ಕೌಲಾಲಂಪುರ: ಭ್ರಷ್ಟಾಚಾರಕ್ಕೆ ಸಂಬಂಧಿಸಿದ ಏಳು ಪ್ರಕರಣಗಳಲ್ಲಿ ಮಲೇಷ್ಯಾ ಮಾಜಿ ಪ್ರಧಾನಿ ನಜೀಬ್ ರಜಾಕ್ ದೋಷಿ ಎಂದು ಅಲ್ಲಿನ ಹೈಕೋರ್ಟ್ ಮಂಗಳವಾರ ಮಹತ್ವದ ತೀರ್ಪು ನೀಡಿದೆ.
ಸರಕಾರಿ ನಿಧಿ 1MDB (ವನ್ಎಂಡಿಬಿ) ಯಿಂದ ಸಾವಿರಾರು ಕೋಟಿ ರೂಪಾಯಿಗಳನ್ನು ಖಾಸಗಿ ಖಾತೆಗಳಿಗೆ ವರ್ಗಾವಣೆ ಮಾಡಿದ ಪ್ರಕರಣ ಇದಾಗಿದ್ದು, ಈ ಸಂಬಂಧ ಹಲವು ರಾಜಕಾರಣಿಗಳ ಮೇಲೆ ನೂರಾರು ಪ್ರಕರಣಗಳು ದಾಖಲಾಗಿವೆ. ಇವುಗಳಲ್ಲಿ ಮೊದಲ ಬಾರಿಗೆ 7 ಪ್ರಕರಣಗಳಲ್ಲಿ ನಜೀವ್ ರಜಾಕ್ ದೋಷಿ ಎಂದು ನ್ಯಾಯಧೀಶ ಮೊಹ್ದ್ ನಝ್ಲಾನ್ ಗಝಾಲಿ ತೀರ್ಪು ನೀಡಿದ್ದಾರೆ.
ಅಧಿಕಾರ ದುರುಪಯೋಗ, ಅಕ್ರಮ ಹಣಕಾಸು ವರ್ಗಾವಣೆ ಮತ್ತು ನಂಬಿಕೆ ದ್ರೋಹದ ಅಪರಾಧವನ್ನು ಅವರ ಮೇಲೆ ಹೊರಿಸಲಾಗಿದೆ. 10 ವರ್ಷಗಳ ಜೈಲು ಶಿಕ್ಷೆ ಹಾಗೂ ಭಾರಿ ದಂಡಕ್ಕೆ ಅವರು ಗುರಿಯಾಗುವ ಸಾಧ್ಯತೆ ಇದೆ. ಆದರೆ ಮೇಲ್ಮನವಿಗಳು ಬಾಕಿ ಇರುವುದರಿಂದ ಸದ್ಯ ಅವರು ಜೈಲಿನಿಂದ ದೂರವೇ ಉಳಿಯಲಿದ್ದಾರೆ.
67 ವರ್ಷದ ನಜೀಬ್ ರಜಾಕ್ ಹಣಕಾಸು ಸಚಿವರಾಗಿದ್ದಾಗ ನಿಮಯ ಮೀರಿ ಸಾಲಗಳನ್ನು ನೀಡಿ, ನಂತರ ಆ ಹಣವನ್ನು ತಮ್ಮ ವೈಯಕ್ತಿಕ ಖಾತೆಗಳಿಗೆ ವರ್ಗಾವಣೆ ಮಾಡಿದ್ದಾರೆ ಎಂದು ತೀರ್ಪಿನಲ್ಲಿ ಉಲ್ಲೇಖಿಸಲಾಗಿದೆ.
