳಿಂದ ಸೋಂಕು ಮತ್ತೆ ವೇಗ ಪಡೆದಿರುವುದರಿಂದ ನಿರ್ಬಂಧಗಳನ್ನು ಮತ್ತೆ ಹೇರುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಮಾಸ್ಕ್‌ ಧರಿಸಿಲ್ಲ ಅಂದ್ರೆ 1 ಲಕ್ಷ ರೂ. ದಂಡ..! ಲಾಕ್‌ಡೌನ್‌ ಉಲ್ಲಂಘಿಸಿದರೆ 2 ವರ್ಷ ಜೈಲು: ಜಾರ್ಖಂಡ್‌ನಲ್ಲಿ ಜಾರಿ