‘ಸಿಎಎ ವಿರೋಧಿ’ ಮಹಥಿರ್ಗೆ ನಿರಾಸೆ, ಮಲೇಷ್ಯಾ ನೂತನ ಪ್ರಧಾನಿಯಾಗಿ ಯಾಸಿನ್ ನೇಮಕ
ಕೇವಲ ಆರು ದಿನಗಳ ಹಿಂದೆ ಸರಕಾರಕ್ಕೆ 400 ಮಿಲಿಯನ್ ಡಾಲರ್ (ಸುಮಾರು 3 ಸಾವಿರ ಕೋಟಿ ರೂ.) ತೆರಿಗೆ, ದಂಡವನ್ನು ಕಟ್ಟುವಂತೆ ನಜೀಬ್ ರಜಾಕ್ಗೆ ಅಲ್ಲಿನ ಹೈಕೋರ್ಟ್ ಆದೇಶ ನೀಡಿತ್ತು. ಬೆನ್ನಿಗೆ ಇದೀಗ ವನ್ಎಂಡಿಬಿ ಹಗರಣದಲ್ಲಿಯೂ ಅವರು ದೋಷಿ ಎಂಬ ತೀರ್ಪು ಹೊರಬಿದ್ದಿದೆ.
ವಿರೋಧ ಪಕ್ಷದ ಸಂಸದ ಟೋನಿ ಪಾವಾ 2018ರಲ್ಲಿ ಈ ಹಗರಣವನ್ನು ಬಯಲಿಗೆ ಎಳೆದಿದ್ದರು. ತೀರ್ಪಿನ ಬಳಿಕ ಪ್ರತಿಕ್ರಿಯೆ ನೀಡಿರುವ ಅವರು, 'ಇನ್ನೂ ಇದು ಮುಗಿದಿಲ್ಲ, ಈ ತೀರ್ಪು ಸರಿಯಾದ ದಿಕ್ಕಿನಲ್ಲಿ ಮೊದಲ ಹೆಜ್ಜೆ ಅಷ್ಟೆ' ಎಂದು ಪ್ರತಿಕ್ರಿಯಿಸಿದ್ದಾರೆ.
2018ರ ಮೇನಲ್ಲಿ ಇದೇ ಹಗರಣದಿಂದಾಗಿ ದೇಶಾದ್ಯಂತ ಭಾರಿ ಪ್ರತಿಭಟನೆಗಳು ಹುಟ್ಟಿಕೊಂಡಿದ್ದವು. ಈ ಹೋರಾಟದ ಬಿಸಿಗೆ ನಜೀಬ್ ಸರಕಾರ ಪತನವಾಗಿತ್ತು. ಆದರೆ ಈಗಿನ ಮುಹಿದ್ದೀನ್ ಯಾಸೀನ್ ಸರಕಾರದಲ್ಲಿಯೂ ನಜೀಬ್ ಪಕ್ಷ ಪ್ರಮುಖ ಪಾತ್ರವಹಿಸಿದೆ.
ಏನಿದು ವನ್ಎಂಡಿಬಿ ಹಗರಣ?
ವನ್ ಮಲೇಷಿಯನ್ ಡೆವಲಪ್ಮೆಂಟ್ ಬೆರ್ಹಾದ್ ಎಂಬುದು ಇದರ ಪೂರ್ತಿ ಹೆಸರು. ದೇಶದಲ್ಲಿ ಆರ್ಥಿಕ ಚಟುವಟಿಕೆಗಳಿಗೆ ಉತ್ತೇಜನ ನೀಡುವ ಸಲುವಾಗಿ 2009ರಲ್ಲಿ ನಜೀಬ್ ರಜಾಕ್ ಪ್ರಧಾನಿಯಾಗಿದ್ದಾಗ ಇದನ್ನು ಸ್ಥಾಪಿಸಲಾಗಿತ್ತು.
2015ರ ಹೊತ್ತಿಗೆ ವನ್ಎಂಡಿಬಿ ಬ್ಯಾಂಕ್ಗಳಿಗೆ ಸಾಲ ಪರುಪಾವತಿ ಮಾಡಲು ವಿಫಲವಾಗುತ್ತಿದ್ದಂತೆ ಹಗರಣ ವಾಸನೆ ಮೂಗಿಗೆ ಬಡಿಯಲಾರಂಭಿಸಿತ್ತು. ಮಲೇಷ್ಯಾ ತನಿಖಾಧಿಕಾರಿಗಳು ಮತ್ತು ಅಮೆರಿಕಾದ ಪ್ರಕಾರ ಒಟ್ಟಾರೆ ಸುಮಾರು 4.5 ಬಿಲಿಯನ್ ಡಾಲರ್ (33,000 ಕೋಟಿ ರೂ.) ಅವ್ಯವಹಾರಗಳು ಇದರಲ್ಲಿ ನಡೆದಿದ್ದು, ಖಾಸಗಿ ಖಾತೆಗಳಿಗೆ ಹಣವನ್ನು ವರ್ಗಾವಣೆ ಮಾಡಲಾಗಿದೆ.
ಕಾಣೆಯಾದ ಹಣವನ್ನು ಐಷಾರಾಮಿ ರಿಯಲ್ ಎಸ್ಟೇಟ್, ಖಾಸಗಿ ಜೆಟ್, ಕಲಾಕೃತಿಗಳ ಖರೀದಿಯಿಂದ ಹಿಡಿದು, ಹಾಲಿವುಡ್ನ ಬ್ಲಾಕ್ಬಸ್ಟರ್ ಸಿನಿಮಾ ವೂಲ್ಫ್ ಆಫ್ ವಾಲ್ ಸ್ಟ್ರೀಟ್ ಮೇಲೂ ಹೂಡಿಕೆ ಮಾಡಲಾಗಿದೆ. ಹೀಗೆ ಹಲವು ಆಯಾಮಗಳ ಬೃಹತ್ ಹಗರಣವಿದು. ಹಣ ವರ್ಗಾವಣೆ, ಅದನ್ನು ಮುಚ್ಚಿಡಲು ಅಧಿಕಾರ ದುರ್ಬಳಕೆ ನಡೆದಿದ್ದು ಸೇರಿದಂತೆ ಹಲವು ಒಳಸುಳಿಗಳು ಇದರಲ್ಲಿವೆ. ಈ ಪೈಕಿ 7 ಪ್ರಕರಣದಲ್ಲಿ ಈಗ ನಜೀಬ್ ರಜಾಕ್ ದೋಷಿಯಾಗಿದ್ದಾರೆ. ಉಳಿದವುಗಳ ಹಣೆಬರಹ ಮುಂದಿನ ದಿನಗಳಲ್ಲಿ ತಿಳಿದು ಬರಬೇಕಿದೆ.
ಸರಕಾರಿ ನಿಧಿ 1MDB (ವನ್ಎಂಡಿಬಿ) ಯಿಂದ ಸಾವಿರಾರು ಕೋಟಿ ರೂಪಾಯಿಗಳನ್ನು ಖಾಸಗಿ ಖಾತೆಗಳಿಗೆ ವರ್ಗಾವಣೆ ಮಾಡಿದ ಪ್ರಕರಣ ಇದಾಗಿದ್ದು, ಈ ಸಂಬಂಧ ಹಲವು ರಾಜಕಾರಣಿಗಳ ಮೇಲೆ ನೂರಾರು ಪ್ರಕರಣಗಳು ದಾಖಲಾಗಿವೆ. ಇವುಗಳಲ್ಲಿ ಮೊದಲ ಬಾರಿಗೆ 7 ಪ್ರಕರಣಗಳಲ್ಲಿ ನಜೀವ್ ರಜಾಕ್ ದೋಷಿ ಎಂದು ನ್ಯಾಯಧೀಶ ಮೊಹ್ದ್ ನಝ್ಲಾನ್ ಗಝಾಲಿ ತೀರ್ಪು ನೀಡಿದ್ದಾರೆ.
ಅಧಿಕಾರ ದುರುಪಯೋಗ, ಅಕ್ರಮ ಹಣಕಾಸು ವರ್ಗಾವಣೆ ಮತ್ತು ನಂಬಿಕೆ ದ್ರೋಹದ ಅಪರಾಧವನ್ನು ಅವರ ಮೇಲೆ ಹೊರಿಸಲಾಗಿದೆ. 10 ವರ್ಷಗಳ ಜೈಲು ಶಿಕ್ಷೆ ಹಾಗೂ ಭಾರಿ ದಂಡಕ್ಕೆ ಅವರು ಗುರಿಯಾಗುವ ಸಾಧ್ಯತೆ ಇದೆ. ಆದರೆ ಮೇಲ್ಮನವಿಗಳು ಬಾಕಿ ಇರುವುದರಿಂದ ಸದ್ಯ ಅವರು ಜೈಲಿನಿಂದ ದೂರವೇ ಉಳಿಯಲಿದ್ದಾರೆ.
67 ವರ್ಷದ ನಜೀಬ್ ರಜಾಕ್ ಹಣಕಾಸು ಸಚಿವರಾಗಿದ್ದಾಗ ನಿಮಯ ಮೀರಿ ಸಾಲಗಳನ್ನು ನೀಡಿ, ನಂತರ ಆ ಹಣವನ್ನು ತಮ್ಮ ವೈಯಕ್ತಿಕ ಖಾತೆಗಳಿಗೆ ವರ್ಗಾವಣೆ ಮಾಡಿದ್ದಾರೆ ಎಂದು ತೀರ್ಪಿನಲ್ಲಿ ಉಲ್ಲೇಖಿಸಲಾಗಿದೆ.
‘ಸಿಎಎ ವಿರೋಧಿ’ ಮಹಥಿರ್ಗೆ ನಿರಾಸೆ, ಮಲೇಷ್ಯಾ ನೂತನ ಪ್ರಧಾನಿಯಾಗಿ ಯಾಸಿನ್ ನೇಮಕ
ಕೇವಲ ಆರು ದಿನಗಳ ಹಿಂದೆ ಸರಕಾರಕ್ಕೆ 400 ಮಿಲಿಯನ್ ಡಾಲರ್ (ಸುಮಾರು 3 ಸಾವಿರ ಕೋಟಿ ರೂ.) ತೆರಿಗೆ, ದಂಡವನ್ನು ಕಟ್ಟುವಂತೆ ನಜೀಬ್ ರಜಾಕ್ಗೆ ಅಲ್ಲಿನ ಹೈಕೋರ್ಟ್ ಆದೇಶ ನೀಡಿತ್ತು. ಬೆನ್ನಿಗೆ ಇದೀಗ ವನ್ಎಂಡಿಬಿ ಹಗರಣದಲ್ಲಿಯೂ ಅವರು ದೋಷಿ ಎಂಬ ತೀರ್ಪು ಹೊರಬಿದ್ದಿದೆ.
ವಿರೋಧ ಪಕ್ಷದ ಸಂಸದ ಟೋನಿ ಪಾವಾ 2018ರಲ್ಲಿ ಈ ಹಗರಣವನ್ನು ಬಯಲಿಗೆ ಎಳೆದಿದ್ದರು. ತೀರ್ಪಿನ ಬಳಿಕ ಪ್ರತಿಕ್ರಿಯೆ ನೀಡಿರುವ ಅವರು, 'ಇನ್ನೂ ಇದು ಮುಗಿದಿಲ್ಲ, ಈ ತೀರ್ಪು ಸರಿಯಾದ ದಿಕ್ಕಿನಲ್ಲಿ ಮೊದಲ ಹೆಜ್ಜೆ ಅಷ್ಟೆ' ಎಂದು ಪ್ರತಿಕ್ರಿಯಿಸಿದ್ದಾರೆ.
2018ರ ಮೇನಲ್ಲಿ ಇದೇ ಹಗರಣದಿಂದಾಗಿ ದೇಶಾದ್ಯಂತ ಭಾರಿ ಪ್ರತಿಭಟನೆಗಳು ಹುಟ್ಟಿಕೊಂಡಿದ್ದವು. ಈ ಹೋರಾಟದ ಬಿಸಿಗೆ ನಜೀಬ್ ಸರಕಾರ ಪತನವಾಗಿತ್ತು. ಆದರೆ ಈಗಿನ ಮುಹಿದ್ದೀನ್ ಯಾಸೀನ್ ಸರಕಾರದಲ್ಲಿಯೂ ನಜೀಬ್ ಪಕ್ಷ ಪ್ರಮುಖ ಪಾತ್ರವಹಿಸಿದೆ.
ಏನಿದು ವನ್ಎಂಡಿಬಿ ಹಗರಣ?
ವನ್ ಮಲೇಷಿಯನ್ ಡೆವಲಪ್ಮೆಂಟ್ ಬೆರ್ಹಾದ್ ಎಂಬುದು ಇದರ ಪೂರ್ತಿ ಹೆಸರು. ದೇಶದಲ್ಲಿ ಆರ್ಥಿಕ ಚಟುವಟಿಕೆಗಳಿಗೆ ಉತ್ತೇಜನ ನೀಡುವ ಸಲುವಾಗಿ 2009ರಲ್ಲಿ ನಜೀಬ್ ರಜಾಕ್ ಪ್ರಧಾನಿಯಾಗಿದ್ದಾಗ ಇದನ್ನು ಸ್ಥಾಪಿಸಲಾಗಿತ್ತು.
2015ರ ಹೊತ್ತಿಗೆ ವನ್ಎಂಡಿಬಿ ಬ್ಯಾಂಕ್ಗಳಿಗೆ ಸಾಲ ಪರುಪಾವತಿ ಮಾಡಲು ವಿಫಲವಾಗುತ್ತಿದ್ದಂತೆ ಹಗರಣ ವಾಸನೆ ಮೂಗಿಗೆ ಬಡಿಯಲಾರಂಭಿಸಿತ್ತು. ಮಲೇಷ್ಯಾ ತನಿಖಾಧಿಕಾರಿಗಳು ಮತ್ತು ಅಮೆರಿಕಾದ ಪ್ರಕಾರ ಒಟ್ಟಾರೆ ಸುಮಾರು 4.5 ಬಿಲಿಯನ್ ಡಾಲರ್ (33,000 ಕೋಟಿ ರೂ.) ಅವ್ಯವಹಾರಗಳು ಇದರಲ್ಲಿ ನಡೆದಿದ್ದು, ಖಾಸಗಿ ಖಾತೆಗಳಿಗೆ ಹಣವನ್ನು ವರ್ಗಾವಣೆ ಮಾಡಲಾಗಿದೆ.
ಕಾಣೆಯಾದ ಹಣವನ್ನು ಐಷಾರಾಮಿ ರಿಯಲ್ ಎಸ್ಟೇಟ್, ಖಾಸಗಿ ಜೆಟ್, ಕಲಾಕೃತಿಗಳ ಖರೀದಿಯಿಂದ ಹಿಡಿದು, ಹಾಲಿವುಡ್ನ ಬ್ಲಾಕ್ಬಸ್ಟರ್ ಸಿನಿಮಾ ವೂಲ್ಫ್ ಆಫ್ ವಾಲ್ ಸ್ಟ್ರೀಟ್ ಮೇಲೂ ಹೂಡಿಕೆ ಮಾಡಲಾಗಿದೆ. ಹೀಗೆ ಹಲವು ಆಯಾಮಗಳ ಬೃಹತ್ ಹಗರಣವಿದು. ಹಣ ವರ್ಗಾವಣೆ, ಅದನ್ನು ಮುಚ್ಚಿಡಲು ಅಧಿಕಾರ ದುರ್ಬಳಕೆ ನಡೆದಿದ್ದು ಸೇರಿದಂತೆ ಹಲವು ಒಳಸುಳಿಗಳು ಇದರಲ್ಲಿವೆ. ಈ ಪೈಕಿ 7 ಪ್ರಕರಣದಲ್ಲಿ ಈಗ ನಜೀಬ್ ರಜಾಕ್ ದೋಷಿಯಾಗಿದ್ದಾರೆ. ಉಳಿದವುಗಳ ಹಣೆಬರಹ ಮುಂದಿನ ದಿನಗಳಲ್ಲಿ ತಿಳಿದು ಬರಬೇಕಿದೆ.